يامصطفى خوّتك مامثلها امثالي=لو انها غاليه بالمال نشريها
انته حشيمٍ وقدرك عندنا غالي=ويمناك ماهي بخيله في عطاويها
ترى السفر يفرز الاول من التالي=وانته لك الاوله دايم وراعيها
تزمي كما تزمي الشيهان بالعالي=ولا يسلم الصيد من قوة مداليها
والرجل في خوته تبين الاحوالي=ويبين وش معدنه بآخر تواليها
وانته نسيبي واخوي وفوقها خالي=من روس ربعٍ تطرّبني عزاويها
مال للرديه عليك اليوم مدخالي=والناس من فعلها تعرف مباديها
وديتني للمدينه دار الابطالي=ولو طعتك الفرت دوّج في نواحيها
رحنا على الجيب رغبه وانشرح بالي=يوم احتزمت بخويٍّ مايجليها
لازلت اوده وهو بالود لازالي=وكل رمعةٍ طيّبه عنده حراويها
ولاتشترى المرجله في كثر الاموالي=المرجله قمةٍ تصعب مراقيها!!

اخوي الكبير بقدره
خلف بن عتاق الفريد
والنعم والله بمصطفى بن فلاح الوسوس
وانت صح لسانك ولاهنت على هالقصيده الجزله
كما عودتنا بل وأشكرك ايضاً على الحضور والتواجد الدائم
تقبل تحيتي

شاعرنا الكبير بقدره

انا من المتابعين لشعرك

ومن المعجبين بجمال قصائدك

ما اقول الا صح لسانك وعلا شانك