|
ارفق يابن هلال !!!!! الشاعر الوردي نواف بن هلال اغرق المجلس هذه الايام بعدة قصائد ورديه فتحركت القلوب الخضراء وانشغلت الابصار وتسمّر العشاق حتى انه احيانا يتعمق شوي !!!! وخوفا على اصحاب القلوب الرقيقه امثال محمد الفهد ومشعل بن مطيع ونايف بن مياس وشيوخ الغزل مثل ابو زوايد وابو عمر خصوصا ونحن في ايام اختبارات اوجه له هذه النصيحه ولهم اخذ الحيطة والحذر :123: مدري يابن هلال كم لك من العمر=بس اتوقع صرت فوق الثلاثين نوبٍ تعدّى الماد وخطوطه الحمر=ونوبٍ تخليها وسط بين ثنتين حدّيت لك ناسٍ على صالي الجمر=وتركتهم بين القوافي مصابين كم واحدٍ عدّى على البيض والسمر=لاميّز المقبل ولا رد مقفين على الاقل اصبر لك ايام ياالنمر=خل الاوادم تجني اتعاب فصلين استنجدوا ياهل الهوى بصاحب الامر=يحجر على نواف لو هو اسبوعين |
رد: ارفق يابن هلال !!!!! اسبوعين ماتكفي قل شهرين ستة أشهر ههههههههه تسلم ابا عبدالعزيز ولاهنت ولازم تشوف لنواف حل أشكرك على المداعبه الرائعه والاضافه الجميله تحيتي |
رد: ارفق يابن هلال !!!!! صبحك الله بالخير ياشايبنا :133: صح لسانك كـ عادتك قصائد تبعث الروح هنا وتجدد روح الاعضاء هنا ولكن يبدو لي ان الشاعر /نواف بن هلال :053: صاحب قصائد متعددة المواضيع فـ هو من النوع اللذي يكتب لك موقفاً يمر به (سواء خشن أو ناعم ) ولأن متذوقي الشعر كثر فـ بالتأكيد ان لكل منهم ميول ولو أنني أجزم بـ أن الأكثرية تميل الى الشعر الذي يتجه للشعر الناعم :013: فـ هذا النوع من الشعر خاصةٍ يجدد الخلايا الميته في داخل الجسم ممايجعلها تتجدد مستعيدةٍ نشاطها ولأن الخلايا تتجدد فـ هذا يعني أنك أيها الرجل قد أستعدت قوتك وقدرتك الذهنيه والبدنيه :054:فـ يبدو لي وانا لست عالماً في الطب ان هذا الشيء جداً مطلوب ممايبعد عنك مرض الشيخوخه :006:ولأننا من الجيل التقني والتكنلوجي :134: وجيل العصر الذهبي فـ مطلوب على جميع الموهوبين تجديد روح الشباب فينا مهما بلغ العمر بنا !! ولأن الشاعر نواف من المبدعين فـ وجب عليه تجديد روح الشباب بنا ولكن بمأنك من الجيل القديم جيل الثمانينات :006:المرتبط نوعاً ما بـ السبعينيات :104:فربما تجهلون واقول ربما تجهلون ماذا يقصد نواف من تلك القصائد خلاصة الرد يــ شايبنا العزيز وجعلنا ماننحرم منك فـ أنت لك تقديراً ومحبه في قلوب الكل أن المغزى من تلك القصائد هي :- (( تجديد روح الشباب فينا :081:)) وان تم الحجر على نواف فــ تأكد ان جميع الشباب سـ يضربون عن المجالس وتلقانا عند باب اخونا القدير منصور الوسوس نطالب بـ الديموقراطيه :171: وتقبل وافر التقدير والمحبه ،،، |
رد: ارفق يابن هلال !!!!! ههههههههههه صح السانك يا ابو عبد العزيز على الابيات الذهبيه التي لها جمل رائعه تقبل موووري ,,,,,,, |
رد: ارفق يابن هلال !!!!! اسبوعين والله لوتسجنونه في قواتي ناموا أن يهرب بطريقه معجزه على العموم ابوهلال كله حلى وثمره بس لو يرفع الرمي فوق يعني فوق الحزام ويجنب عن المناطق القتاله كان حبيت خشمه ع العموم لانخلا منه ولانعدم كل اللي منه مقبول الله يدره |
رد: ارفق يابن هلال !!!!! ابو فيصل يامعود اسبوعين وتكفي لين تنهون الاختبارات ادري صرتم ترقلون شف ابو فهد :135: اشغل العالم ابن هلال .. فاضي وحنا بلشنا باهل القلوب الخضر واول مارد عليه انت ثم محمد الفهد ثم ابن مطيع طش كتابه ومن البارح وهو يروغ هنيا ههههههههههههههههههههههههه ******** محمد الفهد جايني تدافع عن الدمقراطيه وانت طاش الغتره والطاقيه:012: قال تجديد قال !!!! ((وان تم الحجر على نواف فــ تأكد ان جميع الشباب سـ يضربون عن المجالس وتلقانا عند باب اخونا القدير منصور الوسوس نطالب بـ الديموقراطيه)) لابد من الحجر او الحجز على هالمذي لين تنتهي الاختبارات خافوا الله بالرقيقين ياهوه:061: اما عاد وش يقصد نواف كثر منها !!! حتى المدارس اهليه هههههههههههههههه ******** مشعل وين وين ياولدي !!! اقول ذاكر وخلك من الدوجه مع هالثنين وثالثهم ابن مياس وكبيرهم الذي .... ابو فيصل :020: مستقبلك اهم عليك من مرافقة هالمعبثين :118: في الختام اشكركم على جميل المرور والمبادره الطيبه في الرد لان هذا دليل محبتكم لي ماهو هههههههههههه لاعدمتكم |
رد: ارفق يابن هلال !!!!! اوووووووووووووووووووووووو وووووه الحق الحق جاك عليوي مطفي النور ومسوي ثقيل ههههههههه ابو عمر والله اني عارفك ياحبيّبي ياملك الرومانسيه المتمرد :176: هد هد بهالشباب لين تخلص الاختبارات وجزاك الله خير ماسك نفسك هههههههههههههه الصبر طيب ياطيب :168: اسعدني مرورك ودبر امورك تحياتي |
رد: ارفق يابن هلال !!!!! ابو عبدالعزيز صح لسانك لاهنت على هالابيات الجميلة والخوف على الشيبان هم الأهم والا الشباب متعودين |
رد: ارفق يابن هلال !!!!! صح لسانك واشوف ابو وافي اختفى الله بستر من الهيئه كان ماهم ضافينه بس |
رد: ارفق يابن هلال !!!!! اقتباس: المشاركة الأصلية كتبت بواسطة منصور الوسوس http://www.alfredah.net/forum/elfard...s/viewpost.gif ابو عبدالعزيز صح لسانك لاهنت على هالابيات الجميلة والخوف على الشيبان هم الأهم والا الشباب متعودين ابو يارا هلا صح بدنك وسلمت لاخيك ... الشيبان ماعليهم خوف وانا اخوك لان الضغط خف عندهم !!!!! لكن الشباب هم اللي تحت نيران عنف القصف هههههههه لاعدمتك |
| الساعة الآن 08:08 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir