مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   ليلة الوفاء .... (http://www.alfredah.net/forum/threads/alfredah33846/)

خلف الفريد 09-12-11 07:05 PM

ليلة الوفاء ....
 
ليلة الاربعاء الموافق 12/محرم/1433هـ وفي قاعة تالين في بريده
كانت ليلة مزدانة بالوفاء والعطاء ..متدثرة بالحب والبهاء ..
اقامها منسوبو ادراة مرور قصيباء ..
وشرفها المحتفى به مدير الاداره الرائد/منصور محمد الوسوس
كان لي شرف الحضور .. وكانت هذه المتواضعه


غالي .. وتكريمه من رجال غالين=اهل الوفا والطيب والاعتبارا
اخوّةٍ تبنى على الود والزين=وعلى المحبه والنقا والوقارا
ويامكرمين اللي تزين بتاجين=الرايد اللي بالنقا مايبارا
ابمدحه لو هو عن المدح به دين=جتني قواف الشعر مثل المهارا
مدح المجرّب والمعاني عناوين=ولا عادتي امدح وقصدي امّارا
بالمرجله .. خلاّ الصعيبات صفين=صفٍّ على يمينه وصفٍّ يسارا
وبالطيب .. يبذل مهجته للمحبين=ماهو من اللي يكثرون العذارا
وله فزعةٍ نحطها بين قوسين=ما اقدر افرّق بين "نخوه" "ويارا"
وليا تعامل .. مايتعامل بوجهين=نهج الصراحه في سلوكه جهارا
ولا هي غريبه منبته بين نهرين=منهل خواله والعمام الحرارا
وانتم لاهنتم يالمعازيب وافين=تشهد لكم "تالين" قومه وكارا
تالين!! لاوالله اللي منتم بتالين!!=الاوّله عنوانكم والشعارا!!

سكر زياده 09-12-11 07:12 PM

رد: ليلة الوفاء ....
 
تالين!! لاوالله اللي منتم بتالين!!
الاوّلـه عنوانكـم والشـعـارا!!







ابن عتاق
صح لسانك
قصيدتك رائعه
تقبل مروري
تعاند من يعاندها

غازى بن عجاب أبوزوايد 09-12-11 08:30 PM

رد: ليلة الوفاء ....
 
اخوى
الكبير بقدره
خلف بن عتاق الفريد
صح لسانك وفّيت وكفّيت ولاهنت
وابا يارا منصور بن محمد الوسوس يستاهل
المدح ويستاهل كل خيرونعم فيه من خيرة ربعنا الله يطول
عمره على الطاعه وانت عادتك الوفى
تحيتي

سعد بن هذيل 09-12-11 08:52 PM

رد: ليلة الوفاء ....
 
تالين لاوالله منتم بتالين


نعم نعم وكفو
صح السانك
لاهنت ياعظم العرب

عبدالله حمد الفريدي 09-12-11 09:08 PM

رد: ليلة الوفاء ....
 
ابو عبدالعزيز
صح لسانك وعلا شانك يا عالي الشان
وفيت وكفيت بيض الله وجهك ودام عزك
وانا اشهد بالله ان ابو يارا يستاهل المدح ويزهاه
لاعدمتكم

علي الجضعان 10-12-11 12:12 AM

رد: ليلة الوفاء ....
 
ابو عبدالعزيز
صح لسانك وعلا شانك يا عالي الشان
وفيت وكفيت بيض الله وجهك

يستاهل يستاهل ابايارا راع الوفاء والعلم الغانم


ابومحمد هذا العلم الغالي

خلف تقبل مروري وتحياتي

نواف فارع 10-12-11 12:21 AM

رد: ليلة الوفاء ....
 
ليلة وفاء ..

وأبيات تقرير الحقائق ..

دمت وسلمت أباعبدالعزيز .. وصحت معانيك .

وأبويارا يستاهل الطيب .

تحيتي وتقديري .

عبدالعزيز الشملان 10-12-11 12:29 AM

رد: ليلة الوفاء ....
 
صح لسانك أبو عبدالعزيز
ونعم والله بأبو يارا ويستاهل كل خير

خلف الفريد 11-12-11 12:17 AM

رد: ليلة الوفاء ....
 
الافاضل والفاضلات
.......
تعاند من يعاندها :: ابو فيصل :: ابو فهد
ابو حمد :: ابو عمر :: ابو عبد السلام
عبد العزيز الشملان
،،،
عودتمونا على الوفاء حتى عجزت الكلمات
واكرمتمونا بالثقة حتى خجلت الحروف
وغمرتمونا بالحب حتى اكتفينا ارتواء
،،،
صحت ابدانكم وقلوبكم
لاعدمتكم
....

فالح السدحان 11-12-11 05:08 AM

رد: ليلة الوفاء ....
 
صح لسانك ابوعبدالعزيز

ويستاهل ابويارا المدح والتكريم


الساعة الآن 12:59 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52