شعَّارنا .. جتني من الريم كلمات=رسالةٍ وصلت ولو هي قليله
تقول ياعمي اشعارك كثيرات=وراك ماتمدح بنات القبيله!!
واقول يابنتي مرابط اصيلات=واللي ماهي خنساء تصير الجليله
بناتنا من راس راشد سليلات=العزوه اللي مع ثمرها ظليله
ان جيت اوصّف بالحلايا جميلات=وعفافهن مافيه هنّه وميله
وان شفتهن بالسوق ماهن خفيفات=مثل الجبال النايفات الثقيله
في دورهن او خارج الدور خفرات=ولاهن طمع لهل النفوس العليله
وانتي نموذجهن من الناس بالذات=دايم علومك بالمجالس جميله
اقولها ولا اهضم حقوق الشريفات=ياكثر من عدّن براس الطويله
.........

ريم تستاهل
وبنات راشد يستاهلن
وابو عبدالعزيز عودنا الوفى للجميع
ونقول صح لسانك ولاهنت كفّيت وو فيّت لاهنت
تحيتي

يسلم راسك ياعمي .
مقطوعه تحمل كلمات صادقه
ومدح بمحله لبنات راشد ,
نستاهل كل خير .. بنات القبيله
لهن بكل مجال صوله وجوله ..
بصراحه لا استطيع ما اقوله ,,
اما هذه الرائعه .. الف شكر ,ياوافي
,,,,,,,,,,,,,,,,,,,,,,,

أبوحمد تسلم ياوافي شهاده افتخر بها
وتستاهل الطيب ..

غازي الف شكر وتستاهل الطيب

نواف الف شكر لك
ولاهنت على الاطراء
شهادة فخر من اديب رائع
وفالك الطيب

يسلم راسك ياعمي
ولاشك حنا مشتركين بالقصيدهـ



ابن مطيع
فهد

الف شكر لمروركم
لاهنت