اصدق من شعور الوفاء بين الاخوان=جينا ان بارك جعل ربي يهنيك
لان القبيله والرفاقه لها شان=واجب علي اقف وسوق التباريك
مبروك ارددها بـ سماء كل الاوطان=يالصاحب اللي راجحاتاً مساعيك
يانسل قوماً مجدهم عبر الازمان=شامخ ، وهذا يافتى الجود يكفيك
ابوك وجدك لابيض الفعل عنوان=سلايل ال حماد والاسم ينبيك
يستاهلون المدح في كل ميدان=الطيب وهبه وابيض الفعل كاسيك
مجدك مسطر ياسلايل كحيلان=ورثة مجد ومجد كسبك بأيديك
ياذعار ابن حماد في سر واعلان=اسمك على فعلك وفعلك منشميك
ترجح بك الكفه على كل ميزان=لعدو اهل الطيب طيبك رجح فيك
ماقلتها ياذعار ياكود من شان=نعرف مواقيفك ونذكر مباديك
في ذمتي ياذعار ياطلق الايمان=ماخاب عوداً للمراجل مربيك
للخير بيباناً وللشر بيبان=عز الرفيق و سم للي امعاديك
لك سمعة بين العرب مثل راكان=اشوش لاجابوا لي الناس طاريك
تستاهل انجوماً على روس الامتان=ياللي تشرف لابة تعتزي فيك
يبين فعلك كان وجه الزمن شان=يزود مع قو المواقف تحديك
ماجيب انا الكلمه على غير برهان=صوت و صدى تصوير واقع لماضيك

الحبيب
بدر الحسين
لاهنت يالبناخي وبن حماد يستاهل اللي يعناله
صح لسانك قصيدكـــــ له وقع خاص لدي
تحيتي

المشاركة الأصلية كتبت بواسطة غازى بن عجاب أبوزوايد (المشاركة 234162) الحبيب بدر الحسين لاهنت يالبناخي وبن حماد يستاهل اللي يعناله صح لسانك قصيدكـــــ له وقع خاص لدي تحيتي

المشاركة الأصلية كتبت بواسطة f1 (المشاركة 234168) صح لسانك ابن رضيمان ، شاكر لك

المشاركة الأصلية كتبت بواسطة نوّاف فارع (المشاركة 234176) أشرقت المجالس بهذا الحضور المميز . أخي الشاعر / ابن رضيمان . وصحت معاني على هذا النص المبدع . تحيتي وتقديري .