عندما تجتمع جزالة المعنى بعذوبة الألفاظ
وقوة التعبير وتخالطها المعاناة الصادقة
تخرج لنا قصيدة من قصائد
الشاعر / سعد بن عبدالله الفريدي

الله لا ينقص كريم من المال = اللي يفك المشكلة لا نحرته
ويبدل المحتاج من واقع الحال = ويسدّ باب منفتح ما قدرته
يكرم ويعطي من حلاله ولازال = خيره شمل غيره وبانت ثمرته
والناس تفرق بالطبايع والأفعال = واللي يشح بمرزقه ما خشرته
هذا الصحيح وكلمة الحق تنقال = والعلم عن بعض السوالف قصرته
والناس قالوا بالطرايف والأمثال = يموت عود ينقطع من شجرته
والشجره اللي فيّيها ستر وظلال = مدوحه من لاذ فيها سترته
من لاهب الكنه ومن حامي اللال = ومن السموم اللي تطارد غبرته
ورجل بلا عزوة عقيم بلا عيال = ماله عضود لا تضايق نصرته
ماله سند ورجال كان الدهر مال = لو طاح حظه والليالي غدرته
والا الأسود الضارية تنجب أشبال = واليا تولت صلب عظم كسرته
تبقى لها هيبة على مر الأجيال = وما طاح منها بفخ ما طاح كرته
لاطاح من علق على الغيب الآمال = وضاع الأمل والمشكلة منتظرته
لها من الخالق مدبّر وحلال = يصخر لها متجاوب ما صخرته
وتم الكلام اللي من القيل ينهال = وفي خاطري علم بقى ما ذكرته؟؟؟

اخوى
محمد سعد
صح لسان الشاعر سعد بن عبدالله
والله يفك كربته عاجلاً غير آجل ولاهو مقطوع من شجره
معه اولاد راشد على العز والمعزّه
تحيتي

صح لسان الشاعر سعد عبدالله الفريدي
نسأل الله ان يفك اسرة في القريب العاجل ان شاء الله
كل الشكر لك على الايراد هنا بقصيدة ابن ناشر
قصيدة جزلة ورائعه من روائع هذا الشاعر السجين الذي
يكتب لنا اجمل الشعر واعذبة
شكراً لك ابو سعد
لك مني اجمل المحبة والتقدير
.......
الجمعة 18 ربيع الأول 1433

السلام عليكم ورحمة الله وبركاته

الاخ / غازي بن عجاب أبو زوايد
صح بدنك وأشكر على دعمك المتواصل مادياً ومعنوياً

الاخ / الساطع
صح بدنك وجزاك الله خير على المرور العطر

الاخ / ابو حمد
صح بدنك تشرفنا بمرورك

الاخ / ابن مطيع
ما شاء الله تبارك الله
شعلة المنتدى التي لا تنطفئ
كثر الله من أمثالك وشكراً على مرورك

الاخ / خلف الفريد
صح بدنك
اتحفتنا بمرورك العطر

الاخ / ابن حميدان
صح بدنك وشكرا لك على مرورك

الاخ / فهد الطميشاء
صح بدنك وجزاك الله خيرا

من لاهب الكنـه ومـن حامـي الـلال