مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   أنا ماحسد المخلوق (http://www.alfredah.net/forum/threads/alfredah31725/)

غازى بن عجاب أبوزوايد 27-06-11 06:22 PM

أنا ماحسد المخلوق
 
رساله محبه وتقدير لخوي الكبيربقدره
الشاعر الخلوق صاحب الدم الخفيف
خلف بن عتاق الفريد
وأحببت إطلاعكم عليها لعلها تحوز على رضاكم





تسدح على البسفور ياخلف العتاق=وعلى البحر الأسود شوف الأجواء الطبيعيه
وعلى شاطي إيجه شوف كيف النظر ينساق=والامواج ترسم صورتنلك حقيقيه
ورذاذ المطر من غير راعد ولا براق=ونسمه حنونه يالبناخي شماليه
بجوٍ طبيعي يبعد الهم والارهاق=يخليك تسرح في هجوسٍ خياليه
جمال الطبيعه خابره ياخلف سراق=ويقولون شيبان ٍ لنا العمر عاريه
تغانم زمانك ودفع الشوق بالاشواق=نصيحه يابن عمي ولاهي بمقفيه
عطاك الولي سبحانه الخالق الرزاق=جزيل العطايا خالق الميت من حيه
وانا ماحسد المخلوق مما عطا الخلاق=ولكن تذكرت الحياة الطبيعيه



وسلامتكم

محمد الفهد 27-06-11 09:16 PM

رد: أنا ماحسد المخلوق
 
حجز فاخر لايحتمل الإلتغاء بتاتاً دام الحكايه فيها بسفور:133:

اولاً صح لسانك
ثانياً راجع لك بس بشوف رد الشايب :092:

سعد بن هذيل 27-06-11 11:40 PM

رد: أنا ماحسد المخلوق
 
تسدح على البسفور ياخلف العتاق؟؟؟ على البحر (؟) شوفك اللاجوا لطبيعيه

صح السانك شاعرنا ابافيصل
وسلم لسانك وبنانك

؟انتبه لاتغري الشيبان

عبدالله حمد الفريدي 27-06-11 11:59 PM

رد: أنا ماحسد المخلوق
 
جمال الطبيعه خابره ياخلف سراق ........ ويقولون شيبانٍ لنا العمر عاريه
لله درك ابا فيصل ...... دائماً ماتتحفنا بالجزل
.......... لاهنت ..........

الجديد 28-06-11 12:01 AM

رد: أنا ماحسد المخلوق
 
تغانم زمانـك ودفـع الشـوق بالاشـواق
نصيحـه يابـن عمـي ولاهـي بمقفـيـه
عطاك الولـي سبحانـه الخالـق الـرزاق
جزيل العطايا خالـق الميـت مـن حيـه



ابو فيصل صح لسانك قصيده نستشف منها الهمه والأبداع . تقبل مروري



منصور الوسوس 28-06-11 12:11 AM

رد: أنا ماحسد المخلوق
 
صح لسانك ابا فيصل
يستاهل عندليب المجالس
نحن اكثر من يستفيد من هذه الرحلة فسيعود ابا عبدالعزيز
وفي جعبته العديد من المواضيع والصور والمواقف التي ستثري جميع اقسام المجالس
سلمت ودت على ماتفضلت به من رائعة تستحق الاشادة

خلف الفريد 28-06-11 01:37 AM

رد: أنا ماحسد المخلوق
 
صح لسانك يابو فيصل لاهنت
دائما وانت صاحب المداخلات الجميله والشعر الجزل لاعدمتك
اما موضوع القصيده فاعتقد ان (هزاع ) معطيك الاخبار عن معرفه ههههههههههه
الله يستر كان ماهو حولنا !!! فالاجواء فعلا كما وصفتها اخي الكريم وكانك معي ...
اما عن احوال اليوم ومغامراته برفقة ابن سدحان كحيلان فهي ..
ركعتين في جامع سلطان احمد(الجامع الازرق) وتسننا فيه ابشرك وصورنا وهو عجيب البناء فعلا ..
تمشية طويلة في ميدان التقسيم ..
اخذنا شارع الاستقلال عرض وطول وياليل ياعين!!!
تناولنا هناك العشاء وجلسنا حتى الواحده ..
اما غدا فترتيبها بعد الظهر انشاء الله
تحياتي لك ولاخوتي الكرام
والى لقاء

نايف بن مياس.. 28-06-11 02:24 AM

رد: أنا ماحسد المخلوق
 
تــغــانـــم زمـــانــــك ودفــــــــع الــــشــــوق بــــالاشــــواق

صح لسانك يا ابو زوايد بدون مجامله قريتها خمس مرات والظاهر لي عوده عليها قمة الشاعريه وزادها انها بابن عتاق
اللي اتمنا له رحله سعيده

علي الجضعان 28-06-11 02:30 AM

رد: أنا ماحسد المخلوق
 
اقتباس:
المشاركة الأصلية كتبت بواسطة خلف الفريد http://www.alfredah.net/forum/alfred...s/viewpost.gif
صح لسانك يابو فيصل لاهنت
دائما وانت صاحب المداخلات الجميله والشعر الجزل لاعدمتك
اما موضوع القصيده فاعتقد ان (هزاع ) معطيك الاخبار عن معرفه ههههههههههه
الله يستر كان ماهو حولنا !!! فالاجواء فعلا كما وصفتها اخي الكريم وكانك معي ...
اما عن احوال اليوم ومغامراته برفقة ابن سدحان كحيلان فهي ..
ركعتين في جامع سلطان احمد(الجامع الازرق) وتسننا فيه ابشرك وصورنا وهو عجيب البناء فعلا ..
تمشية طويلة في ميدان التقسيم ..
اخذنا شارع الاستقلال عرض وطول وياليل ياعين!!!
تناولنا هناك العشاء وجلسنا حتى الواحده ..
اما غدا فترتيبها بعد الظهر انشاء الله
تحياتي لك ولاخوتي الكرام
والى لقاء



ابوفيصل صح لسانك

والتعبير بالكلام الجزل لن يوفي هذا

الأبداع حقه قصيده أقل شئ يقال عنها

من روائع ابوزوايد الله يبارك بالفريد

اللي هيض قريحتك أثر قلبك خضر

يالأقشرأنتظرني بس لين يضبط الوضع

حولهم ونبي لنا سجه ترويح عن النفس

ونشم هواء

الفريد أجل صليت بالجامع الازرق الله

يقبل منا ومنك طيب الاعمال ويمحوا

عنا سيئاتنا وترجع بالسلامه

أبو وسيم 28-06-11 07:29 AM

رد: أنا ماحسد المخلوق
 
صح لسانك ابو فيصل على هذه القصيدة الرائعة

وانت شاعر كبير وجزل ولانستغرب عليك هذه الابيات الرائعة

ونسال الله ان يوفق ويرد شايبنا ابو عبدالعزيز سالما غانما


الساعة الآن 08:50 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52