مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   من حب لازم يضحي !!! (http://www.alfredah.net/forum/threads/alfredah35724/)

خلف الفريد 11-04-12 09:50 PM

من حب لازم يضحي !!!
 

بسم الله الرحمن الرحيم


يامنبع الحب والاشواق والرقـّه=انا دخيلك صدودك بعثر اوراقي
اظهر لي الود مره والعتب بقه=ما باقيٍ من مشاعر حبنا باقي
ثوب العلاقه رقيقٍ واتسع شقه=والابره اللي بيدك وسلكها دقاقي
وزرعٍ زرعته بقلبي يالغضي سقه=الزرع يحيا ويثمر لاعتنى الساقي
من حَبّ لازم يضحي في بَعَض حقه=والا ترى الحب عقبه دايم افراقي
صفّ النوايا وقلبك يالغلا نقّه=والا انت مهما فعلته بين الاحداقي
وان كان قلبي تركته بالعرا ..وقه=من باب الاحسان والله ربنا الواقي
قال المثل كل تعليمه عقب دقه=ولا ظنتي يعتبر به شايبٍ شاقي
.....

اهداء خاص باسم مشعل المجالس

غازى بن عجاب أبوزوايد 11-04-12 10:35 PM

رد: من حب لازم يضحي !!!
 
اخوى الكبير بقدره
خلف بن عتاق الفريد
ما ذا أقول لشاعر بحجم ابو عبدالعزيز
سوى صح لسانك ولاهنت والشايب شايب القلب
شكراً لك على الاضافه الرائعه جزله من جزل
وغطيت على الشباب يالفريد لك مني قبله على الجبين
تحيتي

عبدالله حمد الفريدي 11-04-12 11:07 PM

رد: من حب لازم يضحي !!!
 
ابوعبدالعزيز
صح لسانك وبيض الله وجهك
يستاهل ابو صالح لاعدمناكم

ابـن مـطـيـع 11-04-12 11:09 PM

رد: من حب لازم يضحي !!!
 
لي الشرف ان قصيدتك المهداه حملة في اخرها اسمي ؟
تبقى عندليب المجالس وشاعر يكتب اجمل واعذب الشعر
دائماُ نتذوق مع قصيدتك الشعر الجميل
تقبل مروري لك اباعبد العزيز
بــنتـظار جــديـدك
حفظك الباري

نايف بن مياس.. 12-04-12 12:49 AM

رد: من حب لازم يضحي !!!
 
صح لساااانك

علي الجضعان 12-04-12 01:38 AM

رد: من حب لازم يضحي !!!
 
صح لساااانك

نواف فارع 12-04-12 01:57 AM

رد: من حب لازم يضحي !!!
 
جمال القصيد ...
اجتمع في حالتين وهو لا يجتمع دائماً إلا في حالةٍ واحدة .

فاكتمل النص بقاف ( قفر ) .

واختتم باسم : مشعل المجالس .

لاهنت أبوعبدالعزيز .. وصحت أفكارك .

تحيتي وتقديري .

ابن رضيمان 12-04-12 12:08 PM

رد: من حب لازم يضحي !!!
 
صح الله لسانك ياابوعبدالعزيز



عبدالعزيز العبلان 12-04-12 01:30 PM

رد: من حب لازم يضحي !!!
 
صح لسانك يابوعبدالعزيز

ومشعل يستاهل

تحيتي وتقديري

مبارك بن ناصر بن حديد 12-04-12 06:09 PM

رد: من حب لازم يضحي !!!
 
زرع ٍ زرعته بقلبي يالغضي سقه=

=الزرع يحيا ويثمر لاعتنى الساقي

0

0

صح لسانك ياعندليب المجالس

لك تحاتي


الساعة الآن 09:04 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52