|
أحدٍ توجه له قصيده وتكفيه = وأحدٍ حرام تقال فيه القصائد تحية مفعمة بالحب لأعضاء وزوار مجالس الفردة مدخل من أبياتي : أحدٍ توجه له قصيده وتكفيه=وأحدٍ حرام تقال فيه القصائد وأحدٍ تبيع العمر لأجله وتشريه=وتسوق له في كل يوم الفرائد العقيد / سعد بن محمد بن سدحان الفريدي .. إمتداد لجيل من النبل والمرؤه تجده اتجاهك دائماً أخ وصديقٌ وفي لايتكرر ولأنه من أهل المعروف والطيب والوفاء يحفظون له الأنقياء المحبة والاحترام والتقدير والإعتراف بفضله أيضاً عرفته الرجل المتواضع قبل أن يكون الرجل المسؤل والشاعر المبدع والأخ الصادق أذكره حينما يمر في ذاكرتي هذا البيت : تواضع تكن كالنجم لاح لناظر=على صفحات الماء وهو رفيعُ
وهو الرجل العصامي الذي ابتعث من جهة عملة إلى الباكستان منذ أكثر من سنة نتمنى له عوداً حميداً محفوفاً بالنجاح والسلامة . وصدق قول المتنبي إذا كانت النفوس كبارا=تعبــت في مرادهــا الأجســام
. صاحب سمو وإلا معالي فخامه=لو قستها بطيبك تساوي ولا شيء أنت الكرم وأنت الوفاء والزعامه=وأنت الشموخ اللي مثل حاتم الطيء مفرش خويك يالفريدي غمامه=وعقاله نجوم السماء وأنته الضيء بأفعالك تدرس سلوم الكرامه=وفي وقفتك شمس الزمن تنقلب فيء سعد وباسمك للسعاده علامه=ومن نبلك الدنيا عطش وأنته الميء والنار ماتعقب رماد وعسامه=إذا نسلها مثلك ترا جودها حيء حرام ماتاصل دروبك ملامه=لو ماتوا الحساد بالغيض والغيء اتصل بي في أحد المرات من أجل خوته لأحد المناسبات وفي طريقي إليه كانت هذه الرساله : أجيك يسلم رأسك شلون مأجيك=شطرٍ حفظته تستحقه ويفداك يالوافي السامي بعلمك وماضيك=راعي هلا راعي وفاء لاعدمناك أقهر على شأنك ظروفي وأخاويك=وأبذل لك إحساس الشعر وأتمناك ومن كثر مأسولف لنفسي بطاريك=أقول ياراع المثل مد يمناك ماتجيبه أمك بس من قربه أخيك=هذا المثل يصدق ولو طال سماك يابو محمد قلتها وأنت ينبيك=قدرك مع رجالٍ تعزك وتنصاك أرسل لي وهو في الباكستان قصيدة وبما ان الرسائل الواردة غير آمنه بالسبة للحفظ فقد فقدتها للأسف ولم يجدها ابو محمد في رسائلة المرسلة لذات السبب والحقيقية هي أجمل من قصيدتي فرديت عليه . مأقول في قلبي لطيبك بقايا=إلا أنت كلك ياكريم السجيه يالصادق الوافي كثير المزايا=ياسامي المعروف والمقدريه الله كم بيني وبينك قرايا=والله كم قربك عزيزٍ عليه الشوق لوصالك مسوي سوايا=ياوارثٍ ميراث مجد الوصيه وانت الشعر ماهوب عندك حذايا=تختار عذبات الحروف النديه استاذ ومحنك وقائد سرايا=قبل تقود الناس بالعسكريه وسلامتكم وتستمر القصائد في ابو محمد ويستمر القصور من طرفي تجاهه . |
رد: أحدٍ توجه له قصيده وتكفيه = وأحدٍ حرام تقال فيه القصائد هلا بك يا طويل العمر , وهلا بالموضوع اللي جابك , و هلا بالطاري اللي تقوله , وهلا بالطاروق وبالكلمه وبالقافيه اللي تنعش و تشوش بالسامع إلى فوق السحاب , |
رد: أحدٍ توجه له قصيده وتكفيه = وأحدٍ حرام تقال فيه القصائد ابوياسر صح لسانك وعلاشأنك يستاهل ابومحمد سعد بن محمد بن سدحان الفريدي هذا الأسم العزيز علينا الله يحفظه من كل مكروه ويرده رداَ حميداً سالم وغانم ووافي يابن نمران ولكن لي عتاب مرورك شحيح وأنت رجل له ثقله ليش مقل اباياسر لربعك عليك حق الف شكر على الاضافة التي نتشرف بها |
رد: أحدٍ توجه له قصيده وتكفيه = وأحدٍ حرام تقال فيه القصائد اهلاوسهلا ابا ياسر صح لسانك ولاهنت دائماً وافي والعقيد سعد محمد يستاهل الترقيه والدوره واتمنى من الله جل وعلا أن أراه فريق أول والله ابو محمد يستاهل كل خيرنعم الرجل ونعم الرفيق تحيتي |
رد: أحدٍ توجه له قصيده وتكفيه = وأحدٍ حرام تقال فيه القصائد عادتك مع اهل الوفاء تافي يابو ياسر صح لسانك على الابيات الجزله ويستاهل الممدوح لاهنت ودام تواجدك تقبل وافر التقدير |
رد: أحدٍ توجه له قصيده وتكفيه = وأحدٍ حرام تقال فيه القصائد هلا يبو ياسر لك من الترحيب بعدد حروف تلك الرسائل حياك ويستاهل سعد هذه القصائد الصادقة يستحق الاشادة والمدح وانت احد عناوين الوفاء تقبل وافر التقدير |
رد: أحدٍ توجه له قصيده وتكفيه = وأحدٍ حرام تقال فيه القصائد أخي الشاعر / مقبل بن نمران . رسائل رائعة بروعة وجزالة الممدوح . صحت معانيك . تحيتي وتقديري . |
رد: أحدٍ توجه له قصيده وتكفيه = وأحدٍ حرام تقال فيه القصائد صح لسانك ابو ياسر ولكن تراك طولت الغيبة واجد تبقى شاعرا كبيرا ولك جمهورك |
رد: أحدٍ توجه له قصيده وتكفيه = وأحدٍ حرام تقال فيه القصائد ابو ياسر صح لسانك مليون قصائد رائعه وجزلة بجزالة المادح والممدوح ويستاهل العقيد سعد محمد بن سدحان المدح الله يوفقه ويعود سالماً غانم وبيض الله وجهك |
رد: أحدٍ توجه له قصيده وتكفيه = وأحدٍ حرام تقال فيه القصائد صح لسانك وبيض الله وجهك على القصائد الرائعه ويستاهل الممدوح ويعطيك الف عافيه على النقل المتميز |
| الساعة الآن 07:10 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir