|
لا لا تجي وتروح واشقا بفرقاك لالا تجي وتروح واشقا بفرقاك =واموت ماوفيت ونسٍ صرفته وتزود في بلوى افراقك وبلواك= وارجع من اول في طريقٍ نصفته لوكان مالي ونس في غير لقياك= ولااكتفيت ابورد زرعٍ قطفته ودي بهمسٍ ينعش اهيام ذاكرك =من فح مخفوت الحياء لاهتفته واشبع سموعٍ قوتها بحت اصداك= واذكـّرك في حلفك اللي حلفته واقول لك منساك منساك منساك =ولحدٍ بعدك ابخشة القلب ضفته وان ضفت بالجوال هذا ورا ذاك =من صد وابطا باتصاله حذفته والاانت في بالي تجي ماتباطاك =مع طيفك اللي من شعوري ولفته يسوق فكري سوق منا ومناك =و في كل دربٍ سج فكري صدفته يعني هنا با لبال وهناك وهناك =من وين مالديت الاعيان شفته سامحك ربي كلها من سواياك =وزنت لي وتر الغرام وعزفته لاكن يدور الوقت وادور الافلاك =ولازلت انا اللي فالبدايه عرفته |
رد: لا لا تجي لاقفيت وشقا بفرقاك صح لسانك قصيده لها نصيب من الجزله وعادتك الجزاله وتحمل مشاعر تحرك الشعور لاهنت ودمت يابن مريبيث تحيتي وتقديري لك |
رد: لا لا تجي لاقفيت وشقا بفرقاك لاهنت يبن عبلان صح بدنك و شهاده اعتز وافتخر فيها |
رد: لا لا تجي وتروح واشقا بفرقاك صح لساااانك يانوااااااااااااف قمة الشعور والشاعريه عليك بانتر لاتحرمنا |
رد: لا لا تجي وتروح واشقا بفرقاك صح لسانك ولاهنت اخوى الشاعر نواف المريبيث تحيتي |
رد: لا لا تجي وتروح واشقا بفرقاك صح لسانك نواف المريبيث قصيدة جزلة جدا وارجو الاهتمام بالقصيدة عند الكتابه لاهنت |
رد: لا لا تجي وتروح واشقا بفرقاك صح لسانك أخوي / نواف المريبيث . ودام شعرك وحضورك . تحيتي وتقديري . |
رد: لا لا تجي وتروح واشقا بفرقاك وان ضفـت بالـجـوال هــذا ورا ذاك=مـن صـد وابـطـا باتصـالـه حذفـتـه صح الله السانك ابو عواد على القصيدة الرائعه والجزلة لاتحرمنا من جديدك الرائع تقبل مروري وسجل اعجابي بطرحك المميز |
رد: لا لا تجي وتروح واشقا بفرقاك الشاعر نواف المريبيث صح لسانك قصيده جزله بنتظار جديدك لاهنت |
رد: لا لا تجي وتروح واشقا بفرقاك اقتباس:
ودي بهمسٍ ينعش اهيام ذكراك =من فح مخفوت الحياء لاهتفته مفرده وتركيبه متعوب عليها .. صح لسانك لك اجمل تحيه ونترقب كل مالديك |
| الساعة الآن 04:12 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir