|
لاهان راسك يابو يارا .... بسم الله الرحمن الرحيم في ليلة بهيجة راقية في كل شيء معازيب امتزجت بهم مكارم الاخلاق وعلو الهمم ومعالم الصدق ضيوف جذبهم الوفاء وابهرهم عمق المحبة وكرم الضيافة شعراء ابدعوا واسعدوا وابهجوا وكانوا عند حسن الظن زملاء كان وجودهم دلالة المودة والمحبة والوفاء ((انها ليلة فرح الملازم اول/ محمد بن فهد بن محمد الوسوس)) في هذا الجو العبق المعطر بالعود والمضمخ بكلمات "هلاهلا ومرحبا حياكم الله"واخواتها ... كنت متواجداً بدعوة من الكبير في مقامه المفرط في وفائه ، الخال والصديق منصور الوسوس.. لم أشارك لظروفي الصحية وعودتي من رحلة علاج ، ومع هذا أبوا من يصدق عليهم : على قدر اهل العزم تأتي العزائم ُ...وتأتي على قدر الكرام المكارمُ الا ان يكرموني زادهم الله كرامة وعزاً .. ولذا لا اجد ما أرد به الا هذه الحروف المتواضعه : خوالي اللي تشبه جبال مكه=هو عندنا اكرم من شموخ الجبالي ؟؟!! حتى مع التقصير ما فيه فكه=دايم مواقفهم سموّ ومعالي يابن محمد مابنا فيك شكه=والشك مايلحق وجيه الخوالي الجود بابٍ لك وصعبٍ تصكه=طبعٍ ورثته ياكريم السبالي قبل العشا درعٍ من التبر سكه=وبعد العشا بشتٍ ومن نوع غالي ناديت انا للطّيب .. بالله زكّه!!=قال: ابو يارا ماعطانا مجالي!! اللي على الطولات كفّه تحكه!!=ماهو بحاجة تزكية..هملالي!! |
رد: لاهان راسك يابو يارا .... يستاهل ابو يارا الكلمات وأنني رأيت ان هذه الابيات الصادقة في هذا الرجل الوفي صاحب الحكمة انما هي كلمة حق حقت عليك فقلتها ياعندليب المجالس وكل منا وجد منصور الوسوس إلا نه يعجز ان يجاري هذا الرجل بل أنني اعتبرة لي مدرسه في الحياة واتعلم منه خلف بن عتاق لقد اسمعتنا من الشعر الذي نجد فيه قوة المعنى وصدقت في الوصف:176::176::176: قـبــل الـعـشــا درعٍ مــــن الـتـبــر ســكــه=وبعـد العـشـا بـشـتٍ ومــن نــوع غـالـي وقفة مع هذا البيت من الشعر نعم هذا ماحدث البارح بوجودنا وامامنا وهو كريم وانت تستاهل كل خير نـاديــت انــــا لـلـطّـيـب .. بالله زكّــــه!!=قـــال: ابـــو يـــارا ماعـطـانـا مـجـالـي!! وصف رائع جداَ جداَ صح الله السانك بنتظار جديدك من الشعر لله درك ياعندليب المجالس تقبل مروري ,عذراً على الاطالة http://im17.gulfup.com/2012-02-24/1330095992871.gif |
رد: لاهان راسك يابو يارا .... الشاعر الكبير بقدره خلف بن محمد بن عتاق الفريد كلمات لها شاهد من التاريخ العريق لهذا الشخص الكبير بمقامه واخلاقه عفواً لا أجد من الكلمات ماتوفيه حقه فوالله وتالله وبالله كنت أتمنى حضوري تقديراً له لولا الظروف التي تعلمها جيداٌ وأما أهل الحفل معروفين للداني والقاصي بكرم الضيافه والحفاوه والترحيب غير المستغرب عليهم لإنهم أهلاً له صح لسانك ودعواتنا بالتوفيق للعريس بحياه زوجيه هانيئه وسعيده بإذن الله تحيتي |
رد: لاهان راسك يابو يارا .... يستاهل الطيب أبويارا .. وعساه دايم فالوجود .. صحت معانيك أبوعبدالعزيز .. ولاهنت . تحيتي وتقديري . |
رد: لاهان راسك يابو يارا .... اخي الكريم وشاعرنا القدير عندليب المجالس خلف الفريد كل ما استطيع ان اقوله هو طيبنا من طيبكم والفخر لمن انتم ربعه واهله واحبابه فقد تعودنا منكم التشجيع وما حضورك انت شخصيا لتلك الليلة رغم علمي انك كنت في رحلة علاجية قطعتها استجابة للدعوة وتقديرا لخوالك كل ذلك كان محل تقدير من اهل الحفل الذين استمعوا لابياتك والزموني بالرد هنا لاقول لك صح لسانك ودعواتنا الصادقة لك بتمام الصحة والعافية |
رد: لاهان راسك يابو يارا .... صح لسانك يابو عبدالعزيز ويستاهل ابو محمد كل خير دمتم بالوجود تحيتي وتقديري لك |
رد: لاهان راسك يابو يارا .... صح لسانك يستاهل ابو يارا وانت تستاهل وهم يفعلون قصيده تستاهل هي درع خاص بها ابوعبدالعزيز انت دائم وافي وعند ربعك غالي |
رد: لاهان راسك يابو يارا .... انت وافي يابوعبدالعزيز وابويارا واخوانه يستاهلون كل خير وكنت اتمنى اني كنت بالقصيم حتى احضر الحفل لكن للأسف مسافتي كانت الف كيلو عسى الله ان يبارك للمتزوجين ويجمع بينهم بخير واقول ليتني شاعر لعملت ملحمه ثناء في ابويارا عسى الله يجعله للفرده ذخر وفخر |
رد: لاهان راسك يابو يارا .... لا فض فوك , ولا عدمك محبوك , |
رد: لاهان راسك يابو يارا .... الغالين والله على القلب والعزيزين على النفس مشعل المجالس ، ابو فيصل ، ابو عبد السلام ابو يارا ، ابو سعيد ، ابوعمر ، ابو عبد الله اسعدني مروركم الكبير ورفعتني ثقتكم الغاليه كانت كلماتكم اوسمة على الصدر ونقش على الروح صحت ابدانكم ومشاعركم وشكرا لكم لاعدمتكم ......... |
| الساعة الآن 04:31 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir