قصيد الشاعر والإعلامي رشيد الفريدي شاعر غني عن التعريف شاعر
وكل قصائدة نجد بها من الابداع والحكمة و القوة الشعرية
اليكم قصيدة (ابو عبد الاله)

راع الوفاء وقفته ماني بناسيها =لو فرقتنا الظروف وبيننا حالت
ظروف دنيا كفانا الله بلاويها =ياما على امتوننا في حملها مالت
يا كثر ناس بعيد ونفتخر فيها =وياكثر ناس عليها دموعنا سالت
الناس واجب نسمّيها باساميها =ولا فيه داعي نطوّل ناس ما طالت
بعض الأسامي ما حادت عن مباديها =تستاهل النعم بالماضي ولا زالت
وقت الشدايد تسر اللّي يناديها =لا من سود الليالي صالت وجالت
وبعض الأسامي حرام الرجل يطريها =والله لتبطي لقولة نعم ما نالت
في حزّة الضيق ما تبعد حراويها =نفود...جتها سموم القيض وانهالت
وبعض الأسامي ترانا ننخدع فيها =لو تنكتب بالذهب والله وما قالت
- رشيد الفريدي