مرت علي أيام غافل ومرتاح = وكل المشاكل عن طريقي تناحت
ما يهم قلبي ساجع الورق لو ناح = ولا مرت الدمعة بخدي وطاحت
مستقبل واعد ورايق ومنساح = ولا فيه شيبه في ملحاي لاحت
أطب في بيتي ولعيالي صياح = وأرتاح لا صجت ولجت وصاحت
أم العيال اللي لها القلب مرتاح = ما تكدر الخاطر ولا جيت ساحت
وصغيرٍ ما يعتدل لا وقف طاح = يبهذل أمه وين ما راح راحت
البيت له وردة وشمعة ومصباح = ثلاث في قيمة غلاهن تواحت
يالله ...يالله يفرج همك يالبناخي
واليوم هم القلب ما عاد ينزاح = لو الرياض وهضبة طويق زاحت
هم الفراق وغبن الأيام ذباح = يسعر مشاعر خافقي واستباحت
مساحة فيها من فراقه مراح = ودله على نار الهواجيس فاحت
وقنادها عويدي مع الهيل لا فاح = سويتها تطفي خوايه وباحت