|
اشره ولا اشره .... اشره على اللي واثقٍ من خطاويه=واليا تنطـّح قمةٍ ما رقاها واشره على اللي نظرته بين رجليه=والشمس فوقه والنجوم بسماها واشره على اللي راهيٍ في معانيه=وليا عطا له كلمةٍ ما احتماها واشره على اللي قوته في مباديه=لكن يجامل والمجامل بلاها واشره على اللي يطرف العين بيديه=ولو يتالم مايدوّر دواها واشره على اللي يابساتٍ علابيه=لاجيت له في حاجةٍ ماقضاها واشره على راعٍ يهمـّل مراعيه=ولا يلتفت لو ربّعوا في احماها واشره على اللي كثرة المدح تغريه=لو الحمول الهيــّنه ماقواها واشره على اللي عالياتٍ عزاويه=لكن على اللي حاملينٍ لواها واشره على اللي ترتجي منه توجيه=ويضحك لبو وجهين تقل يتباها واشره على اللي منهجه فيه ما فيه=لو يتظاهر علـته ما نساها واشره على اللي كل شيٍّ يسويه=ولا حسب لحساب واضح خطاها ولا اشره على من يجهلون المشاريه=بعض الاوادم جودها من مداها |
رد: اشره ولا اشره .... عندليب المجالس اخوى الكبير بقدره خلف بن عتاق الفريد شرهاتك بمحلها ابا عبد العزيزوأنت ذكرتني بمجاراه لعلى بن مناور الله يرحمه يجاري الشيخ زيد بن حماد يقول :- اللى ذكر زيد بالمعنى تحليته وأنا أشهد إنه لقالها وصفه الكافي مافيك حيله يالعندليب دربك خضر تحيتي |
رد: اشره ولا اشره .... صح لسانك ياكثر اللي تشره عليهم عكس اللي ماتشره عليهم اشوى ان اللي عليهم الشرهه واجد ههههههههههههههههههههههههه هههههههههه |
رد: اشره ولا اشره .... واشــــره عــلـــى راعٍ يـهــمّــل مـراعــيــه ولا يلـتـفـت لـــو ربّـعــوا فـــي احـمـاهـا واشـره علـى اللـي كثـرة المـدح تغريـه لــــــو الــحــمــول الـهــيّــنــه مــاقــواهـــا تسلم أخي خلف على أبيات الشره والتشره وكل شرهة لها تعليلها صح لسانك وسلم رأسك تقبل مروري |
رد: اشره ولا اشره .... صح لسانك والدي ابوعبدالعزيز قصيده رائعه من روائعك شاعر يتكلم من خبره بالحياه لله درك كل يوم تعلم أكثر في دقت الوزن والقافيه يستفاد من تجربتك سجل مروري وتقديري |
رد: اشره ولا اشره .... صح لسانك ابا عبدالعزيز هكذا هي مدرسة الحياة تقبل وافر التقدير |
رد: اشره ولا اشره .... صح لسانك صدقت بكل حرف وكل كلمه بالنسبه لسؤالك الله يخليك ويطول في عمرك ويزوجك ام سبعة عشر ربيعاً في إحدى قرى (تركيا) :060: تنــسـيــك الشَّعـــر لانَّهــا (هي قصيَده ) والمكان الذي تقطنه شاعري ونظراتها الجميله تجعلك تنظرللبراءه خلف بؤبؤة العين بكل صدق ونقاء وترى الدم يجري من شرايينها بكل وضوح وترى ابتسامتها هادئه تجلي الهم والغم وتشعرك بأن الحياة لاتكون الا امام تلك الابتسامه فـ أبتسامتها تعطيك إنطباع بأن الحياة لازالت جميله ويحق لك ان تعيشها مع احترامي لـ بنات حواء السعوديات فـ ليس بيدهن شيء لإن الجو المحيط بهن الصحراوي هو ماجعلها تكره ان تقدم الابتسامه فـ أجمل صفاتهن العبوس لإن جو نجد متقلب لذلك لابد من مجاراة التغيير وانت الحكم ولاتجيني تحكم برد أحكم بقصيده<<<ناوي يثير قريحة الشعر والاهم من ذلك تنسيك أبوعمر وأبالفيصل :166: إجابتي هي كـ التالي :- (مُـــبـــــهــم):003: شاكر ومقدر طال عمرك:060: كـم ضيّعـن الـعـود ســودٍ خــوارس اللي بهن من عين بسكال ليحـه تبون الصدق العود ضاع ألحقوا عليه دام لازال يذكر باسكال:003: والله موهين مايحب الاممشوقات القوام:060: تبي الصدق شايب بس عندك ذوق :060: تحياتي لصاحب الذوق الرفيع :134: |
رد: اشره ولا اشره .... لا تشره يابن عتاق الا على اهل الشرهه والا الخبل اللي يابستٍ علابيه واللي ننظرته بين رجليه ماينشره عليه ...نبي غزل زي ماقال اخونا محمد خل الشرهات تولي ودمت بحفظ الله |
رد: اشره ولا اشره .... صح لسانك يابو عبدالعزيز قصيدة جميلة محمله بأجمل الحروف والكلمات الرنانه الذي تجذب القارئ لكي يكمل قراءة القصيدة . لكل شخص ذوق لكن بالنسبه لي اعشق القصيدة الذي تتكلم عن موقف . صح لسانك ياعندليب المجالس |
رد: اشره ولا اشره .... الاحبه ابو فيصل نايف بن مياس ميس ابو عمر (من زين نظري يوم انك كاشخ باللون والخط):162: ابو يارا مروركم العذب ارواني وشعوركم الخصب اشجاني وتعليقكم اكفاني ... تعودت منكم هذا التشجيع والمحبة والثقة الكبيره صحت ابدانكم لاعدمتكم |
| الساعة الآن 02:14 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir