مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   يوميات سائح .... (http://www.alfredah.net/forum/threads/alfredah31775/)

خلف الفريد 29-06-11 03:04 PM

يوميات سائح ....
 

قم يابو محمد ودنا ناصل الدكتور=احس المشاعر داخلي حرها صالي
حروف المعاني اصبحت غصة بالزور=ابا احاول التعبير عن بعض الاحوالي
انا سايح ٍمسرور ولكن ماني مسرور=ولو العين تسلى بالنظر ماني بسالي
بس ادوج باسطنبول وامشي بها وادور=واخالط جموع الناس وكني بها لحالي
تجاذبني الافكاروكني بدون شعور=احس الزمن والفرق مابين الاجيالي
واشوف المعالم من مساجد وكبر قصور=تقل تشتكي للناس من وضعها الحالي
صروح ٍتعلّت كنها ترمق البسفور=وبحر مرمره من سطوها صابه اجفالي
ولقيت الجواب الواقعي في بقايا السور=و(ايا صوفيا ) تشهد على نصرنا الغالي
هنا مر من فتحاته الفاتح المنصور=وكسب قول (نعم الجيش واميره الوالي)
مؤسس (خلافه ) صار منها يشع النور=تسيّر جيوش الفتح من (بابها العالي)
وتكدّرت من جور السنين العجاف وجور=رجالٍ تنكـّر للوطن ماهي رجالي
مسوخٍ محت لامجاد تاريخها مع دور=سلاطين دين ٍمضرب لكل الامثالي
تنكر لهم مستغربٍ ماهو المجبور=على اهانة ارموز الحضاره والاعمالي
اهان المساجد والجوامع وكل الدور=قلبها متاحف ملغيٍ صوتها العالي
تدوس النصارى فرشها النادر الممهور=عقب كان فوق ارقابها داس (خيّالي)
ولو الغى مظاهر دين .. محفوظة ٍبصدور=ذا عشقٍ قديم ٍعند الاتراك لازالي
بين محمد الفاتح وبين (الخنا )المقبور=فروقٍ كبيره مالها حصر واجمالي
هذا مسلمٍ في صفحة المكرمه مشهور=وهذا (دونميٍّ) هافي الاصل محتالي
فرض نصره الفاشل على شعبه المبهور=وتسمى بـ (ابوهم ) ظلم في لحظة اهبالي
صخرهم بقوة جيشه الملحد المغرور=وعقد صفقته مع نادي الغرب الانذالي
ولكن موار الخير عادت لهم بظهور=بدوا ياردون لمنبع ٍطعمه زلالي
اعاد الاصاله للوطن واحدٍ ممرور=جمع بين حب الدين مع طيب الافعالي
رجب اردوغان الصيرمي فارسٍ مغمور=لكنّ اثبت انه حامل كل الاثقالي
يقول الفخر في دين الاسلام ماهو زور=وصمد في وجوه الغرب والقيل والقالي
وتوجّه لشرقٍ كان من ظلمهم مقهور=وعيونه على الاقصى بها الدمع همالي
تذكًر صلاح الدين يوم العيون العور=تفرّج على عورات غزّه (وتكتالي) !!!


فهد الطميشاء 29-06-11 03:10 PM

رد: يوميات سائح ....
 
صح لسانك على هذا السرد التاريخي الجميل
تركيا غنيّة بالكثير من المعالم الجميلة والتاريخية
وآيا صوفيا من أشهر المساجد التي كانت في يوم ما من أشهر الكنائس
سبحان مغيّر الأحوال

ترجع بالسلامة يا أبو عبدالعزيز

عبدالعزيز العبلان 29-06-11 03:12 PM

رد: يوميات سائح ....
 
صح لسانك يابو عبدالعزيز

مشاعر صادقه وساميه تدل على سمو قائلها

لاهنت

تحيتي وتقديري

نايف بن مياس.. 29-06-11 03:17 PM

رد: يوميات سائح ....
 
صح لسانك يا ابو عبدالعزيز وعسا الله يعين

عبدالله حمد الفريدي 29-06-11 03:24 PM

رد: يوميات سائح ....
 
صح لسانك ابو عبدالعزيز
لاشك ان من شاهد ايآ صوفيا
ليس كمن قراء عنها
لاعدمناك وبانتظار عودتك

غازى بن عجاب أبوزوايد 29-06-11 04:23 PM

رد: يوميات سائح ....
 
ههههههههه
اخوى ابا عبدالعزيز أنت قصدك
تمدح ولد العم دوغان هههههههه
صح لسانك اخوى خلف ولاهنت ودائماً قناص فرص
ولاتفوتك الفرصه توضفها في مكانها الصحيح وبما إنك قاريء
للتاريخ ومتمعنن فيه تعجبك الاماكن الاثريه والتاريخيه اما الشعر
فشهادتي فيك مجروحه نتعلم منك المفردات وتركيبها وافي واللي أسندت
عليه وافي تحياتي لكما وبإنتظار عودتك سالماً ياعندليب الجالس
تحيتي

أصيل العود 29-06-11 04:38 PM

رد: يوميات سائح ....
 
صح لسانك وعلا شانك

خلف الفريد 29-06-11 06:30 PM

رد: يوميات سائح ....
 
احبتي الكرام
مساء الورد والفل والكادي
كم تمنيت وجود هذه الوجوه الطيبه معي لترى ما ارى ...
مروركم اسعدني وخفف عني جزاكم الله خيرا ...
ولا اخفيكم انه من كثر الدوجه المني ظهيري شوي لاني نسيت المحزم ههههههههههههههههه
وانتظروا قريبا ( السلطان خلف بن محمد الاول) :049:
لاعدمتكم
......

وشكر خاص للحبيبين فهد على الاستجابه وابو فيصل على التنسيق والتعليق

































منصور الوسوس 29-06-11 06:33 PM

رد: يوميات سائح ....
 
صح لسانك ابا عبدالعزيز
قصيدة رائعة وراقية تسموا لذلك الموضوع الهام الذي تمحورت ابياتها لتوضح لنا الدور العظيم لأمة الاسلام
شكرا لك عندليب المجالس تعود لنا بالسلامة قريبا باذن الله
استمتع وابلغ سلامنا ابن سدحان
تقبل وافر التحية وصادق الود

نواف فارع 29-06-11 07:07 PM

رد: يوميات سائح ....
 
صح لسانك أديبنا وشاعرنا / أبوعبدالعزيز .

إسقاطات رائعة جميلة .. وقاف مختلف مميز .

أسأل الله لك الصحة والعافية وسلامة الأسفار .

وتقبل خالص التقدير .


الساعة الآن 02:42 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52