يامن يهنيني وانا اقول مشكور=بمناسبة مشرف أصيل القوافي
في منتدى ربع ٍ لهم بالفضا نور=ومن وين ما لاحت صدوفه يشافي
نور ٍ لهم في صفحة المجد منشور=يزهاه علم معمــّــرين الفيافي
واليوم من بعد السلف للخلف دور=في كل منهج : مايبين اختلافي
مبني على طيب العلاقات بجسور=وافي وعلمه للمشاكيل وافي
وحتى لون نواف منهي ومامور=له الشرف في نايفات الرفافي
بيوت ٍ لها معنى ومبنى ودستور=والنور من شمس العبارات ضافي
هاذي سواة اللي لهم شور واشبور=ربعي وانا منهم وازيد اعترافي

انا اهنئك أخوي
على الاشراف وعلى هالباذخه
اللذي لاجيد صياغتها الا نواف فارع فلله دركـ
كم تخضع لك القوافي هاماتها إيها الشاعر الكبير
صح لسانك ابا عبد السلام ولاهنت
تحيتي

ياصاحبي نورت والعود مسرور=جاء له رفيقٍ المعيٍّ سنافي
والعود باقي غصةٍ داخل الزور!!=ينشاف يوم وعشرةٍ مايشافي!!
طويت قيده يوم حطوا لك الكور!!=وحطيتني ضمن السلف بالمنافي
دايم عجل لكن يزينك مبرور=وصديقي اللي بالمواجيب وافي

أبوفيصل دام تواجدك وشهادتك من أروع الحلل=وأبوعبدالعزيز العين ماتعلى على الحاجب ولك ودي
وأنت يا أبوفياض تقبل مني وافر التحية والتقدير=وأبوحمد القلوب عند بعض وكلماتك تاج على الرؤوس
وأخي عبدالعزيز العبلان دام اسمه ورسمه=وأبويارا كلك ذوق ونظر والجميع على العين والراس
وأبووسيم إذا هب النسيم تناثرت حروف الزعيم=وأبوصالح صحت معه أبدانكم وحروفكم وكلماتكم
ياهلا ثم مرحبا في كل من شرف هنا=إن كتب وإلا قرا وإلا حفظ رايه وراح
تملكون الخاطر اللي عندكم مابه عنا=دام نهر المنتدى بالسلسبيل أصفى قراح