مجالس الفرده - مكتوب ماعاد هو للبيع......نايف بن مياس

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - مكتوب ماعاد هو للبيع......نايف بن مياس (http://www.alfredah.net/forum/threads/alfredah32170/)

مكتوب ماعاد هو للبيع......نايف بن مياس

السلام عليكم ورحمة الله وبركاته
اشوف فيه ركود بشعرانا والركود غير مبرر طبعا لابد من العوده للدروج القديمه والبحث ان لم يكن لدى الشاعر جديد هذا انا فتشت لكم بالدروج القديمه ورغم الغبار والربو الا اني هجيت لكم بهالقصيده
هذي مره كنا قانصين انا وسلمان العطيشان ومجموعه من اخويانا وكان مع العطيشان طير اسمه مكتوب عارضه للبيع الطير طيب وسبوق لاكن كفاخ ماهو راكد ولا يطلع المهم لقينا حبارى وهد عليها واحد من اخويانا وشمت الغربي وعجز طير خوينا وحل عنها وخلاها وهي مرتفعه بالخضيرا صاحو العيال على سلمان العطيسان مالها إلا مكتوب تقدم العطيشان وهد مكتوب ورقى لها بالنجوم وعلقها برقبتها وهو نازل هو وياها من فوق نشوفه يذكيها بالجو وقلت هذي القصيده وبعدها حلف العطيشان ما يبيع مكتوب وان يموت عنده

مكتوب لا يعرض على كل طماع=ويكفيه عين اللي قليله وفوقه
يروع معه القلب لااطلب ولا لاع=سم الخريش اللي تبا الغيم عوقه
ماهو بلا راكد ولا هو بطلاع=لاكن ليا طارت وفكت سبوقه
يحرم عليها ماتعدي من القاع=إلا وشلال الدما في شدوقه
راعيه سلمان العطيشان له باع=باعه طويل ووافيٍ في حقوقه
صقار صيته بين كل العرب ذاع=حب الصقاره ساريٍ في عروقه
بالطير والمقناص والذود مولاع=متشاركٍ بالقلب طيره ونوقه
وله مجلسٍ تلقا به الناس جماع=لم الجماعه والاصاحيب شوقه
بينت ما شاهدت بالعين باقناع=والشاهد الله والضماير صدوقه
نايف بن مياس