قصيدة الحلم المؤرق قصيده قديمه
ارجو ان تنال إعجابكم وإستحسانكم

بالحلم جاني سيد تلعات الارقاب=عقب البطى جاني يسلم عليّه
ماكنه اللي زود البعد وغياب=ولاكنّه اللي لحّق الجرح كيّه
وفزيت فزت من وطيٍ غاسق الناب= اللي وطاله تالي الليل حيّه
في ماقفٍٍ مايفيدبه فتل الاشناب=سرابه الترياق واخلف نويّه
فزيت مثله وأتخطف للأسلاب=أبيه لو إيريض عندي شويّه
ويوم انتبهت إلى أني أطالع الباب=آمنت بالله بس افرك إيديّه
وليّت ياحظٍ عرضني للأنشاب=كوارثه في كل صبح وعشيّه
فوايده لي قادني يم الاجناب=لاعاد ربي روحتي بالضحيّه
هاكا النهار مسيّرٍ يم شباب=شباب معضد والنوايا نقيّه
سيّرت مستأنس وعودت منصاب=جيران بيته مبتداء هال قضيه
شفت الحبيّب وابتداء الوضع بإعجاب=والكل منا معجبٍ في خويّه
على النقاء حبٍ سطا وسط الألباب=مار الله أقوى يالقلوب الشقيّه
متقاسمين الحب طالب وطلاب=لو إنها دارت عليه وعليّه

صح لسانك ابو فيصل
جزلة وتعودنا الجزل منك