هذه القصيدة مناشدة من السجين : سعد بن عبدالله الفريدي - سدد الله دينه -
إلى الفردة خاصة وقبيلة حرب عامة
للمساعدة في تسديد دينه
وإخراجه من السجن

مزن القوافي لاح في مقدمه ضوح = ضوح البروق اللي تلاعج لعاجي
لين اشتعل صدر به العبرة تفوح = من واهج بين المعاليق لاجي
اليا ضمدت جروح تنقض جروح = اصارع الايام ميّس وراجي
يا لين جرحي صار بيّن ومفتوح = ينزف صداه ولا توفر علاجي
واليوم وجهي من عنا الوقت ملفوح = لفحة سموم النار في خد صاجي
دارت سنة في مسكن الغبن مطروح = وهمي مخيّم مثل هضبة سواجي
والعيد حل وغرد الورق بالدوح = وأنا بدوحة محكمات السياجي
ولا يبتسم في فرحة العيد مجروح = الله يعجل فرحتي وابتهاجي
دعوة عليل صابته عين مشفوح = يرجي لها من عند ربه مناجي
ويسوق من باب الكرم رزق ممنوح = ينقاد من عند الكريم انفراجي
ولا شحت الدنيا على كل مصلوح = وزادت وهج هم يعكر مزاجي
لي هقوة في لابتي تبعد الشوح = لعلهم ينهون مسعى خراجي
ولا عشت فيما بينهم قاصر شبوح = ولاني مضيّع صيدتي في عجاجي
أنا ولد عود رهاوي وزحزوح = اليا كبرت القالات مطلق حجاجي
يدحم بقوة جنب لو يفقد الروح = لا حل في قلب الرعاع ارتجاجي
مرددن ما بين سالم ومسروح = قطاعة الفرجة فهود الزراجي
لي لابة بالمرجلة تبعد الشوح = وحصون من جور الزمان وملاجي
تاريخهم في ماضي الوقت مشروح = بسلال ورجال تدك المحاجي
يوم الدخن بين القبالين مقدوح = من روس قطمن فيهن الموت لاجي
ما هي سوالف ليل من بكرة تروح = تروح لا زاح الظلام انبلاجي
وتم الكلام اللي من الروح للروح = تعبير قصة غربتي وانزعاجي

للمساعدة والاستفسار :
الوكيل الشرعي ابو فهد : 0547784881

صح لسان الشاعر
سعد العبدالله الفريدي
وأسأل الله العلي القدير أن يفرج كربته ويسدد دينه
إنه على كل شيٍء قدير والناس بالناس والكل بالله
أشكر كاتب الموضوع على نشرهذه المناشده
تحيتي

أشكر هذا المنتدى الشامخ وأعضاؤه الذين تفاعلوا مع الموضوع
( علي الجضعان - ابن مطيع - علي بن محيميد - منصور الوسوس -
نواف فارع - مقبل الحربي - غازي ابو زوايد ).

آمل من المشرفين تثبيت الموضوع لما فيه من التعاون على البر والتقوى
وتقوية الروابط الإجتماعية بين أفراد القبيلة .

لي لابة بالمرجلة تبعد الشوح = وحصون من جور الزمان وملاجي