|
احيان تحكي لهجة اطراف بيروت = واحيان نجدي ياغرابه يبا الهول الشاعر عوض ناصر الفريدي عندما نجد له قصيدة نجد لها ابداع شعري ونظرة رائعه تلامس مشاعرنا لأنه خرجت من القلب ووصلت الى قلوب الاخرين قصيدة قام بأرسالها لي مشرفنا العزيز الشاعر على الجضان سماعة الهاتف بها السحر والموت = وش جابني ليت التيلفون مفصول يامن عشقته بس لمجرد الصوت=وش عاد لو نقارن الصوت باالزول اللي تحاكينه من الناس مبخوت = وابخت منه اللي تفرج على اللول انا تخيلت البرد واحمر التوت = هاذي خيالاتي واناغير مسئول كن العسل مع منطق الهرج مكتوت = قولي وانا بسمع كلامك ولا اقول هرجك غذا روحي عن الشرب والقوت = لاهوب متكرر ولاهوب مملول مافيه كلمه تطرق الاذن وتفوت = الا لها معنا ومغزا ومدلول احيان تحكي لهجة اطراف بيروت = واحيان نجدي ياغرابه يبا الهول واصبحت انا طفلن يلهيه بسكوت = وش ذا الكلام اللي مصفى ومعسول اسمع يقولون العرب سحر هاروت =بس انت سحرك غير ماهوب معقول خليت فكري من سبايبك مشتوت =كلمتني مجهول واقفيت مجهول (عوض ناصر الفريدي ( ابو ماجد ) |
رد: احيان تحكي لهجة اطراف بيروت = واحيان نجدي ياغرابه يبا الهول الله الله الله لله درك يابن منصور كم أنت مبدع سجل ابن جضعان من قروبك ابوماجد عندما يتذوق شعرك العذب السهل الممتنع يحس أنه في روضه خريم بالربيع ويشم قبل أن يقراء صح لسانك وسجل أعجابي وتقديري ابوصالح مشعل مطيع الله لايحرمنا من طلتك لك مني حبة خشم والف شكر على الاضافه |
رد: احيان تحكي لهجة اطراف بيروت = واحيان نجدي ياغرابه يبا الهول تبون الحقيقة !!! اول مره أغار من شاعر .. وردية اكثر من رائعه ..شكلا وموضوعاً ... ،،، صحيح ان فيها شيء من المباشره والمراهقه لكن هذا مطلب الشباب لذلك اعذر ابو ماجد ،،، قرأتها اكثر من مره وارتويت من فخامة الكلمات صح لسان ابو ماجد وسلمت يمينك مشعل على الاضافة لاعدمتكما ....... |
رد: احيان تحكي لهجة اطراف بيروت = واحيان نجدي ياغرابه يبا الهول اخوى بن مطيع اشكرك على الاضافه الرائعه للشاعر الرائع العذب ابو ماجد واقول صح لسانه قصيده ورديه تروى ضماء من يحب الشعرلله دره لكما تحيتي |
رد: احيان تحكي لهجة اطراف بيروت = واحيان نجدي ياغرابه يبا الهول صح لسان شاعرها ..... وسلمت اناملك اخي مشعل على النقل...دمت بحفظ الله |
رد: احيان تحكي لهجة اطراف بيروت = واحيان نجدي ياغرابه يبا الهول صح لسان شاعرها ..... وسلمت اناملك اخي مشعل على النقل...دمت بحفظ الله |
رد: احيان تحكي لهجة اطراف بيروت = واحيان نجدي ياغرابه يبا الهول صح لسان الشاعر / عوض بن ناصر . وسلمت أخي القدير / أبوصالح . بهذا الحضور الرائع والمتجدد . تحيتي وتقديري . |
رد: احيان تحكي لهجة اطراف بيروت = واحيان نجدي ياغرابه يبا الهول صح لسان الشاعر ابو ماجد قصيدة غاية في الجمال اعدت قرائتها شكرا ابا صالح لاهنت تقبل وافر التقدير |
رد: احيان تحكي لهجة اطراف بيروت = واحيان نجدي ياغرابه يبا الهول صح لسان ابو ماجد على القصيده الجزله ولاهنت ابو صالح على الاضافه |
| الساعة الآن 04:54 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir