طلال أنا بوصيك وحفظ وصاتي= خلك عزيز النفس عن كل مغرور
وحافظ على دينك وفرض الصلاتي= ترا الصلاة تشع شع الوجه بالنور
وخلك على الجيران سكر نباتي= ترا الذي يدرا على الجار ماجور
الجار وصابه نبي الهداتي= نبينا المعصوم عن كلمة الزور
جازه بحسنه وحشمة شفاتي= تراك من ناسن لهم بالوفاء دور
أدمح له الزلات ما فات فاتي= لو شفت مايزعلك جازه بمشكور
وأيضى الخوي والضيف لهم ألتفاتي= لهم الوفاء ياعزوتي ما بها شور
خلك وفي وخل عندك ثباتي= وحفظ لسانك لاتسمى بثرثور
أغنم زمانك قبل وقت المماتي= تكسب رضاء المعبود وتعيش مسرور
وحذراك لاتنقل كلام الوشاتي= تصيرمثل اللي يولع بدافور
يشبها من بين ذاتا وذاتي= ويصير بين الناس بالشر مشهور
هذي وصاتي وحفظه ياغناتي= شيِّن صحيح وبالتواريخ مذكور

وحـــــــذراك لاتــنـــقـــل كــــــــلام الــوشـــاتـــي تــصــيــرمـــثـــل الــــــلــــــي يــــــولــــــع بــــــدافـــــــور
يــشــبـــهـــا مــــــــــن بـــــيــــــن ذاتـــــــــــا وذاتـــــــــــي ويـصـيــر بــيــن الــنــاس بـالـشــر مـشــهــور
هــــــــذي وصــــاتـــــي وحـــفـــظـــه يــاغــنــاتـــي شـــيِّـــن صــحــيـــح وبـالــتــواريــخ مـــذكــــور

الله يرحم عايد بن ضواي بن حماد
ويغفر له ويجعل مثواه الجنه مع الابرار والصديقين
وشكراً لك اخوي على النشر
تحيتي