مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   بين الشاعرين الكبيرين ابن نهار وابن حديد (http://www.alfredah.net/forum/threads/alfredah31855/)

منصور الوسوس 05-07-11 01:40 AM

بين الشاعرين الكبيرين ابن نهار وابن حديد
 
الشاعر الكبير / عبيد بن نهار الفريدي
من الشعراء البعيدين عن الاضواء عندما تستمع او تقرأ قصائده تصبح لديك قناعة تامة
ان غيابه عن الساحة الاعلامية خسارة لمتذوقي الشعر النبطي وهو ما يجعلنا نحاول ان
نأتي لكم بشي من شعره من اجل امتاعكم واثراء مجالسنا بعذب القصيد ..
اعتذر عن هذه المقدمة التي اثق انها لاتفيء ابامحمد حقه واطرح بين ايديكم هذه القصيدة
التي يسندها لأحد ابرز الشعراء الى عضو المجالس ابا ناصر الشاعر القدير : مبارك بن ناصر بن حديد
حيث يقول ابو محمد :::

كريم يا برقٍ من القبله يلوح=يكشف سناء برقه ثقيل السحابي
يجلاء وجع قلبٍ من الوقت مجروح=عميق جرحٍ به نزيف الصوابي
وقتٍ به الميسر بدنياه مشفوح=وبه عيشة المعسر عذاب بعذابي
أثر الليالي تودع السر مفضوح=اليا اتهمنك واحكمنك غيابي
لاجيت اقول القول ماني بمسموح=من لاحفظ سره عليه العتابي
يامن يساعدني على وين اباروح =منجوم ليلٍ نور قمراه غابي
بأرضٍ خليه والمنايا بها تلوح=بسهالها وشعابها والروابي
خاويت فيها هاجسٍ شاحني شوح=يا ما أنحدر فيّه وياما رقابي
نوبٍ يعديبي على راس لحلوح=ونوب يحدربي لين سطح الترابي
هجسٍ مثل طوفان قوم النبي نوح=استغفر الله كان وصفي طغابي
لاشك ياللي تفهم العلم بوضوح=تدلي كما يدلي خطاة العقابي
يابن حديد اليا هبا كل سلتوح=لاعرض عن الواجب كبير العلابي
اللي عنه حق المشاريه مطروح=ضحضاح قيعان الظماء والسرابي
يوم انت لثقال المهمات ناطوح=تشيل ما شالت ظهور الركابي
حصنٍ حصينٍ عن وجه كل لافوح=لاشيبت شهب الظروف الشبابي
راعي هلا بالضيف والباب مفتوح=ولين الجناب وزين رد الجوابي
شكيت لك عقب انكشف كل منضوح=من صاحبٍ لي من عزاز الجنابي
اغليه واقدر مساعيه بنصوح=وادعي له الله بالجزاء والثوابي
لكن خلط لي بالعسل سم ذرنوح=وانا على هقواته اللي هقابي
أموح له ثقل الدلي بالوفاء موح=اجذب له الماء من قراح الشرابي
بيني وبينه طاحت أجسور واصروح =وقصر الصداقه صار كله خرابي
طير الثقه من بندقه طاح مذبوح=وصديت عنه وخاطري منه طابي
وعن ما حونّه حدب الاضلاع مابوح=مانيب ثرثارٍ محسب الحسابي
حساب غير حساب اهل كل مصلوح=اللي عساهم للفناء والذهابي
لو يلتهب صدري من الغيض ويفوح=اصبر على رمح القدر لاصطابي
هذا وانا من حرب سالم ومسروح=من لابتي تهتز روس الهضابي
وربعي ذراي وفعلهم فعل ممدوح=بعيال راشد ينفتح كل بابي
اليا قدح ملح البواريد له ضوح=هاك النهار اللي به الورع شابي
وانا تراي ابحر الاشعار سابوح=اغوص غبات البحر ولا اهابي
العب مع امواج البحر لي على لوح=واشرب فناجيل الدلال العذابي
واسند ولاسنّد على غير طحطوح=مثلك يابوناصر ودوك الكتابي
اللي اعتقد به واضح الوضع مشروح=اوفيه روس اقلام زبدة خطابي
غنيت ما جاوب حمامٍ على الدوح=ولاشاقني بيض ٍ زهن الخضابي
اللي من اول منهم القلب مفذوح=اليوم لوجني بليا نقابي
ما والله انظرهن نضر عين وامزوح =يكفي عن الحاضر قدايم اعجابي

منصور الوسوس 05-07-11 01:41 AM

رد: يامن يساعدني على وين ابروح
 
بـســـم الله الــرحــمــن الــرحــيــم
ردي على قصيدة الشاعرالاخ/ عـبـيـد بن نـهـا ر بن مـزرم الـفـريـدي الـتي مطلعـهـا
في29/7/1432هـ
(كـريـم يـا بـرق ٍ من الـقـبـلـه يـلـوح = يـكـشـف سـنـاء بـرقـه ثـقـيـل الـســحـا بـي )
000000000000 00


كريم يا بـرق ٍ جـذ بـني به الضوح =ســريـــت مـع بــرقــه ونـــوه ســرابي
نـون ٍ ثـقـيـل وها تـفه عـذب قرقـوح=مـثـل الـشـــهــد بــيـن الـشــــفــتــيــن ذابـي
سـريـت معه وشـد ني مـعـه لامـوح=لامــوح طـــا روق ٍ يــشـــــد الــلــبــا بـــي
من شاعـرً با الـشعـر له باع وسبوح=نـا ش ِ عــلـى طــيــب الــمــكــا رم ورابي
له با الـنـقاءمـيزه وله با الـوفاء نـوح=لاعـــل يـــفـــداء هـــا مـــتــه كـل هــا بي
ليا قيل منهـو قلـت أ نا عبيد بوضوح=ابــو مـحــمــد عــزوتـــي وإعــتــزا بـــي
الله يـجـيـره مـن بـلاء كـل ســـا مـوح=امــيــن يـا الـلـي لـمـن دعـاه اســـتــجـا بي
ماجوريا للي من عـناءالوقت مجروح=مـا جـور يـا الـلـي خـصـنـي وا نــتــخـا بي
يا بـو محمد ماتـبـي شــرح وشـروح=ذ ي عـا د ة الــد نــيــأ ســــعــد وأنـقــلا بي
تعـطي وتاخـذ واخـذهـا تـاخـذه جـوح=تـمـهــل ولا تـهــمـل وخـــيـــر وعــقــا بي
وبعض البشرله مدخل المال مفـسـوح=أمـا كـســـــــبــه مـــيــرا ث والا مـــرا بـي
وما له وبا ل ولاكـسـب خـير ومـدوح=طـا ش وعـد ل مـشــيـه بـمـشـــيـة غـرا بـي
وله صفـقـواناس ٍ على غـير مصلـوح=أهـل الـنـفـا ق مـــقــد ســــيــن الـمـخــا بـي
يرجـون من شـيخ الـملا يـيـن ناضوح=والــشـــيـخ يــلــقــط مـا وقـع بـا لـتــرا بـي
ذ ولا قـهـوجــيــه وهــذا ك سـا روح=وهــذا مـهـــرج بــا الــمــدا يــح يــبــا بـــي
ولاقام قـا لـو قـد مـك الـدرب مـبـروح=د ربـك خـضرقـد مـك طـريـق أنـســـيــا بـي
وتـفـرقـوا مـا حـصلـوا كـسـب وربـوح=وكـلـن عـلـى الــثــا نـي يـشـــن الـســبـا بـي
والـقـل ما عــذ رب خـطـوكل زحـزوح=الــقــل مـا عـــذ رب ود يــــــع الــركـا بـي
حجـرف مع اهل الطيب باالطيب ممدوح=الـلـي لـه الـحـكـمـه بــطــــيـــر ٍ و دا بـــــي
بـقـى عـلـى جـو ٍ خــلاء كـلـه شـــبــوح=مـن قــل مـا يـــمـــلـــك وقـــل الــــزهـــا بـــي
وجـوه الضـيـوف ولاقـوى بـقـلـه يــبـوح=ونـحـر ركا يـــبـــهـــم بــحــد ب الــجـــنــا بـي
والله عـطـا ه وسـا ق لـه ذ ود شـرشــوح=رزق ٍ امــن الله مــا حـســـــب لــه حــســا بــي
وشـد وبـنـا بـيـتـه عـلـى عـا لي الـصـوح=وطـا بــة مــعــه د نــيــا ه والــوقــت طـا بــي
والـوقـت عـبـره والـتـجـا رب لها شـروح=وبـا الــتــجــربــه اكــبــر د لــيـــل ٍ يــجــا بـي
والصاحـب اللي صحـبـتـه تـجي وتـروح=خــلــه يــروح ولا تــــزيـــد الــعـــتــا بـــــي
لاصـد صـد ومـثـل مـا قـلـت لا تــبــوح=دا مـــه عــزيــز ومـــن اعـــزا ز الــجــنــا بـي
وعـنـك الضنـون اللي تجي زيـحـهـا زوح=وتــرى الــتــجــا وز فــيــه خـــيــر وثــوا بــي
يـمكـن يجـي لـلـسـا لـفه عـرض وطـروح=ويــزول كــل الـلـي عــلــيــه الــضــبــا بــي
والـنـا س قـا لـوا غـلـطـة الـطـيـب تـلــوح=عــثــرة حـــصـــا ن ٍ لاعــثــر قــيــل كــا بــي
وبـيـن العـرب تجـي خـلا فـا ت وصلـوح=بـا الـصـلـح والاصـلاح حــســــــب الا دا بــي
كـم د م بـيـن الـنـاس مـهــد ر ومـسـفـوح=وتـصا لـحـوا وانـهــوا قـصــا ص الــرقــا بــي
وياعـبـيـد أنـا مـاعـا لـج الـجـرح بـجـروح=ابــحــث عــن عــلا جـــه وهـــــذا هـــبـــا بــي
ويـا طـيـبـهـا لاقـلـت سـا مـح ومـســمــوح=مـا دا م مـا وصــلـــت لــحــد الــنــصــا بــي
وأنـا مـعـك بـا الـرا ي والــمال والروح=وعــن واجــبــي يـاعــبــيــد مــا قـيـل غــا بـي
هـذا حـســب عـرفـي ومـبـداي بـوضـوح=ولا كـل مــن يــرم الــهــد ف قــيــل صــا بــي


مـبـا رك بـن نـا صـر بـن حــد يــد الــفــريــد ي

علي الجضعان 05-07-11 01:50 AM

رد: يامن يساعدني على وين ابروح
 
ابو يارا بيض الله وجهك

اللي نقلت لنا شئ من ابداع

عبيد نهار الفريدي الله يعافيه

مهما تكلم أكون مقصر صح لسان

ابو محمد وتسلم ع الاضافه

أبو وسيم 05-07-11 02:54 AM

رد: يامن يساعدني على وين ابروح
 
صح لسان الشاعر عبيد بن نهار على هذه القصيدة

وسلمت يديك ابو يارا على هذا النقل الرائع

عبدالله حمد الفريدي 05-07-11 03:09 AM

رد: يامن يساعدني على وين ابروح
 
ابا يارا بيض الله وجهك
على ايراد هالدره الثمينه من درر ابو محمد الجزال
لاهنت ولاهان ابو ابو محمد وصح لسانه والله يعافيه
وبأنتظار رد ابو ناصر
الف شكر ابا يارا

هابس العلوي 05-07-11 03:49 AM

رد: يامن يساعدني على وين ابروح
 
تسلم اخينا الغالي ابو يارا وصح لسان الشاعر عبيد نهاااار الفريدي وقصيده جزله بمفردااتها ومعانيها وياماحلا طلعة البر مع اللحواات الغانمه شرواااكم وابوناصر يستاهل من يسند عليه

تحياتي وتقديري ........

غازى بن عجاب أبوزوايد 05-07-11 06:33 AM

رد: يامن يساعدني على وين ابروح
 
ابا يارا
شكراً شكراً على مانقلت للشاعر العلم عبيد بن نهار
هذا الشعر الذى تسمتع بقراءته نعم هذا الشعر ولا بلاش
وننتظر رد ابا ناصر
لك أجمل التحايا

ابو الرجال 05-07-11 07:21 AM

رد: يامن يساعدني على وين ابروح
 
لو يلتهب صدري من الغيـض ويفـوح
اصـبـر عـلـى رمــح الـقـدر لاصـطـابـي

قصيدة جزلةصح لسان عبيد بن نهار وتسلم يمناك اخونا منصور
يمناك جزله

نوااف االدغيشمي 05-07-11 08:26 AM

رد: يامن يساعدني على وين ابروح
 
مشكور ابو يارا ع النقل
وصح لسان شاعرنا الكبير عبيد بن نهار

فزااااع 05-07-11 10:55 AM

رد: يامن يساعدني على وين ابروح
 
مشرفنا القدير منصور بايض اللة وجهك وصح السان الشاعر الكبير عبيد نهار الفريدى


الساعة الآن 07:41 AM

Powered by vBulletin® Copyright ©2000 - 2018, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52