يقولون الهوى غـُـنـوه .. واقول إنّ الهوى غلاّب=أسر قلب الهواوي والعنا كله من اسبابه
هواجيس الهوى قلب المعنّـى من هواها ذاب=وعذابه حـيـّـر الخاطر .. ومنه النفس منصابه
أقول إنــّي نسيت الحب .. واثر قلب الهوى ماطاب=يعيش بدنيته منوه .. ويشكي قــسوة احبابه
تغيب الشمس , أو تشرق .. معه نور الأمل ما غاب=يجامل سطوة الهاجر .. ويقرا صفحة كتابه
على نور الأمل يرسم .. خيال المنظر الجذّاب=عيون وقــدّ من قــدّه .. غزالٍ زيـّـن ثيابه
رماني بنظرة عيونه .. ويقصر خطوته باعجاب=يقول اللي يبي ودّي .. عذابه يحسب حسابه
وقلبي من عنا لاماه .. أردد : لاحشا ماتاب=إذا قررت نسيانه .. نسيم الودّ لي جابه