|
دمنا وكليله ... مع تحياتي للشاعر نواف بن هلال .... نخيت العود وهذا جوابه ..... حي المعان اللي لها اشكال والوان=من راس حرٍّ ماندوّر بديله فيها جواهر مع زمرد ومرجان=وفيها مزايينٍ براس الطويله فصاحة الجاحظ بخطٍّ وعنوان=والا المقفّع بين دمنا وكليله لكن صلاته نوب تسبق للاذّان=وليا سألته قال هاذي نفيله ياصاحبي دلوك تصافق بجيلان=وحنا نتحرى فوق راس النثيله ارفق على شيبٍ تراقل وشبّان=ولا تترك الغايه تبرر وسيله اغلى رصيدٍ دونه قفول بيبان=ومنبع مجار النيل من سلسبيله نوب اللسان تحرّضه روس الاسنان=ونوب الخليل يشوف جفوة خليله خل الامور احيان واحيان واحيان=لاتزرع الازهار باوسط مسيله وابشر بعزّك ياسلايل بليهان=ان ماحملنا حمولكم نرتكي له غرّد مادامك صرت عاشق وولهان= دوحة عيال العود دايم ظليله |
رد: دمنا وكليله ... صح لسانك ابا عبد العزيز ابداع متواصل غير مستغرب من عندليب المجالس لاهنت ..... ولاعدمناك **** ابو حمد اسمح لي مسحت اقتباسك لانني عدلت بعض الابيات لاتواخذ الشايب ياخوك |
رد: دمنا وكليله ... صح لسانك هاذي والله هقوتي فيك ياطير حوران والشكر موصول لبو فيصل وابو عمر وبن مياس والوسوس صح لسانك ......وانت روح المجالس صراحه ومنك نستفيد يابو عبد العزيز حتى السجن ...ابو حمد علامه صافطني مايرد وتبي الصحيح ياكثر اللي قروا المشاركه ولا ردوا....الناس مشغوله الله يعين... |
رد: دمنا وكليله ... ابو حمد هلا مليون هلا دايم باول السباق وللطيب سباق لاعدمتك صح لسانك يالذيب ... ولا اظن بعد عشم نواف عشم ... وهذه المداعبات هي توابل الشعر وفضفضات القلوب ولو اني اعلم انك لم تتعمد ذلك ... وليتك تعود الى قصيدة لنواف قديمه هنا وبعنوان (المستشار) على ما اعتقد هي من اجمل الغزليات مع انها خضعت لعملية جراحيه هههههههههههههههههههه لاعدمتكم |
رد: دمنا وكليله ... اقتباس: المشاركة الأصلية كتبت بواسطة نواف بن هلال http://www.alfredah.net/forum/elfard...s/viewpost.gif صح لسانك هاذي والله هقوتي فيك ياطير حوران والشكر موصول لبو فيصل وابو عمر وبن مياس والوسوس صح لسانك ......وانت روح المجالس صراحه ومنك نستفيد يابو عبد العزيز حتى السجن ...ابو حمد علامه صافطني مايرد وتبي الصحيح ياكثر اللي قروا المشاركه ولا ردوا....الناس مشغوله الله يعين... هلا مليون هلا وافي يابو وافي تسلم وما عليك زود يالغالي وابشرك الاخوان عطوني صلاحية -مقص الرقيب-هاليومين ياويلك مني انت وابن مياس هههههههههههههه وانا اطالب الوسوس وابو عمر وابو فيصل بان يردوا عليك بقصايد لازم ماهو انا دايم بوجه المدفع :028: والله الصدق مالي قدرة فيكم يالشباب نشاط وطاقة واحتمال :127: اما قلة الردود يانواف عندي وعندك خير !!! لكن رايك ابن فهد ملبد ليه ؟؟ لايكون ياسنايدي غدر بي وفرك لتركيا بتواطيء مع ابن سدحان !!!! يسوونها والله !!!! تحياتي لك |
رد: دمنا وكليله ... صح لسانك ابا عبدالعزيز ولابعد قولك قول انت شايبنا وقولك يعمنا سبق وان قلتها مامع الماء مويهات تحيتي ياعودنا |
رد: دمنا وكليله ... صح لسانك عندليب المجالس تضل صاحب بصمة واضحة من الابداع ابيات جميلة زادها جمالاً شاعرنا نواف بحضوره الراقي تقبل اجمل التحايا |
رد: دمنا وكليله ... غرد مادامك صرت عاشق وولهان 0000دوحة عيال العود دايم ظليله عظم العرب صح لسانك وقدها وقدودها تقبل تحياتي |
رد: دمنا وكليله ... ابو حمد هلا مليون هلا دايم باول السباق وللطيب سباق لاعدمتك صح لسانك يالذيب ... ولا اظن بعد عشم نواف عشم ... وهذه المداعبات هي توابل الشعر وفضفضات القلوب ولو اني اعلم انك لم تتعمد ذلك ... وليتك تعود الى قصيدة لنواف قديمه هنا وبعنوان (المستشار) على ما اعتقد هي من اجمل الغزليات مع انها خضعت لعملية جراحيه هههههههههههههههههههه لاعدمتكم المشاركة الأصلية كتبت بواسطة نواف بن هلال http://www.alfredah.net/forum/elfard...s/viewpost.gif صح لسانك هاذي والله هقوتي فيك ياطير حوران والشكر موصول لبو فيصل وابو عمر وبن مياس والوسوس صح لسانك ......وانت روح المجالس صراحه ومنك نستفيد يابو عبد العزيز حتى السجن ...ابو حمد علامه صافطني مايرد وتبي الصحيح ياكثر اللي قروا المشاركه ولا ردوا....الناس مشغوله الله يعين... ابو عبدالعزيز بك المهلا والبقا عدد ماسطر في مجالسنا من حروف اسعتني بكلماتك الصادقه... لاهنت اما بخصوص عتب اخوي نواف هلال فهو في محله وأعتبره عتب محب ويشرفني عتبه ويعلم الله لاصفطه مزلوه اوغرض في نفسي واعترف اني مقصرٌ مع الجميع لانشغالي في الفترة الماضيه فأرجو احسان الظن والعذر والسموحه من الجميع ابو حمد اسمح لي مسحت اقتباسك لانني عدلت بعض الابيات لاتواخذ الشايب ياخوك جزاءاً لك حفظت القصيده في المضله |
رد: دمنا وكليله ... هكذا انت ياعندليب المجالس جزل بالشعر صح لسانك على هذه القصيدة المميزة واطال الله بعمرك ياشيبنا على قولتك مع انك توك شباب لك تحياتي |
| الساعة الآن 07:40 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir