مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   وصفة الدكتور (http://www.alfredah.net/forum/threads/alfredah33905/)

نواف بن هلال 14-12-11 05:02 PM

وصفة الدكتور
 
قصيده قديمه كادت ان تندثر
اتمنى ان تنال اعجابكم ..


فقط..من كثرة التفكير.!! لاساحر ولا مسحور=تراودني ببالي فكرةٍ وازريت اسويها
صبرت وقلت ابااصبر طول عمري والزمان يدور=ولاادري كيف ابااصبر يوم بانت لي مواريها
ولكن مالي الا اكتب قصيدة خاطرٍ مكسور=عسى كل البيوت اللي كتبها نحتفظ فيها
قصيدة خاطرٍ لاضاق يكتبها بدون اشعور=يوجهها على كل اتجاه ولايداريها
اعاني ضيقةٍ زادت لها عام وثمان شهور=واذا زادت تجي من كل صوبٍ قل واليها
مشاكل كل مشكلةٍ على عنوانها محظور=ياما صار في عنوانها والا يباريها
ابي منها السلامه مير جا للحظ فيها دور=وحظي خابره وده يكحلها ويعميها
لاجيت اصد عن كثر الكلام ولجة الجمهور=والامني بديت الخطوه ادري وين ابنهيها
لقيت اللي يبي له مصلحه يضحك يلف يدور=على كلمه وراها حاجةٍ بالنفس ناويها
وكلمة ماعليكم زود او ماجاه منك اقصور=ترا ماقالها الا لحاجةٍ في يدك تعطيها
على كثر الرياء بين العباد وشاهدين الزور=كثر مابه عبادٍ عافوا الدنياء ومافيها
ومن يسأل مجرب يكتفي عن (وصفة الدكتور)=يعلمك بمرارتها وحامضها وحاليها
انا مالي دخل..!غير اني اكتب مأملكه بسطور=انا كاتب فقط..! والا انت سامعها وقاريها
انا ارجوا منك لامني سهيت تقول لي معذور=وانا افداك بحياتي من مباديها لتاليها
ترا من كثرة التفكير نوب اجي مطف النور=امد اخطاي بالظلماء ولاادري عن مواطيها
وانا لو اني اقابل عدوي قلت له مشكور!=مدامه يعترف لي بالعداوه مايخفيها
ولا اقابل صديقٍ يبتسم لي حاقدٍ مقهور=يحفر حفرةٍ قدام رجلي لين اقع فيها


غازى بن عجاب أبوزوايد 14-12-11 05:12 PM

رد: وصفة الدكتور
 
اخوى
نواف بن هلال
صح لسانك يابن هلال قصيده اعجبتني كثيراً
ورددتها من الاعجاب بها سلمت ودمت ولاهنت
وننتظر القادم الجميل فلا تحرمنا جديدك أيها الشاعرالمبدع
وشكراً لك الاضافه الجميله الرائعه
تحيتي

؛؛ فهد الفريدي ؛؛ 14-12-11 07:25 PM

رد: وصفة الدكتور
 
اخوي نواف


صح اللساااااانك ولاهنت وسلمت ودمت



واااااافيه من راس وااااافي



لاعدمتك يابعدي

عبدالعزيز ابن نومان 14-12-11 07:34 PM

رد: وصفة الدكتور
 
للــه درك يـابو واافــي صح منطــوقــك
وبيــض اللــه وجهــك
تقبــل مــروري واعجـابي

ريم 14-12-11 09:56 PM

رد: وصفة الدكتور
 
رائعه جدا راقتـ ليـ معانيها
صحـ لسانكـ نوافـ

عبدالله حمد الفريدي 14-12-11 10:26 PM

رد: وصفة الدكتور
 
وانا لو اني اقابل عدوي قلـت لـه مشكـور!
مدامـه يعتـرف لـي بالعـداوه مايخفيـهـا
ولا اقابل صديـقٍ يبتسـم لـي حاقـدٍ مقهـور
يحفر حفـرةٍ قـدام رجلـي ليـن اقـع فيهـا


المصدر : http://www.alfredah.net/forum/thread...#ixzz1gXSNt3I6

الشاعر
نواف هلال
لله درك وصح لسانك مليون

علي الجضعان 14-12-11 10:39 PM

رد: وصفة الدكتور
 
تسلم على الرائعه من روائعك

وين الغيبه نبي الغنايم

عبدالعزيز العبلان 15-12-11 01:08 AM

رد: وصفة الدكتور
 
صح لسانك يابو وافي
ابيات جزله وعادتك الجزاله

دمت ودامت قوافيك

تحيتي وتقديري لك

ابو الرجال 15-12-11 01:54 AM

رد: وصفة الدكتور
 
اخوي نواف
غيابك ك غياب غواص
يخرج بعد ما أبحر بأثمن الجوهر
وأنت كذلك
بهذه الأبيات الجوهرية
صح لسانك وسلم رأسك
تقبل مروري واعجابي بها

نواف فارع 15-12-11 12:56 PM

رد: وصفة الدكتور
 
مجموعة أمثلة ثمينة .. صيغة بأدوات شاعر محترف .

فأنتجت نص راقي ..

حضور متميز أخوي الشاعر / نواف بن هلال .

صحت معانيك .

تحيتي وتقديري .

ابـن مـطـيـع 15-12-11 04:21 PM

رد: وصفة الدكتور
 
نص شعري رائع جداَ
تسلم وصح السااااااااااانك على الابداع
تقبل مروري وتقديري لك

نواف بن هلال 16-12-11 12:07 AM

رد: وصفة الدكتور
 
صحة ابدانكم ....
والف شكر لكلم جميعاٍ
والف شكر لكل من اثنى وقراء المشاركه
وردودكم اخواني واخواتي
محل اهتمامي ومنبع صدقكم ووفاكم ايها الاوفياء
ممايزيدني فخراً واعتزازاً وعطاء ..
الف شكر لكم ولكم مني اجمل المحبه والتقدير

منصور الوسوس 16-12-11 12:16 AM

رد: وصفة الدكتور
 
اعدت قرائتها اكثر من مره
قصيدة جميلة جدا
صح لسانك اخي نواف
تقبل وافر التقدير

نواف بن هلال 16-12-11 12:24 AM

رد: وصفة الدكتور
 
اقتباس:

المشاركة الأصلية كتبت بواسطة منصور الوسوس (المشاركة 237908)
اعدت قرائتها اكثر من مره
قصيدة جميلة جدا
صح لسانك اخي نواف
تقبل وافر التقدير

صح بدنك اخوي منصور ...
اعجابك محور اهتمامنا ابو يارا
والف شكر وتقبل اجمل الحب والتقدير

علي محيميد الفريدي 16-12-11 02:24 PM

رد: وصفة الدكتور
 
صح لسانك يابووافي قصيده على عنوانها وصفة دكتور ولا اقدراعلق اكثر الا أ قول ماهو غريب عليك الا بداع تقبل ارق وزكاتحياتي

خلف الفريد 16-12-11 06:36 PM

رد: وصفة الدكتور
 
هناك القديم الذي لايدرُس
والمعدن الذي لايصدأ
ولقد قالوا :
الطعم بالمعتّق !!
،،،
هذه الوصفه الجميله الرائعه
كتبها وامضاها دكتور متخصص شعرا ...
تكاملت من الجهات الاربع ...
فاستحقت خمس نجوم ...
،،،
ابدعت ابا وافي
فصح اللسان والبنان
والى لقاء
...........

ابن رضيمان 16-12-11 09:37 PM

رد: وصفة الدكتور
 
نواف
صح بدنك ولاهنت

استمتعت بما قرأت فـلا تبخل علينا بمثل هذه الدره
تحيتي


الساعة الآن 12:13 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52