يالله لا تجعل بيمنى الردي شي=ما من فوايد للجماعه ولا له
لامشبعٍ جوعٍ ولا مرون اضمي=ولامستفيدٍ منه حتى عياله

من باعني ماشريه مبطى وهالحين=ماهو تكبر بـس هـذي صفاتـي
ماعزنا ربـي ونخضـع ذلـيـلـيـن=عيبـن علينـا نتبـع الهيناتـي

اقول حـرب مفرقيـن المواليـف=خصيمهم بالحـرب مالـه شفاعـه
ولياانفقوا ماحسّبـوا للمصاريـف=أهل الوفا والجود واهل الشجاعـه

حبه لحقني لحق شيهان فاعـوس=لحـق الطيـار وله تعـقـرب ونشـا
لحق الطيار مخالفه والهواء كوس=حـوّل بـهـا ومـن الـثنـادي تعشا

ناظرتها والعين ماتفارق العين =وعرفت مضمون الحكي بالعيوني
في صمت والعبره تهشم من البين=صديت والمكسب وساع الطعوني

ياحي والله مجلس فيه مريت=فيه العلوم الطيبه والهدايا
مجلس عيال العود ذخر الزناتيت=اولاد راشد هم ذراي وحجايا

ماكل ماتشهى له النفس معقول=ياكم عافت نفس شيٍ بكت له
وياكثر ماتتعب حياتك ولا تنول= شيٍ قريب وعند خاطرك بتله

لاشفت زوله والله اني تطمنت=شوفه دواي وهرجته لي علاجي
مير الليالي عقب مازانت وزنت=تبدلت صحواتها في عجاجي

يامل قلبٍ هجوسه مايدارنّه=يركن على واهجه روس المشاهيبي
لولا ولولا ولولا وش ينجنّه=مافادني طبكم ياهل التطابيبي

ودي بهمسٍ ينعش اهيام ذكراك =من فح مخفوت الحياء لاهتفته
واشبع سموعٍ قوتها بحـّت اصداك= واذكـّرك في حلفك اللي حلفته