بسم الله الرحمن الرحيم

ياحمص والله نسمع الصوت ونشوف=لاترتجين من العروبه ولا شيْ!!
فيك اختلط سكون الاموات والخوف=ولا عاد نميّز بين ميّت ولا حيْ!!
حال العرب قوّال "ماني بمكلوف"=ان انتصر بشار.. فيكم ولا فيْ!!
والموقف التركي بدا صوت عاصوف=مار اضعفه موقف عربنا الضبابيْ
وبانت نوايا الغرب واللعب مكشوف=يقدّمون اطباقهم واللحم نيْ!!
والروس باقينٍ على عهد خرشوف=مصالحٍ قذره.. ومبدا اشتراكيْ
والصين تنينٍ من اوراق وحروف!!=نفس الحكومه.. حزب واحد وماويْ
وايران موقفها مع الشام معروف=جسر عبور وغايته مدّ شيعيْ!!
و(حزب الخبايث) علةٍ داخل الجوف=ويجهر بتأييده لتنظيم وحشيْ
ويا "بابا عمرو" اصحي ونامي على الخوف!!=دام الذي يجري مع عروقنا ميْ!!!!

الشاعر خلف محمد بن عتاق الفريد


لله درك على هالدره

رائعه من روائعك وتشكي حال العرب جت على الجرح


والقصيده من فيض أو غيض


تبي الحقيقه هالقصيده تستاهل التثبيت ولكن بعد أن تأخذ الردود


ابوعبدالعزيز أهمس !! في أذنك القصيده أعجبتني


وأعدت قراءتها عدة مرات لراوعتها وجمال سبكها طالعه من القلب


الله ينصر الشعب السوري الله معهم لاتحزن عليهم غدن لناظره قريب والنصر أت


ولي الشرف أول من تصفحها تحياتي

ياعظم العرب

أخويالكبير بقدره
خلف بن عتاق الفريد
صح لسانك ابا عبدالعزيز ولاهنت
والله ينصر الشعب السوري على هالطاغيه الغبي
شكراً لك الاضافه الرائعه
تحيتي

قصيده من واقع معاناه
صح السانك ياعمدة
المجلس