مجالس الفرده - (( هيبة حزن )) الشاعر رشيد الفريدي

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - (( هيبة حزن )) الشاعر رشيد الفريدي (http://www.alfredah.net/forum/threads/alfredah33474/)

(( هيبة حزن )) الشاعر رشيد الفريدي

مرثية الشاعر الاعلامي الاستاذ رشيد محمد الفريدي
في فقيد الوطن صاحب السمو الملكي الامير سلطان بن عبد العزيز ال سعود
ولي العهد رحمه الله

رحماك ياجابر عزا كل منصاب=رحماك لاضاقت علينا الرحابه
فيك الرجاء ياوالي العرش ماخاب=للداعي المخلص سريع الأجابه
نفخة فينا الروح واجسادنا ثياب=واعجزت كل الخلق يخلق ذبابه
ننشأ لحم وعظام وعروق وأعصاب=وفي قدرتك بصماتنا ماتشابه
حكمك علينا حق وابليس كذاب=اغوى لابونا آدم وجرّد ثيابه
بأمرك جعلت الرزق والعمر بكتاب=وكم من فقيد راح بأول شبابه
ترسل رسول الموت وتصير الاسباب=حكم القدر مافيه شك وغرابه
الموت دربً مالنا عنه مجناب=من قبلنا مات النبي والصحابه
ليازرق رمحه مثل زرقة الداب=واللّي يصيبه ما يعالج صوابه
ولاكل منهو غاب يفقد ليا غاب=لاكن مثل سلطان يوجع غيابه
رمزٍ جمع جزل المعاني والالقاب=مايحصي امجاده قصيد وخطابه
مات الامير الحاتمي ضاحك الناب=بحر العطاء يمناه مثل السحابه
مات الحكيم الشهم حلال الانشاب=راسٍ حوى طيب وشموخ وصلابه
بكى عليه اقراب وأحباب وأجناب=وعمّت على كل البلاد الكآبه
حبّه تسلطن داخل قلوب والباب=سلطان .. خلا الدمع حبر الكتابه
لاح الحزن بوجيه طلقين الاشناب=حتى الحزن بوجيههم له مهابه
شالوه يم العود والدمع سكاب=وحطوه في قبرٍ من الطين بابه
يارب ترحم روح من يعتق ارقاب=وقبرٍ يضمه تعتقه من عذابه
وتجبر عزاء ال سعود زاكين الأنساب=يارب..تجعل دعوتي مستجابه