انا وانت يالفكتوريا صنعت اليهود=نبي نمسي بديره ونصبح لنا بديره
ابسري عليك الليل من ديرة ابو جود=خطٍ طويل ومظلمٍ مامعه نيره
انا باحرق الافكار وانت احرق الوقود=وطريق القصيم مغربلتنا مشاويره
بداعب اهمومي وانت داعب هبوب النود=يالين الصبح باكر تجاوب عصافيره
انا كنت اكب القار واعارض النفود=يوم اني على الجمس الحمر يالله الخيره
وبعد صار لي عامين عن شوفت اهل الذود=وعن اللي يجي قير الدبل في طرف قيره
مع اهل البلد شفت اغلب السيارات فرود=وشريته على شان اقتصاده وتوفيره
يقولون في هالوقت مافيه اميرٍ كود= رجــــــلاً عــــطاه الله وكثرة دنـــانيره
وانا اقول لابالله منكم لكم مردود=لارحم ابوه ولارحم من هو اميره
الامير والله كل من عقب بن سعود=والامير والله من تعاقب مساييره
والامير منهو يفعل الجود بالماجود=والامير منهو راعي الجاه والجيره
والامير والله وان لفى بيته المضهود=وقف ماقفٍ ماينوقف به على سيره
ترا المال مع حتى الحضارم وابو هنود=وخطو البخيل اللي يحسب مخاسيره
تزود الدراهم والطمع والجشع يزود=ويزود ويزود وزاد حسرة معاسيره
يبرَرد على كبودٍ ويفحم وراه كبود=سعت له ولا تدري بعدها وش الخيره
معه تختلف كل النوايا عن المقصود=مثل ماختلف عن مجمل الحلم تفسيره
دروب المراجل مالها مذهبٍ محدود=يدور الزمان وكل درب ومداويره
بنينا على بحر الأمآني جسر ممدود=متى ماانتهت سيره معه تبتدي سيره
تنقيت من جزل المعاني ثلاث بنود=تخيَر بها شعر النبط من شواعيره
لي الشعر مجدٍ من تحت راس هاك العود=قولٍ لابن نومان جدي وانا اثيره
عساك ياللي تكره المقبلين تعود=عقب الغناه الى الفقر في حذافيره
اذا عشت جسمك مرتعٍ للمرض والدود=واذا مت مثواك الجحيم وزمهريره
وانا بوجه ربي واحدٍ عالمٍ معبود=اله عباده كلها في رجاء خيره
وصلوا عدد ماعدَ واللي مهو معدود=على المصطفى شفيعنا مالنا غيره

اللهم اصلي واسلم على محمد
صح لسانك

قصيده جزله ومليئه بالشعر

واعذرني مارديت هناك بالموضوع اللي خبري خبرك

لانك مثل ماتعرف (سواها الشايب وسافر )

ماقلت لكم؟!!!

ماكملنا شهر الاوهو يقول انا في مضيق البسفور؟!!!!

حتى ماقال يــ محمد ترى انا ماشي الله يحييك :067:

والله يستر لايقولون خرب الشايب علينا :059:
بس صدقوني الرجل راعي سفريات وبحكم عمله السابق فـ هو اصحاب المنافذ :089:

يعني لاتقولون غريبه !!
الرجل حتى الدول الاوروبيه سافر لها وهذي معلومات من مصدر استخباراتي عالي جداً :092:
الله يوسع صدر شايبنا بالعافيه وبنسأله عن كيف الجمال الطبيعي هناك من خضرة المكان وجمال الاجواء :089:

اعذرني يـ أبو وافي خرجت من الموضوع الاساسي ....

لكن ياليت كل اسبوع تمسك لك خط عشان تجينا بقصيده مثل هذي

وتقبل محبتي ومودتي ،،،

يقولون في هالوقت مافيه اميرٍ كود= رجــــــلاً عــــطاه الله وكثرة دنـــانيره
وانا اقول لابالله منكم لكم مردود=لارحم ابوه ولارحم من هو اميره
الامير والله كل من عقب بن سعود=والامير والله من تعاقب مساييره
والامير منهو يفعل الجود بالماجود=والامير منهو راعي الجاه والجيره
والامير والله وان لفى بيته المضهود=وقف ماقفٍ ماينوقف به على سيره
ترا المال مع حتى الحضارم وابو هنود=وخطو البخيل اللي يحسب مخاسيره
تزود الدراهم والطمع والجشع يزود=ويزود ويزود وزاد حسرة معاسيره

صح السانك
واحسنت قمة الاختيار
وفقنا الله وياك بالقول والعمل