صح الخبر والا الخبر حلم نعسان = والاحقيقه بس فوق احتمالي
كيف الجبل محمول بالواح عيدان = كيف الجبل مدفون وسط الرمالي
لولا الحيا والدين واسلام وايمان = لو العتاب يكف صرف الليالي
كنت اعذل الايام في فقد ذيبان =اللي بفقده ضاع صبر الرجالي
يغيب نصف الناس لاغاب سدحان = كن البلد متروك مهجور خالي
لا نجد نجد اللي نعرفه بشعبان= لا الصبح صبح و لا جلا الليل جالي
لاجيت عند البيت في ماض الازمان= القاه والقى صف بيض الدلالي
والقى الجماعه والرفاقه والاخوان = اللي جنوب الدار واللي شمالي
واليوم جيت البيت بلحيل شفقان =ودي اشوفه لو خيال بخيالي
حاولت اكذب بالرسايل والاحزان = حاولت حتى ما بقى لي مجالي
حل الألم والياس والضيق واحيان = يضحك علي ابليس ويسج بالي

صح لسانك اخوي عبدالله بن راشد
ورحم الله الفقيد رحمة واسعه

انا ممتن للاخوة الذين تفاعلوا معي و شاركوني مشاعري غازي ابو زوايد و منصور الوسوس و ابو حمد
.
.
.
يغيب نصف الناس لاغاب سدحان ** كن البلد متروك مهجور خالي
.
.
.
أرسلت الأبيات أعلاه للأخ العزيز فالح الجفين فأجابني بالأبيات التالية :
:

تجري بنا الاقدار و تدور الأزمان = وبيض الليالي غير سود الليالي
ما مات من عقب شبل مثل سلطان = سلطان قرم ومن قروم العيالي
سدحان ذكره حي يا طير حوران =رحل و ذكره باقين لا يزالي
أنا اشهد اني فاقدن ضلع ورقان= رحل عن الدنيا وشد الرحالي
يالله ياللي خالق الانس والجان = يا واحدن فوق السموات عالي
تجعل لخوي بجنة الخلد مسكان = و تغفر ذنوبه يا عظيم الجلالي

كيف الجبل محمول بالواح عيدان ** كيف الجبل مدفون وسط الرمالي
.
لولا الحيا والدين واسلام وايمان ** لو العتاب يكف صرف الليالي
.
كنت اعذل الايام في فقد ذيبان ** اللي بفقده ضاع صبر الرجالي
.
يغيب نصف الناس لاغاب سدحان ** كن البلد متروك مهجور خالي
.

لا نجد نجد اللي نعرفه بشعبان ** لا الصبح صبح و لا جلا الليل جالي
.
لاجيت عند البيت في ماض الازمان ** القاه والقى صف بيض الدلالي
.
والقى الجماعه والرفاقه والاخوان ** اللي جنوب الدار واللي شمالي
.
واليوم جيت البيت بلحيل شفقان ** ودي اشوفه لو خيال بخيالي
.
حاولت اكذب بالرسايل والاحزان ** حاولت حتى ما بقى لي مجالي
.
حل الألم والياس والضيق واحيان ** يضحك علي ابليس ويسج بالي
.
.
.
.
.
يتبع

تابع ما قبله
.
.
.
و يعود قلبن زل مهدود الاركان ** للروضة الخضرا و ماها الزلالي
.
للمصحف المحفوظ في حفظ رحمن ** تعصمني الآيات مما جرى لي
.
في سورة الآنسان كلام منان ** يجلي عن الانسان كل الضلالي
.
.