مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   مجاراة ..... (http://www.alfredah.net/forum/threads/alfredah31007/)

خلف الفريد 24-05-11 03:53 PM

مجاراة .....
 
ابو فيصل
بما انك منعت ابو عمر ... العود ماقيدت يديه واليكم هذه الصخريه الجديده ان ضبطت
والا لاتواخذون شايبكم اول مره يطرق هذا البحر :




الا ياعاشقين الشعر مرّوا=والا ياعين شوفي واستفيدي
بيوتٍ كنها نجم الثريا=نظمها غازي بعقدٍ فريدي
تسابق عند شاعرها وتبارى=ولو تنطق تقول امرك ياسيدي
متى هبنا يابو فيصل ولنّا=وحنا نتعب الخصم العنيدي
شربنا المي من ينبوع صافي=ويبلع غيرنا قالب جليدي
صخرت القاف ياناحت صخرها=مثل ماصخر الهاف الحميدي
تطمن ياولد عمي تطمن=ترى المبنى على ساسٍ حديدي
عيال العود من حولك "زناتا"=عضودك وانت يالغالي عضيدي

نايف بن مياس.. 24-05-11 05:09 PM

رد: مجاراة .....
 
صح لسانك يا خلف الفريد تقول يمكن ما تقنه إلا اتقنته وابدعت لك الشكر

خلف الفريد 24-05-11 05:28 PM

رد: مجاراة .....
 
مرحبا ببو ارجوان ..ماشاء الله اسمها حلو الله يحفظها ...
وصح بدنك لاهنت وهذه شهادة اعتز بها ويعلم الله ان هذه اول مره
اطرق الصخري ولكني سويتها وانا اغنيها والا كان كشتناهههههههههههه
لاعدمتك

نواف فارع 24-05-11 06:32 PM

رد: مجاراة .....
 
الله الله ..

لازلت أردد ( مفاعيلن مفاعيلن فعولن ) غريب الدار ومناي التمني ..

سلمت قوافيكم والحانكم .

ونعم فيك وبربعك : أبوعبدالعزيز .

وصح لسانك مدد .


تحيتي وتقديري .

نواف بن هلال 24-05-11 09:19 PM

رد: مجاراة .....
 
صح لسانك ياخلف ولسان ابو زوايد وقد احرمنا رد الملقب بشاعر الرومانسيه ابو عمر
علي الجضعان بفرض عدم الرد ويجوزلك يابو زوايد مالايجوز لغيرك

صح السنتكم ولك فايق التقدير والا حترام

غازى بن عجاب أبوزوايد 24-05-11 10:25 PM

رد: مجاراة .....
 
عيال العود من حولك "زناتـا"
عضودك وانت يالغالي عضيدي



اخوى الكبير بقدره
خلف بن عتاق الفريد
مالاحقني شك ياعظم العرب
يقول الوالد رحمه الله ( ربعي وأنا منهم على الطيب ومصيب)
صح لسانك ابا عبدالعزيزمجاراه رائعه سعدت بها جداً
لك تحيتي

الجديد 24-05-11 11:12 PM

رد: مجاراة .....
 
تطمن ياولد عمي تطمن 0000 ترى المبنى على ساس حديدي
ابو عبد العزيز صح السانك ولسان ابو فيصل الي حرك مشاعرك على الابداع وتقبلو مروري

خلف الفريد 25-05-11 12:13 PM

رد: مجاراة .....
 
كل الشكر لكم ايها الاحبه
مروركم تشريف وثقتكم اعتزاز
لاهنتم

أبو وسيم 25-05-11 12:44 PM

رد: مجاراة .....
 
ابو عبدالعزيز صح لسانك

لاتعليق يصعب الرد على هكذا ابيات

لذى اقف احتراما لك ولشعرك

لك تحياتي

ابـن مـطـيـع 25-05-11 01:21 PM

رد: مجاراة .....
 
صح الله السانك ابو عبد العزيز
قصيدة جزله من شاعرنا الجزل عندليب المجالس
ابداع ابو عبد العزيز
انك تعوم ببحور ومحيطات! الشعر ولاتغرق ...حينما يغرق الأخرون
تحياااااااااااااتي لك وتقديري


الساعة الآن 06:20 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52