|
لاهل القواره كلها شرفت يا طلق اليمين .. هذه القصيده للأعلامي الفذ وصاحب المواقفه الرائعة أبا عبدالإله رشيد الفريدي القاها أمام أمير منطقة القصيم ونائبة خلال زيارتهما للقوارة مساء الثلاثاء 21/6/1432هـ وذلك خلال الحفل الخطابي الذي تمت اقامته في مركز أمارة القوارة .. تسائلت كما تسائل غيري عن تلك القصيده ولا أخفيكم سراً أن أول مكان بحثت فيه هو منتدى القواره إلا أنني لم اجد لها أثر وقد كانت فرصة لي بمقابلت الشاعر الذي شرفنا بتزويدنا بنسخه منها هي بين أيديكم ... من برج ميدان القصيد ابدا وبالله استعين=ابا اكتب اجمل مانظم فكري بجزل المفردات ما دامها فرصة عمر.. ما تقبل العذر السمين =ابا انحت اسمك بالذهب واهديه في كل اللغات باقة مشاعر مفعمه بالورد والعود الثمين =تفوح فيها القافيه بازكى طواليع النبات اعداد من زار الحرم يا مرحبا بالفيصلين=نهر المشاعر بالفرح يفوق دجله والفرات انتم لنا عز وسند وانتم لنا الحصن الحصين=وانتم لنا يا سيدي مثل الجبال النايفات شرفتنا بزيارتك بحضور نايبك الامين=دعم التطور نهجكم والسير بارقى المعطيات انا رهين اهل الوفاء ماني رهين المحبسين=نيابةٍ عنهم وقفت ابدي لك العلم الثبات لاهل القوراه كلّها شرفت يا طلق اليمين=يا من ملكت قلوبنا باسمى المزايا والصفات حنّا امتداد اجدادنا .. ابنا الرجال المخلصين=مع جدّك معزّي غزوا على ظهور المسرجات يوم الجزيره تصطفق باهل الفتن والطامعين=الجوع فيها والجهل والعنصرية والشتات فيها السياده للقوي والبل ثمنها الأحمرين=والناس فيما بينهم مثل السباع الجايعات ويوم انتخى عبدالعزيز القايد الفذ الفطين=بالشرع والسيف الحدب توحّدت كل الجهات لين اشرقت شمس العدل بآل السعود العادلين=الله يديم اهل العدل واهل الوفاء والمكرمات واستاذنك في مسأله .. ابا اختصرها بكلمتين= حمّلت امانه سيدي .. والعمر قافيه الممات ان كان لي عندك طلب .. طالبك باسم الحاضرين=طالبك يا وجه السعد .. تامر ( بكليّة بنات ) انته جهودك واضحه .. ولما بذلت مقدّرين=اقولها في حضرتك من طيب نفس وصدق ذات |
رد: لاهل القواره كلها شرفت يا طلق اليمين .. صح لسان الشاعر والاعلامي رشيد الفريدي وبيض الله وجهك على مجهوداتك وإيراد القصيدة |
رد: لاهل القواره كلها شرفت يا طلق اليمين .. حــنّــا امــتــداد اجــدادنــا .. ابــنــا الــرجـــال المـخـلـصـيـن مــــع جــــدّك مــعــزّي غــــزوا عــلــى ظــهــور الـمـسـرجـات يــــوم الـجــزيــره تـصـطـفــق بــاهـــل الـفــتــن والـطـامـعـيـن الـــجــــوع فــيـــهـــا والــجـــهـــل والـعـنــصــريــة والــشـــتـــات فـيــهــا الـســيــاده لــلــقــوي والـــبـــل ثـمـنــهــا الأحــمــريــن والــنـــاس فـيــمــا بـيـنــهــم مـــثـــل الــســبــاع الـجـايــعــات ويـــــوم انــتــخــى عـبـدالـعـزيــز الــقــايــد الـــفـــذ الـفـطــيــن بـالـشــرع والـســيــف الــحـــدب تــوحّـــدت كـــــل الـجــهــات لـيــن اشـرقــت شـمــس الـعــدل بـــآل الـسـعــود الـعـادلـيـن الله يــديـــم اهـــــل الــعـــدل واهـــــل الــوفـــاء والـمـكــرمــات صح السان ابو عبدالاله *مشكور أبــــــــــــا يــــــــــــارا على جهودك العظيمه 0 |
رد: لاهل القواره كلها شرفت يا طلق اليمين .. صح لسان رشيد الفريدي.....والف شكر لك ابو يارا على النقل والمجهد الذي تبذله لمجالسنا وتقبل تحياتي |
رد: لاهل القواره كلها شرفت يا طلق اليمين .. صح لسانك وعلا شانك يابو عبدالاله قصيده رائعه وجزله كعادتك لاتأتي الا بالجزل بيض الله وجهك لقد شرفت ربعك وديرتك وهذي من عوايدك... لاهنت ابا يارا الف الف شكر على الاضافه الرائعه ........ لاعدمناك |
رد: لاهل القواره كلها شرفت يا طلق اليمين .. صح لسان الشاعر رشيد الفريدي ولك الشكر ابو يارا على اتحافنا بها |
رد: لاهل القواره كلها شرفت يا طلق اليمين .. صح لسان الشاعر الكبير رشيد الفريدي ولاهنت ابا يارا على النشر لك جزيل التحيه |
رد: لاهل القواره كلها شرفت يا طلق اليمين .. وافيه من راس وافي .... صح لسان ابو عبد الاله شاعر علم كعادته .... والف نعم ونعم بربعنا اهل القواره وسلمت يمينك ابو يارا ... تتحفنا دائما بالجزل السمين لاعدمتك |
رد: لاهل القواره كلها شرفت يا طلق اليمين .. صح السان ابا عبد الاله الشاعرالفذ العبقري من عاداته الكلام الطيب والقول الجزيل لاهان ولايهون البطل الصامت منصورالوسوس على نقل الموسوعه ويستاهلون ربعنا اهل القواره |
رد: لاهل القواره كلها شرفت يا طلق اليمين .. صح لسان أبو عبدالاله قصيدة جميلة تستحق الوقوف عن كل بيت ومشكور يابو يارا على هذا الاختيار الرائع تقبل مروري |
| الساعة الآن 11:47 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir