|
تكريم مستحق من كريم وافي .... بسم الله الرحمن الرحيم قبل اسابيع وبدعوة من الشيخ/ عياد بن فويران الفريد تشرفت بحضور الحفل الذي اقامه ببيته العامر في بلدة الطراق ابتهاجاً بفوز اعضاء المجلس البلدي بالقوارة من شبابنا وهم: منصور بن ناصر بن سعديه من القواره عبد الله بن راضي الوسوس من القواره دحيم بن قاعد بن دهيليس من المخرم سعد بن مطر الطميشاء من المخرم فهد بن منصور الضبعان من القواره اضافة الى مدير بلدية القواره وجمع من اعيان القبيلة والمنطقه ، ونيابة عن ابو عوض القيت هذه الكلمات وضمنتها بالاخير احوال قرى المنطقة واملنا فيهم ... عن اذنكم.. مبسوط والراس شايش=مار اسمحوا لي يالوجيه المداغيش كلام عقلٍ ما جمعناه طايش=يوم ان بعض الشعر مثل الخرابيش بسم الكريم اللي للامجاد حايش=اللي مقامه يرفع الراس ويعيش يامرحباوالصدر بالحب جايش=في دار رمز المرجله والنغاميش راعي هلا والوجه كله بشايش=كنه يهلي بالمزون المراهيش والدار بيبانه تخزّ الدرايش=مشرعاتٍ مافتحهن على ويش واليوم ضيوفه ماعليهم غطايش=مثل النجوم الزاهيات الرواهيش اكبودنا دايم عليهم عطايش=وآمالنا مثل انتظار الطواريش!! ديارنا تشبه بلاد العرايش=وتشكي مع الايام عزله وتهميش!! درب الجلد مليان خوف وهوايش=وعند القنص لايطير بيديكم الريش!! نبي على الذرعان تزها الغوايش=ماينفع الجيعان بعض العراميش!! |
رد: تكريم مستحق من كريم وافي .... اخوى الكبير بقدره خلف بن عتاق الفريد صح لسانك ولاهنت وافي ودائماً جزل وتشرف محافل ربعك دمت بالوجود يابو عبدالعزيز قصيده جزله من شاعر جزل تقبل مرورى وتحيتي |
رد: تكريم مستحق من كريم وافي .... طبت وطاب ماقلت وصح الله السانك |
رد: تكريم مستحق من كريم وافي .... ابوعبدالعزيز وافي يامنبع الوفاء لاعدمناك ويستاهل المدح ابن فويران جمل الله حاله |
رد: تكريم مستحق من كريم وافي .... صحت معانيك ودامت أفكارك .. أبوعبدالعزيز .. ودام الجميع على أحسن الأحوال . تحيتي وتقديري . |
رد: تكريم مستحق من كريم وافي .... عندليب المجالس صح لسانك ودامت ايامك كفو عياد ابن فويران يستاهل المدح معاني جزلة من شاعر تعودنا منه جزل القصيد تقبل وافر التقدير |
رد: تكريم مستحق من كريم وافي .... صح السانك عندليب المجالس ولاهو غريب عليك وهم يستاهلون كل خير تقبل مروري لك اباعبد العزيز بنتظار جديد |
رد: تكريم مستحق من كريم وافي .... ابوعبدالعزيز شاعر القبيله صح لسانك وعلا شانك ابوعبدالعزيز تصادف غريب بين قافيت قصيدتي وقصيدتك شئ طريف وعجيب واحد سارق الثاني هههههه تقبل أرق وأحلي التحايا |
رد: تكريم مستحق من كريم وافي .... لا جديد يابو عبدالعزيز الصداره ,, والجزاله ,, والحموه ,, بيض الله وجهك على ما كل ماتقدم لربعك ووفق الله من احتفوتم بهم وابتهجتم لما يحب ويرضى تقبل فائق تقديري . . |
رد: تكريم مستحق من كريم وافي .... الاخوة الاكارم ،،، ابو فيصل ، ابو فهد ، ابو حمد ، ابوعبد السلام ابو يارا ، ابو صالح ، ابو عمر ، ابو حمود ،،، صحت ابدانكم وسلمت مشاعركم اشكركم على التواجد الدائم والوفاء ورائع الثقة كل المحبة والتقدير والاحترام لهاماتكم الشامخه لاعدمتكم ......... |
| الساعة الآن 02:07 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir