|
ليمان طرّه ..... مجرد مشاعر قديمه ايام الشباب .... وين الحذر؟! يهل البيوت الكبيره=عوراتنا مابين ركبه وسرّه !! كثرت علينا!! والحناشل كثيره=لاتسلب المحصول في حين غره!! جت من خلاف البيت ماهي مغيره !!=وقامت تفتش بين كل الاصره!! وطلع النخل حوله تليّم "غبيره"!!=وترى ما يسوى الشيص مثقال ذره!! عجزت اميّز بين سرّ وسريره=اعياني التفكير في كل مرّه !! ناقف على الابواب حبٍّ وغِيره=ونصبر على لفح الهبايب وحرّه !! وحصيلنا التشكيك بين العشيره!!=وعن كلمة التقدير.. صارت مضرّه!! وياللي على ثوبه "تباقيـع" كيره!!=(هو انت من ضرّيت حتى تسره ؟؟!) ان كنت تفكّر باعتراض المسيره=قدمك "معاقل جيش" ماهي مبرّه!! عابر سبيلٍ حلّ ويحلّ غيره!!=بكره ماتترك غير آثار جرّه!! ويهل البيوت!! اما سلاح وذخيره=والا خرج سكان " ليمان طرّه "!! |
رد: ليمان طرّه ..... لاوالله سلاح وذخيره واستشهاد ولا يخرج سكان ليمان طره ابو عبدالعزيز صح لسانك وعلا شانك ابداع متواصل .... لاعدمناك |
رد: ليمان طرّه ..... :099:اخوى الكبير بقدره خلف بن محمد بن عتّاق اعجبتني قصيدتك ليمان طرّه وأحببت أجاريك وسامحني بالقصور حيث إنك اللي يلعب ولايلعب معه القصيده :- ياخلف العتاق خيرن وخيره=ويالله عساها خيرة مستمرّه كان الهبايب يالبناخي مثيره=من حارس التموين جتك المغرّه واللي خلاف البيت تسمع زويره=دعيج قبله وش لقى في مصرّه وطلع النخل يغسل ويزداد خيره=واليا إستوى يصير للعين قرّه وسر البشر ماغير ربك خبيره=لوكان للتفكيرساعه تمرّه ووقفتك ياخلفين ماهي معيره=تاجبلك الوقفه وهذا مقرّه واللي يشكك فيك بالوصف طيره=فكره يصورله وصل للمجرّه مسكين حال وفيه لوثه وطيره=خريش مايلحّق عليه اخو مرّه لوشب كيره شغلته ماتضيره=لاسر حي ولاش حين يضرّه يقصر عن افعول النشاما السفيره=جرون نبح بيدين ورعن يجره ولامن نذر جانا ولافيه ذيره=وحتيش لو فكر ابفره وكره وارجو المعذره وسلامتكم |
رد: ليمان طرّه ..... إبداع مشكور وصح لســـــــانكما جميعا |
رد: ليمان طرّه ..... هكذا الابداع عندليب المجالس تضل البصمة المشرقة في مجالس العز والشموخ ولايهون أحبتنا المبدعين شكرا لك والشكر موصول لمراقب بيت القصيد أبا فيصل على تلك المجاراة دمتم جميعا بعز في مجالس العز |
رد: ليمان طرّه ..... سنايدي والله ابو حمد من رجال والله قول وفعل ... صح بدنك وسلمت لاخيك سيفا مشهرا ... لاعدمتك |
رد: ليمان طرّه ..... اقتباس: المشاركة الأصلية كتبت بواسطة غازى بن عجاب أبوزوايد http://www.alfredah.net/forum/elfard...s/viewpost.gif :099:اخوى الكبير بقدره خلف بن محمد بن عتّاق اعجبتني قصيدتك ليمان طرّه وأحببت أجاريك وسامحني بالقصور حيث إنك اللي يلعب ولايلعب معه القصيده :- ياخلف العتاق خيرن وخيره=ويالله عساها خيرة مستمرّه كان الهبايب يالبناخي مثيره=من حارس التموين جتك المغرّه واللي خلاف البيت تسمع زويره=دعيج قبله وش لقى في مصرّه وطلع النخل يغسل ويزداد خيره=واليا إستوى يصير للعين قرّه وسر البشر ماغير ربك خبيره=لوكان للتفكيرساعه تمرّه ووقفتك ياخلفين ماهي معيره=تاجبلك الوقفه وهذا مقرّه واللي يشكك فيك بالوصف طيره=فكره يصورله وصل للمجرّه مسكين حال وفيه لوثه وطيره=خريش مايلحّق عليه اخو مرّه لوشب كيره شغلته ماتضيره=لاسر حي ولاش حين يضرّه يقصر عن افعول النشاما السفيره=جرون نبح بيدين ورعن يجره ولامن نذر جانا ولافيه ذيره=وحتيش لو فكر ابفره وكره وارجو المعذره وسلامتكم يضل الابداع والتحدي توأمان لك ابا فيصل ولم لا وانت لك من اسمك النصيب الاكبر .. ابو زوايد .. تعني الزيادة في كل شيء وها انت جاريت اخيك فكان لك قصب السبق والرياده... صح لسانك وسلمت لاخيك رعدا مجلجلا ... لاعدمتك |
رد: ليمان طرّه ..... اخي الذعذاع صح بدنك لاهنت شاكرا مرورك وطيب شعورك لاعدمتك |
رد: ليمان طرّه ..... اقتباس: المشاركة الأصلية كتبت بواسطة منصور الوسوس http://www.alfredah.net/forum/elfard...s/viewpost.gif هكذا الابداع عندليب المجالس تضل البصمة المشرقة في مجالس العز والشموخ ولايهون أحبتنا المبدعين شكرا لك والشكر موصول لمراقب بيت القصيد أبا فيصل على تلك المجاراة دمتم جميعا بعز في مجالس العز ________ الغالي ابو يارا كل جملة سطرها يراعك الكريم شاهد لك لا لي ... تضل دائما القلب النابض في هذه المجالس بمرورك الجميل وكلماتك النابعة من القلب ومشاعرك الاخوية الدافعة الى الامام ... وما نحن الا جزء من منظومة هي عين هذا الصرح وسوره الحصين وجوبا لا اختياراً ... صح بدنك وسلمت لاخيك لاعدمتك |
رد: ليمان طرّه ..... تقف الأقلام محتارة كيف تجمع الحروف وكيف تركب الكلمات التي تستحقها هاتين القصيدتين ولكن للإبداع اهله وللقصيد رجاله فصح فوكما وما يخرج من فيكما ونهنئ المجالس بكما دام تواجدكما وإبداعكما تقبلا مروري |
| الساعة الآن 11:41 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir