هجوس القوافي داهمتني وطعت الشور=على دعوةٍ من يم الاصحاب مشكوره
تهيض المشاعر من غلا دعوتي وتفور=ابين بها صوره وتبدي لها صوره
دعاني محمد قلت ما نذخر المذخور=وانا خطوتي يم المطاليق مجبوره
انا يا بناخي حرب ماني بخيل شعور=مشاعر وفانا بين الاصحاب مشهوره
ليا قلت لي ياخال لك بالمحافل دور =تكرم علي ودعوتي غير مهجوره
اجاوبك في لبيه نورن جلب له نور=نوادر كلامٍ يعجب اسماع جمهوره
سلامي على شمر هل الواجب الماثور=زباين لحيسة واجب الضيف بعصوره
بحضور اللغيصم راعي الماقف المشكور=كريم السجايا نوّر الحفل بحضوره
صقورن لها بالشمّخ العاليات اوكور=نوادر حرارن بالسناعيس مذكوره
لهم شيخة المسعود من يوم بان النور=اهل سمعةٍ حسنه مع الناس مبذوره
قبيله لها مع القبايل شرف وحضور=ولها رايةٍ بالمجد والعز منشوره
ولها في كرام الضيف مع العرب دستور=ولها قمةٍ دايم بالامجاد معموره
وانا من قبيلة حرب لاصك طورن طور=لنا بالخوي والجار ميثاق واسطوره
ولنا من قديم الوقت بالعاليات شبور=ولنا صفحةٍ عند اهل العرف ممهوره
ختام الكلام المسك والورد والكافور=على الحفل ماتمضي لياليه واشهوره