سريتي يالنجوم المرقبه عني وانا أطالعك=ويبقى الجدي وسهيل الجنوبي واكبر اوجاعي
سريتي وان بقيتي للسهر ياودي ابقى معك=ولو ان مالي ومال السهر مع كثرتك داعي
فاذا كنتي على كثرة عددك هموم وش ياسعك=وصدري فيه كثرك ويحدنه حدب الاضلاعي
همومٍ وسط قلبي ودي ابعدها كثر مأجمعك=وانا ماني لهاذا يالنجوم المرقبه واعي
انا واعي على شان اتأمل فيك واودعك=والا هموم قلبي طول عمري تلوي ذراعي
يطول الشرح عنها وانتي ان رحتي وش يرجعك=وانا ودي على الضؤ الضئل اعدل اوضاعي
عسى نور الامل لالاح لي مايصير في موقعك=والا كان مت مت من القهر وعيوني اتراعي
جعلك الله مصابيح السماء يانجوم في مطلعك=تشوف وتقتدي بك هالاوادم والله الراعي
ولكن من يشوف دموع عينٍ زاد فيها المعك=تلافاها الكفوف وتحتضنها رووس الاصباعي
مدام ان الاوادم بالخطاءتشوفك ولاتسمعك=ابا اغمض اعيوني لاحكوا واقفل اسماعي
يقولون انت مخطي لو نبي نقنعك مانقنعك=وانا لارايي ولاراي غيري حاول اقناعي
لصار اللي يبي يقنعك عمره مانوى ينفعك=وش ارجي من ورا انصاف الحلول ان صارت ارباعي
صراحة خير يالقلب الصريح ان كانها توجعك=مابي طاري الصراحه دامها هي سبت اوجاعي
تبي مني الصراحه للصراحه ماني مشجعك=دخيلك لاتخلي باقي الابواب شراعي
والا ياقلب لاتحزن ترى اللي معك ماقاطعك=علاقة وصلهم مثل الرساله في يد الساعي
انا قلت اني اسهر معك يانجوم الخلا ولا اتبعك=ولكن جت عواصيف الرياح وضفت شراعي

اخوى
نواف بن هلال الفريدي
صح لسانك ولاهنت يالبناخي جزل كعادتك ولوإنك
أبطيت وتأخرت ولكن نطالبك بقصيده أخرى قبل العيد
تحيتي

صح السانك يالشاعر نواف
ولاهنت
تقبل مروري

اخوي نواف صح لسانك وعلا شانك
وكل ه القصيدة الجزلة بالنجوم
اكيد لك مع القمر ابيات اروع
لاتحرمنا قصيدك
تقبل مروري

المشاركة الأصلية كتبت بواسطة غازى بن عجاب أبوزوايد (المشاركة 227554) اخوى نواف بن هلال الفريدي صح لسانك ولاهنت يالبناخي جزل كعادتك ولوإنك أبطيت وتأخرت ولكن نطالبك بقصيده أخرى قبل العيد تحيتي

المشاركة الأصلية كتبت بواسطة منصور الوسوس (المشاركة 227556) شاعر الابداع والحضور الراقي نواف بن هلال صح لسانك واعتلى شانك قصيدة جزلة ومشاركة وجدانية لمشرف قدير اتضحت لنا شخصيته أكثر في ذلك المجلس العزيز شكرا لك تقبل وافر التقدير

المشاركة الأصلية كتبت بواسطة سعد بن هذيل (المشاركة 227557) صح السانك يالشاعر نواف ولاهنت تقبل مروري