عسى البارق اللي لاح يبقى خفيف خيال = يعله يجي ويروح ما يخفي الجره
على دار من لو كنت اصدق عنه مايقال = تخيلت كل ابراج الأرصاد مفتره
يقولون بعد سنين عود على الموال = وانا اقول ليه وكيف يخضع لاخو مره
ترى اكبر غلط بالكون هي نكسة الرجال = وخطأ من يقول النفس في ماتبي حره
وترى ابليس من ساعة عصى الله هو الدجال= تحايل على آدم لين بعد الهنا غره
وانا صاحبي له فوق سطح القمر منزال= عزيز علي وعشرته تعتبر دره
انا اقدره و اغليه و ازعل عليه وذال= و اجنب عنه دايم وانا ودي امره
انا كل ما طلّعت رقمه على الجوال= تخيلت كيف ابدأ الحقيقه وهي مره
آداري وانا داري وسدي يغطي جبال = على مستوى دكتور في عالم الذره
وترى كل من لاصار من نفسه العذال=غنيمه اليا منه كفا الناس من شره
نصيحة صديقٍ ما يدور وراها ريال=غيورٍعليك وبعض الأخبار ماتسره
كتبت الرساله بس ما قلت للمرسال = يقولون عند جهينه العلم مصطره
انا ما فرقت السوم لين انتهى الدلال=ولقيت اخر السبحه على القاع منثره
وانا اللي عليّه جبت ثوبك من الفصال=وعليك ان تزره قبل ما واحد يزره
صلاتي عدد ماهل من وابلٍ همّال=على المصطفى اللي وضح الدين واقره

الشاعر شريف شاعر علم
من شعراء القبيله اللي نعتز فيهم
ومشكور على النقل اخوي منصور