امّي مقصّر لوتعذرت يا امّي!!=مار السموحه منك يانور عيني
كم يتعب الاعصاب ويزيد غمي=اليا ذكرت الحق مع كبر ديني!!
يمه انا ادري شلت كسبي بكمي!!=لكن سؤالٍ بس.. في كلمتيني!!
انا كسبت رضاك وانزاح همي!!=والا عصيت اللـّــه بالآيتيني!!
تثني عليّ الناس والا تذمي!!=انا عدوي فرحة الشامتيني!!
يعل عروقٍ دمّها كان دمي=ما يابسن طول الدهر والسنيني
ولعل صدرٍ كان زادي وجَمِّي=بينه وبين النار صفحة جبيني!!
وعسى يدينٍ من غلايه.. تضمي=ما تشتكي لو حِكة الراحتيني
وعسى متونٍ ماشتكت يوم زمّي=ماتشيل من همّ العنا شعرتيني!!
ولعل عينٍ دايم الدوم يمي=من غبنها ..ماتمسح الدمعتيني!!
كم راقبتني يوم راسي يومّي!!=وتركض ورايه كل وقتٍ وحيني!!
وان طحت جتني من حنانه.. تسمّي=وبصوتها الدافي "سلامة جنيني"!!
يفداك مطواعٍ لها.. يقول سمي!!=اليا مشت خطوه رجع خطوتيني!!
ومن الغبا لعيال "خبله" يشمي=وامه جداها.. تكتم العبرتيني!!
مايدري انه رمّ.. يضحك لرمي!!=وحصيله الخسران.. دنيا وديني !!
وسلامتكم
....