ليه الصراحه وقفـتني بعزلـه=خلتني ابلش كل ما قلت لي حـرف
ليا قلتلـي بيـتٍ معانيـه جزلـه=تعرضوه اهل المشاذيـب والغـرف
اسمع من الكلمات واصـد وازلـه=مثل عباريـد البلاجيـك والشـرف
يا اهل النوايا اللي على طول هزله=والله لوقفكم على حافـة الجـرف
وازتكـم عقـب التفقـد بنـزلـه=نزله توديكم علـى وادي الصـرف
ما والله ادرى من حمل نفس رزله=الا اني ادرى خاطر اللي له العُرف
ما يسنـد الخيـال مـن لا برزلـه=اللي اليا جاء اللازمه صار له ظرف
واللي يبي رمح المطنـي ركزلـه=يقدم عليه انكانـه يرفـع الطـرف
واللي يبي بشهار بيـت احجزلـه=يمرني ياخذ تذاكـر مـع الـزرف
ومن لايقوم بواجب اللـي عنزلـه=عسى السليمه من عيونه تقل كرف

يا اهل النوايا اللي على طول هزله=والله لوقفكم على حافـة الجـرف
وازتكـم عقـب التفقـد بنـزلـه=نزله توديكم علـى وادي الصـرف

الشاعر العلم
شرّيف بن محمد بن راكب
كم تعجبني قصائد هذا الشاعر وكم هو حكيم
وكم هو جزل نعم شهادتي به مجروحه ولكنه شاعر
لايشق له غبار اطال الله عمره ولايفوتني أن أشكرك
ابا يارا على النقل له ونشر قصائده ولي طلب أن تنشر له
كل إسبوع قصيده على الاقل فهو بحر ونستمتع بقصائده الجزله
لك وله جزيل التحيه

لاهنت يابا يارا على النقل
؟ياهل النوايا اللي على طول هزله
مايختلف ثنين على شاعريت
شريف بن راكب
بل اعجازفي البلا غه في القول