|
ردي على خلف الفريد.......نايف بن مياس يا شاعرٍ مشهور في حبكة القاف=يا متعب الشعار ساعي بريده رقيق قلبه للمواليف شفاف=وغليض لامست حدود العقيده يسكن مدينه والطبايع للارياف=تلقا الدلايل كلها في نشيده بالكامري صوره وصوره على الهاف=الله يزيده بالسنين المديده له كلمةٍ تسمع وله حق الاشراف=وله حق تغيير المواضيع بيده ولا احدٍ يبي من فوق حقه والانصاف=ونفس الكلام اللي نقوله نعيده ولا احدٍ تعزوا في مساكين وضعاف=وفعولنا يوم السنين النكيده عيال راشد مرهبة كل سياف=يشهد لنا التاريخ والله شهيده اخذت من وسط القصيده والاطراف=مثل النخيل اللي تدلى جريده نايف بن مياس |
رد: ردي على خلف الفريد.......نايف بن مياس صح لسانك يابن شليويح وزان فالك ... قصيدة محبة واخوه ولو انك نفخت العود شوي ههههههههههههههههه ولاشك ان هذه المساجلات بين ابناء العم وخفتها وصدقها هي عناوين المحبه ... ويستاهلون عيال راشد المدح بلا قصور بمن هم معنا من القبائل والحمائل الاخرى الذين هم اوسمة حب ووفاء على صدر هذه المجالس وجهودهم مشكورة ومبروره ومحسوسه ... اما حق تغيير المواضيع باليد فهي عند ابن نمران واخوك مشرف اصيل القوافي لاغير ... اشكرك على هذه المشاعر الجميله لاعدمتك |
رد: ردي على خلف الفريد.......نايف بن مياس تم الاطلاع عليها مسبقاً القصيدة والمجاراة الرائعه بينكم وتمنى من مشرف القسم نقلها المساجلة إلى المساجلات الشعرية.......وشكراً |
رد: ردي على خلف الفريد.......نايف بن مياس (عيال راشـد مرهبـة كـل سيـاف) اخوى نايف بن ميّاس اولاد راشد ولله الحمد افعالهم تشهد لهم بدون قصور بباقي القبائل وأعتقد إنك لم توفق بتوظيف السياف لإن السيّاف أبعدني الله وأياك والقارىء الكريم عن هذا الموقف يأتي المدان بحكم شرعي مصفد بالأغلال ولايستطيع الحراك حتى يدافع عن نفسه لو بالكلام وأن كنت تقصد شجاعة اولاد راشد فهناك الرمح والبندق أما شايبنا يستاهل المدح صح لسانك يالغالي تحيتي |
رد: ردي على خلف الفريد.......نايف بن مياس رقيـق قلبـه للمواليـف شـفـاف وغليـض لامسـت حـدود العقيـده _____________________________ نآيف بن ميآس صح لسانك على الأبدآع الجميل ويستاهل عظم العرب تقبل مروري |
رد: ردي على خلف الفريد.......نايف بن مياس الى جميع الاخوان صح الله ابدانكم دمتم بالف خير |
رد: ردي على خلف الفريد.......نايف بن مياس سلمت يمينك |
رد: ردي على خلف الفريد.......نايف بن مياس اقتباس: المشاركة الأصلية كتبت بواسطة مياده غزه http://www.alfredah.net/forum/elfard...s/viewpost.gif سلمت يمينك لك الف سلامه على المرور |
رد: ردي على خلف الفريد.......نايف بن مياس نايف بن مياس صح لسااانك صح لسااانك صح لساانك قصيده في غاية الروعه والجمال ولاهي غريبه عليك الجزل تقبل اعجابي ومروري |
رد: ردي على خلف الفريد.......نايف بن مياس صح لسانك ياب ودمتمن مياس ولسان العندليب كفيتم ووفيتم وجزاك الله خير يابو ارجوان وقفت بوجه العود عظم العرب وانا اعتبر ردك كافي لأن ماقل دل وزبدة الهرج نيشان =والهرج يكفي صامله عن كثيره |
| الساعة الآن 05:50 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir