يابو زوايد شوف خلّي تعذَّر=كل ما اتقرب صار عني نحاوي
كنت احسبن حبه بقلبي تجذر=اليا جرحني يوم بكره يداوي
وكنت اعذره لاصار نوب يتعذر=ما يملك المحروم غير المناوي!!
وابا اعترف دايم بحبي مبذّر=اجيه كلّي ما حسبت الخطاوي!!
ما تذكر انك كنت دايم تحذر؟=احرص بغير الجمع تكتب يساوي!!
لكن حبيب الروح سيفه مشذَّر=وانا غديت بحال "عيسى الحساوي"
يمنى الكرم يشبع بها دابي الذر=ويمنى الردي عادت بحجرف شفاوي!!

عظم العرب شئ حدثلك مقدر = وياما على العاشق تصير البلاوي

السالمي ماقال بيته تهور = من واقع الحكمه بعيد الهقاوي

واللي نساك وللموده تنكر = وخلاك وسط الناس مثل الجلاوي

وقاطع وصاله يالفريدي له أشهر = وجرحه بقلبك مالقاله مداوي

خله يولي يوم خلك تغير = مايرجع المقفي كثير الشكاوي

وعمر الهواء دايم لذيذن قصير = ولولاه ماسجل جميل الغناوي

وأن طعت شوري ياخلف عنه خير = أنته ولد عتاق صلف العزاوي

اخوى
الشاعر العلم
خلف بن عتاق الفريد
صح لسانك ولاهان بن جضعان دائماً جزل يالفريد
وارجو ان تطلع على ردي بعنوان هاوي وعاوي
تحيتي

تسلم عمنا الغالي
أبو عبدالعزيز
وصح لسانك
مقطوعه كخيل اصيلة لايجيد ترويضها الا فرسانها

اخوي الكبير بقدره
خلف بن محمد بن عتاق الفريد
أحببت أن اصحح قصيدة حجرف الذويبي كما احفظها وكما يرويها عبدالله بن عبّار العنزي:-

بخـل ردي الخـال فـي ربـع قـوتـنـا =وحـنــا طـوايـا والـكـبـود عـطـاش ‏
ومـد الكـريم وجـاد مـن مـد جـوده =وأكـرم غـريـب الـدار مـمـا حــاش ‏
حـتى شبعنـا واشبـع الـذر سورنـا =ولـلـذر مـن زاد الـكــرام مـعــــاش ‏
يعطي العطأ من كان ضاري للعطـأ =ويـمـن العـطأ مـن كـان خالـه لاش ‏
ومـن لا عرب نيسبه قبل ويلده =ياويلده يروح عليه يــروح بــــــلاش ‏
أوقد عـلى نارك صميم من الخشب =ولا تـجـيـب مـن الشعـيـب قـشـاش