|
ردا على الشاعر خلف الفريد اقتباس: المشاركة الأصلية كتبت بواسطة خلف الفريد http://www.alfredah.net/forum/elfard...s/viewpost.gif ابو فهد اخي وصديقي الشاعر الكبير / سعد بن هذيل الفريدي له تقدير خاص عندي ومن باب المداعبه اهديه هذه الابيات : يابو فهد ترقب على كل مشراف=احيان نسمع صوت واحيان تومي انا ادري انك للمشاكيل ميلاف=ومن عادة الرجّال نفسه تشومي والجود من معروض صالات الارياف=ولا يلحق اللي يبذل الجهد لومي والسوق فيه الوان واشكال واصناف=واغلى البضايـع مالقت من يسومي عروض التجاره ماتشابه للاوقاف=هذي تدوم وذيك ماهي تدومي غيري مكانه ياسعد فوق الاكتاف=وانا كفوفي شلهبتها السمومي انا مجرد عاتبٍ يطلب انصاف=وانت الفهيم وعارفٍ بالسلومي ولا صارت يدين الفتى دايم انظاف= لامدهن ما يرجعن للكمومي ومن حقه التقدير من عهد الاسلاف=ماينقصه فقدان حب الخشومي مع التحية والتقدير لاخي الشاعر الكبير خلف الفريد هذه الابيات المتواضعه ردا على قصيدته السابقة هــلا وسهلا عـــد مــن حــج وطــاف ... حــــــول الحــــرم مــن كـــل فج ويمومـي ماغنت الــورقى على خضر الاطـراف ... ومالاح فــي وســـط المجره انــجـــومـــي حيــاك ربــي يــابــن عتــاك خــــلاف ... حفيد مــــن كــــان المـــلا بــــه يقومـــي عـظم العرب تنـصاه ركبان الاشــراف ... بالحــــق والانصــــاف تنهى الخصومـــي يالشــاعر المـوهوب للعــوب عســاف ... عوب الجواهر مـن ضميـــرك تـــقومـــي ناديت عــبر المنتدى بااصــعب القــاف ... بـــــرسالة بيــــن الــــعتب واللـــزومــي لو كــان مبداها عــلى صاحـبك حـــاف ... ومبــــطنه بنــــذار قــــبل الهـــجومــــي يحـــتار فـــي توصيــفها كــل عـــراف ... تــــشابهــــت فـــــيها جميع الوسومـــي مــشفره بغـــلاف واحســـاس شـــفاف ... يــامشــــفر الابيات خــــلك حــــلومــــي لا تجلب العمله عـــلى غـــير صـــراف ... عندي عـلى العملات رخصة عمـــومـــي وخلاصة الموضوع في صلب الاهــداف ... على النقى والصدق نرســل سهـــومـــي الـجود بالـــماجـــود وللحـــض ميقـــاف ... والفضــــل للـــرزاق منـــش الغيومـــي وعمر الفتى لو طــــال قافيــــه قصـــاف ... وتجارة الرجـــــال عــــرف القرومــــي اللي مكــانتهم مـــــع النـــاس تنشـــــاف ... رصيــــد للقــــالات وقــــت الهـــمومي ومن كان تقديره علــى ماضــــي طــــاف ... مــــاطـــاف قدره مـــع مشاكيل قومـــي ومن كان قــدره فـــوق الاكتاف لا يــخاف ... يستــــاهل البيضى عــريب العــــمومي فـــي ســـاعة الشدات حــاسيــنه اســـعاف ... يفداه مـــن يـــاخذ عـــليه الرسومـــي وكـان الفـــتى شــرهان ويـــدينه سخــــاف ... يارد عـــلى عـــد الروى لاينــومــــي ماتصـــلح الـــعــفه عــــلى رايـة اعيـــاف ... ذب الخريمـــه والبخـــت بالــــعزومي الــلـه ولا مــــنــه عــــلى مــــــد غـــــراف ... سج القدم يـــم المـــوارد يمـــومــــي والســــوق بـــــه وزان لثــــقال واخفــــاف ... ماتقيم الــسلعة علــى ســـعر يومـــي عينت سوق دبـــــي مــــــن حــــظ خطـــاف ... فازو بها مــن بعـــد كانت حـــلومــي مـــن قــام حـظه قــــالوا النــــاس حـــــواف ... جاب العلم بجـــهود دفـــع الرقومـــي يخـــسربهـــا حــــريف ويــفـــوز صفــــاف ... والسوق عامر والرقيــب مــــعدومـي ياساكن العالي خـــذ الســـــر بـــغــــــلاف ... الخـــيل بـالميدان وانت مــــعزومــي شقح النــــوايا غــــيرت ســــود وعجـــــاف ... وبنت الغموس بروس عال الرجومي وزرقا اليمـــــامه بالـــــــقوايــــل بكـــــشاف ... والجيب غـطى العيب عـند الرخومـي اسلم سلمت ودمــت يــــاذخـــــر الاســـــلاف ... وبــــــــلغ سلامي للجماعه عمومـي الشاعر / سعد بن هذيل الفريدي |
رد: ردا على الشاعر خلف الفريد حبيت انا اكون اول من يرد على هاذا النص الجميل جداً واثر من عذر عظم العرب يوم يسند ليظهر هاذه الجواهر المكنونه لا اجامل بل بكل صدق اخي الشاعر سعد انت شاعر من فحول الشعر مع الرغم اني اول مره اقرا لك قصيده بس معروفه حبكة الشاعر المتمكن تقبل مروري وتحياتي جيت اقتبس بيت وجدت القصيده كلها تستحق الاقتباس |
رد: ردا على الشاعر خلف الفريد ابوفهد بيض الله وجهك وصح لسانك مليون وبيض الله وجه بن عتاق اللي حرك اشجانك واستمتعنا بهذه الدره الثمينه لاهنت ولاعدمناك |
رد: ردا على الشاعر خلف الفريد
ابو فهد تسلم على الرد الرائع والمتوقع من شاعر بحجم سعد هذيل فعلاً مدرسه شعريه وهذا الشعر النبطي والكلامات التي نعرفها قصيده تستاهل القراءه عدة مرات بس عندي ملاحظه أنت خالفت شروط المساجلات بين الشعراء خلف الفريد 9 أبيات وأنت 28بيتاً وش راي الفريــد له الحكم على الزياده ابوفهد صح لسانك وعلأشأنك ولاعدمناك أسعدتونا في هالدرر تقبل مروري وملاحظتي بصدر رحب كما عهدناك |
رد: ردا على الشاعر خلف الفريد صح لسانك واعتلى شانك شاعر المجالس ابا فهد تضل عملة نادرة في الشعر النبطي تقبل باقات من الورد والكادي لشخصك الكريم |
رد: ردا على الشاعر خلف الفريد ههههههههههههه هلا مليون هلا ببوفهد صح لسانك وطول الله بعمرك وسلمت لاخيك ... شفتم يالربع ... تسع ابيات على الطاير جابت لنا ثمانيه وعشرين بيت !!! بل ثمان وعشرين درة من اعماق بحر الشعر (سعد بن هذيل) ... والقصه ايها الاحبه انني وجدت له بعض المرور على قصائدي ولكن بدون رد (مع انني اعلم انه ليس متواجدا اغلب الاحيان على الجهاز) ولاحظت انه رد على احد الاخوة الكرام (ماني قايل الوسوس ههههه ) الذي انزل قصيدة لاحد الشعراء الكبار فصابتني الغيره !!! وقلت يابو عبد العزيز عليك بالعوم في اطراف هذا البحر لعله يتحرك موجه وكن على حذر لاتاصل الغويط هههههههه فكانت تلك الابيات التي رد عليها ابو فهد باسلوب الشاعر الذي يفهم اسرار الشعر ويسبر اعماق الشاعر واهدافه .. الان حركناك يابو فهد لاتحرمنا من القديم والجديد ... والدور على من ياشباب يسوي قصيده ببو فهد ؟؟ هههههههههه ************************** |
رد: ردا على الشاعر خلف الفريد اقتباس: المشاركة الأصلية كتبت بواسطة نواف بن هلال http://www.alfredah.net/forum/elfard...s/viewpost.gif حبيت انا اكون اول من يرد على هاذا النص الجميل جداً واثر من عذر عظم العرب يوم يسند ليظهر هاذه الجواهر المكنونه لا اجامل بل بكل صدق اخي الشاعر سعد انت شاعر من فحول الشعر مع الرغم اني اول مره اقرا لك قصيده بس معروفه حبكة الشاعر المتمكن تقبل مروري وتحياتي جيت اقتبس بيت وجدت القصيده كلها تستحق الاقتباس شكرا بارك الله فيك لاهنت اخي الشاعرنواف هلال يشرفني اعجابك ولي الفخر في مرورك |
رد: ردا على الشاعر خلف الفريد اقتباس: المشاركة الأصلية كتبت بواسطة ابوحمد http://www.alfredah.net/forum/elfard...s/viewpost.gif ابوفهد بيض الله وجهك وصح لسانك مليون وبيض الله وجه بن عتاق اللي حرك اشجانك واستمتعنا بهذه الدره الثمينه لاهنت ولاعدمناك ابو حمد مشكور على اعجابك وبيض الله وجهك يابن العم لاعدمناك يابطل |
رد: ردا على الشاعر خلف الفريد الشاعر القدير سعد بن هذيل الفريدي ابو فهد انت شاعر نستمتع بقراءة نصوصك الشعريه وهذا النص الشعري الجميل الجزل خير برهان على كلامي صح لسانك ولاهنت ابا فهد تحيتي |
رد: ردا على الشاعر خلف الفريد ابو فهد لسانك ولسان ابو عبدالعزيز اللذي حرك اشجانك تقبل مروري |
| الساعة الآن 12:25 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir
