قم ترشّح ياخلف كلٍ ترشّح=لاتفوّت فرصةٍ تمضي سريعه
قلت يكفيني على جويبي مفشّح=واتمشى في ربى نجد الوسيعه
الامانه ماهي وسامٍ موشّح=من عطاك الصوت سجـّلها وديعه
ان قضينا حاجته والا تورشح=ثم سلب جلدي وخلق الله لكيعه!!
والله اني ماشكيت الضعف والشّح=ولا اعتبر ماقلت قدامك ذريعه
بس وشلون اتسمّى بالمرشح=والجماعه عندهم عشرين بيعه!!
تبي توهـّق خلف لين ايتشرشح=هي قطاعه ياولد والا طبيعه!!
دايمٍ بعض البشر حظه مكوشح=لو طلب ادنى المكاسب مايطيعه!!
ولو ضمنت اصواتكم كان اترشح=مار سكان الوطن سنه وشيعه!!

نحن مرشحينك حتى لو لم ترشح
الشاعر الكبير بقدره ومقامه خلف الفريد
صح لسانك ولاهنت ونحن بحاجة فكاهياتك العذبه
لاهنت لاهنت وصح لسانك
تحيتي