البارحه ماني من الناس والحي=والحي كنه والبشر صورة اشباح
كن المدينه والمباني ولاشي=وكن الفضا مافيه للطير مسباح
حتى الهوى والمي ماعاد هو مي=خيًم ظلام الكون لو فيه مصباح
اواه ياحزن(ن) كوى خافقي كي=كن الصدر مطعون في ضربة ا/سلاح
على الذي غابت عن الدار والحي=حزن(ن) نهار اثنين للقلب مجتاح
لو العيون بصافي الدمع تكفي=كانت عيون الحزن بالدمع سفاح
لكن دموع العين ماعاد تشفي=ولاتنفع الاحزان في ماضي(ن) راح
ماضنتي منها مع الناس تمشي= اللي وقف جلبابها مابعد طاح
لين احتواها اللحد من فوقها طي= الحافظه والساجده دين واصلاح
يالله ياربي عسى قبرها في=ومد النظر ياخالق الروح ينباح
نظرة رضا واكرام ياغافر السئ=واكرم نزلها وسط روض(ن) وتفاح
وفي جنة الفردوس عن لاهب الضي=بالدر والياقوت والمسك فواح
وهذا القدر بالخير والشر مرضي= وحكم الولي مكتوب لو طرت بجناح

احسن الله عزاك
وعظم اجرك وجبر مصابك
ورحم متوفاك واسكنه جنة الخلد مع الشهداء
والصديقين والابرار وتقبل من اخوك خالص العزاء وصح لسانك مدد بلا عدد
ابو مشاري انت شاعر متمكن جزل المعاني صدقني
رددت هذه الصيده وأعجبتني جداً ولوكانت حزينه
تحيتي

اواه يــاحــزن(ن) كــــوى خـافـقــي كــــي=كن الصدر مطعون في ضربة ا/سلاح
علـى الــذي غـابـت عــن الــدار والـحـي=حــزن(ن) نـهـار اثنـيـن للقـلـب مجـتـاح

صح لسانك
وسلم راسك،، جزلة من جزل