مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   تسمع وإستمع قول الفريدي (http://www.alfredah.net/forum/threads/alfredah30995/)

غازى بن عجاب أبوزوايد 23-05-11 10:11 PM

تسمع وإستمع قول الفريدي
 
أيها الاخوه الكرام هذه خاطره

بسبب ماينشر من قصائد بالصحف وغيرهاويكتب تحتها الشاعر الفلاني
وأطلب من الاخ العزيز على بن محمد بن جضعان عدم الرد
والاكتفاء بالقراءه فقط......




الا ياعلي بن جضعان وينك=ابااسمعك نبذه من جديدي
ابيوتن قلتها ماهي طويله=وانا لو قلت ماينفد رصيدي
وانا ماقول انا الشاعر ولكن=انا قصاد وشهودي قصيدي
يومن الكل يسعى لإسم شاعر=انا خذيتها يالقرم بيدي
رجال المعرفة به لقبوني=وانأ والله محبه ياعضيدي
وان شفت حمود جاء يشعب ذلوله= معه حماد مع عبدالحميدي
جخاخن شالها إبليس المسمى=عسى إبليس المسمى مايفيدي
اقول اهلين يارجال الشجاعه=هل الصولات والفعل المجيدي
وامشيها على اللي يرغبونه=ولاسمع راي من مقطوع قيدي
والى حقت حقايقها حضرنا=لنا الوقفه على العلم الوكيدي
لنا الوقفه على عز ومعزه=بمدة يد ولا بالنشيدي
مواقفنا قديمه يالبناخي=مابي فيها محامي مع شهيدي
ولكن معطيات الوقت هذا=تدق من الاخله في وريدي
على شان النبط لارحم حيه=تمهزاه القريب والبعيدي
ترى شعر النبط يبي الجزاله=على موضوع مايبي الزهيدي
هذا رايي وأنا حرن برايي=تسمع وإستمع قول الفريدي



وســـــــــــلامتــــــــ ــــــــــكم

الجديد 23-05-11 10:37 PM

رد: تسمع وإستمع قول الفريدي
 
ولكن معطيات الوقت هذا** تدق من الاخله في وريدي
الأخ الشاعر / غازي بن عجاب صح لسانك واعتلى شأنك وصحيح أن هذا الزمان عوج

عبدالله حمد الفريدي 24-05-11 12:09 AM

رد: تسمع وإستمع قول الفريدي
 
والى حقـت حقايقهـا حضرنـا
لنا الوقفه على العلـم الوكيـدي
لنا الوقفـه علـى عـز ومعـزه
بـمـدة يــد ولا بالنشـيـدي
مواقفـنـا قديـمـه يالبنـاخـي
مابي فيها محامي مـع شهيـدي
ابو فيصل صح لسانك مليون
وسلمت ودمت وافيه من راسٍ وافي
لاهنت على هالأبداع

علي الجضعان 24-05-11 01:46 AM

رد: تسمع وإستمع قول الفريدي
 


ابوفيصل

غازي بن عجاب ابوزوايد

الفريدي


كل بحر تجيد العوم في أعماقه

لله درك كل يوم نطلع بشئ جديد

منك

لك مضمار يصعب على جميع

الفرسان الركض فيه

هذا البحر الصخري ماكل شاعر

يجيد اللعب عليه

وطالما أنك طلبت مني عدم الرد

فأني أحترم وجهة نظرك

وطلبك دائم غالي عليه

ويكفيني التمتع بهذه الدررمن

شاعر تستلذ بجديده وتستفيد من

نظمه

شاكر ومقدر توجيه هذه الأبيات

الرائعه كروعة شاعرها وسوف

تبقى بذاكرتي ماحييت عساك

سالم وغانم وتبقى ذخر يابن راشد

سجل مروري وأعجابي


http://up.mrame.net/uploads/mrame13061906932.gif

عبدالعزيز العبلان 24-05-11 04:02 AM

رد: تسمع وإستمع قول الفريدي
 
صح لسانك واعتلا شانك
يابوفيصل
قصيده جزله من شاعر جزل
تحمل الحكمه والدهاء

دمت ودامت قوافيك

تحيتي وتقديري لك

أصيل العود 24-05-11 04:29 AM

رد: تسمع وإستمع قول الفريدي
 
صح لسانك ياغازي مدد بلا عدد ولاهنت على هذه القصيدة...ولاتحرمنا جديدك..تحياتي لك

نايف بن مياس.. 24-05-11 11:48 AM

رد: تسمع وإستمع قول الفريدي
 
صح لسانك يا ابو زوايد

أبو وسيم 24-05-11 11:53 AM

رد: تسمع وإستمع قول الفريدي
 
صح لسانك ابو فيصل على هذه القصيدة الجزلة

وهكذا انت شاعر كبير وبالشعر تكبر بالعيون

اقف احترما لك ولشعرك

دمت لنا بالوجود

ابـن مـطـيـع 24-05-11 12:31 PM

رد: تسمع وإستمع قول الفريدي
 
نعم ابو فيصل هذا حال الشعر هذه الايام قصيدة رائعه وجميلة منك
وبن جضعان شاعر يستاهل الاسنــاد له ولكنك منعته من المجاراة ....ومنعتنا من الابداع من شاعر الرومنسية
تقبل مروري لك ومداخلتي البسيطة

خلف الفريد 24-05-11 03:39 PM

رد: تسمع وإستمع قول الفريدي
 
صح لسانك يابو فيصل لاهنت
وانا ابا احاول بالنيابه عن ابو عمر
فزعه


الساعة الآن 01:34 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52