يالله ياشارعاً قبل امس جيناه = شارع وليف الروح بـ أول زمانه
جيته وأنا مكسورلـ وداً تركناه =وسط البيوت و لاحفظنا مكانه
جيته وأنا مكسور و اجاذب الاه =في صمت مبغى للمشاعر اهانه
وصديت يوم الجيب روح لـ منصاه = في شارعاً ماغاب عني كيانه
وحاولت اسلي خاطري وتمثناه = من دون عيني تنتوي بالخيانه
ومرت ثواني الصد والعزم مبداه = يطرخ بـ راساً مارضى في طمانه
من باعنا يبطي بـ ليله و مسراه = و من هو بغانا له ثمانين خانه
جازم و احسب الود قفت مطاياه = من عصر يوم الدمع ينثر عشانه
ماكنت احسب الود هذي سواياه =يعيش في قلباً تحطم اركانه
اثره ملك قلبي من قصاه لـ دناه = من داعي العشره و طبع الميانه
وحاولت ابـ نسى وتعبر بـ ذكراه = واهدم صروح الحب بـسم الادانه
كذا كذا ماودي الروح تنعاه =وعيش جو اللي خسر في رهانه
مشتاق حاير بين يمكن و لولاه = وساحت عيوني دمع و الكف صانه
ووجست بالحره وليل المعاناه = ولديت عيني خوف بوح الامانه
و نظرت بيتاً له معزه و مغلاه = بيتاً حوى في ماضي الوقت دانه
بيتاً جمعنا في جناين زواياه =من قبل جور الحب يصدر بيانه
و اقفيت و الحسره تقطع للفرقاه = و الا الزمن ما أحداً ربح من ضمانه

من باعنا يبطي بـ ليله و مسراه = و من هو بغانا له ثمانين خانه
صح السانك على القصيدة الرائعه من روائعك يابن رضيمان
ويظهر لي في القصيدة الابداع الجديد لذي تنفرد به :176::176::176:
تقبل مروري وتقديري لك
ودمت بحفظ الرحمن

لاهنت بن رضيمان
ومن طول الغيبات جاب الغنايم
وها نحن نستمتع بجديدك الرائع صح لسانك
تحيتي

المشاركة الأصلية كتبت بواسطة ابـن مـطــيع (المشاركة 238054) من باعنا يبطي بـ ليله و مسراه = و من هو بغانا له ثمانين خانه صح السانك على القصيدة الرائعه من روائعك يابن رضيمان ويظهر لي في القصيدة الابداع الجديد لذي تنفرد به :176::176::176: تقبل مروري وتقديري لك ودمت بحفظ الرحمن