|
الى فالح السدحان ..مع التحيه محلاك ياشعري بموقفك محلاك=عودتني جودك وانا واثقٍ فيك اغريتني والموقف الطيّب اغراك=عطني معانيك الجزيلات واعطيك اما معانٍ تسعد اللي تحراك=والا وش اللي بالهزيلات يغريك ومن لابنى شعره على عرف وادراك=لابد مايلحق معانيه تشكيك وحييت ياحرٍّ سكن دار الاتراك=عنا بعيدٍ لكن القلب يغليك غمرتني بالحب من فيض يمناك=ورفعتني لعل ربي يعلّيك طيب المشاعر راسخٍ في محياك=واسمى المعاني حاضره في معانيك ولا هي غريبه منك تظهر مزاياك=الطيبه والعود فيهن موصيك نهر الوفا .. حطيتني وسط مجراك=والله يعين اللي بقي عايمٍ فيك يابو محمد وافيٍ لاعدمناك=رسالتك وصلت وربي محييك اسلم وسلم لي على ذاك مع ذاك=وان سهّل الله يصمل العود ويجيك!! ولـّت سنينه ماوصل غير تبراك=وام العيال تقول " عندي واعشيك " واقول والله مالقينا حلاياك =لا في بلاد الترك والا المماليك !!! |
رد: الى فالح السدحان ..مع التحيه صح لسانك اخي ابو عبدالعزيز ولاكن تمنيت تنسخ القصيده الموجهه لك وتضيف قصيدتك معها لتكتمل الصوره ويسهل للمتلقي قراءة المعلقتين تحياتي وتقديري ,,,,,, |
رد: الى فالح السدحان ..مع التحيه اسلم وسلم لي علـى ذاك مـع ذاك وان سهّل الله يصمل العود ويجيك!! اخوى الكبيربقدره خلف بن عتّاق الفريد تراي خوينلكــ كان جزمت على السفر ههههه والله والنعم بإبن سدحان وبإبن عتّاق قصيده وردها بغاية الجمال منكم إثنينكم صحت الألسن وسلمت القلوب صح لسانك اباعبدالعزيزوافي دائماً تحيتي |
رد: الى فالح السدحان ..مع التحيه صح لسانك..... |
رد: الى فالح السدحان ..مع التحيه ابوعبدالعزيز صح لسانك وعلا شانك وادام الله عزك،،، [poem=font="simplified arabic,5,black,normal,normal" bkcolor="transparent" bkimage="" border="none,4,black" type=0 line=0 align=center use=ex num="0,black""] [/poem] أصمل تراها منوة اللي تحراك ##### تلقى بلاد الترك قدمك تحييك وترا أسعد اللحظات شوفتك مع ذاك#### ابوزوايد خير منهو يخاويك مع خالص المحبة لجميع الاخوان |
رد: الى فالح السدحان ..مع التحيه الى اخوى العزيز فالح بن سدحان حبيت أجاريك ببيتين رد على ماسبق وارجو أن تنال قبولك إن سهل المعبود يالقرم جيناك=أنا وبن عتّاق لازم نفاجيك بزيارتن يفرح بها مثل شرواك=ياللي على الطوله تنومس بنيخيك وسلامتكــ مع شكرى وتقديري دعوتكـــ |
رد: الى فالح السدحان ..مع التحيه هههههههههههههههههههههه ابو محمد ابو فيصل الظاهر انكم تبون ترقـّصون العود والعود ماعليه زياده ....:142: رفقاً بالشيبان لاهنتم .. الله يرحم بصري !!!!!!! صحت الالسنه |
رد: الى فالح السدحان ..مع التحيه صح لسانك يــ العود :019: ويستاهل إبن سدحان لكن تراي خويَّك إن كانت الديره هي ( تركيا ):133: وإن ماسمحت الظروف عليك بمدينة (طرابزون ) قرية ( أوزونقول ) تبعد عن مدينة (طرابزون )70كلم وخذ عزبتك وروَّق وخل أم العيال ( تعشَّي عيالها :139:) ماروى 40سنه وهي تعشَّيك وشن عليها حمله وأطلق عليها ( كفايه أعتقي إبن عتَّاق يشوف زين الترك :145:) ولكن القريه هذي تبي واحداً يغلق جميع تليفوناته وينسى أم عبدالعزيز لو عشرة إيام من مجموع 40عام وترى أخلي مسئوليتي من أي ضرر نفسي أو جسدي جراء مايحدث من بنت النشامى ( أم عبدالعزيز ) وإليك صور لتلك القريه (جنَّة الله في أرضه ) وهذا جوها في الصيف وكل مافيها طبيعي ويسر الناظرين حتَّى بنو آدم اشكالهم طبيعيه :115: <<<<< ناوي على تهييج مشاعر العود :012: |
رد: الى فالح السدحان ..مع التحيه صح لسانك ابا عبدالعزيز تضل احد عناوين الوفاء يستاهل ابو محمد واما الفرصة فلاتتكرر وخصوصا المعزب فالح بن محمد والخوي ابوفيصل تقبل باقات من الورد والكادي ياعندليب المجالس |
رد: الى فالح السدحان ..مع التحيه الله الله صح لسانك ابو عبدالعزيز على هذه القصيدة ويستاهل اخونا فالح هذه الابيات الرائعة وتراه ماهي شينه الروحة وبرفقة الذيب ابو فيصل ومع هذه الصور الجميلة لكن ان ادري ان قلبك اخضر لاتروح هون |
رد: الى فالح السدحان ..مع التحيه ياربااااااااااااااااااااا اااااااااااااااااه ياكثر الحساد كثراه ..... عوذا هههههههههههههههههه الحقيقه اختلطت عندي الالوان والاشكال فصرت كما قال الشاعر : تكاثرت الظباء على خراشٍ *** فما يدري خراش مايصيد هناك من يشجع وهناك من ينصح وهناك من يحذر لين العود ضاع بالطوشه ... يا اخوان رفقا بالعود وهذه اول سفره ومتحمس واقول للحجيه انا رايح لبو محمد اجيب عمال للبوفيه الجديد وهذا هو الصحيح ... وبعدين وش جاب طاري البياض والحمار والخضار انتم وين وانا وين هداكم الله .... :144: المساله زياره بريئة لاحد بلاد المسلمين ومهد الحضارات الاسلاميه :119: وبعدين انت يابو وسيم ياراعي استراليا طلبت زيارتك من عام الاول ولا سويت لي شي حتى ما ارسلت لي لو خمس روس استراليات .... ذبايح لاتفهمون غلط :021: اما انت محمد الفهد ياحبي لهالخشيم ... قال ابو فيصل قال الا انت خويي خل ابو زوايد يقعد .... قلة خاتمه:078: انت والله اللي يصلح لي ما اجمل الطبييييييييييعه !!! لا والسنيدي وعدته بالجمس الحمر (85) عبارتين *** تمساح المشهور وانتي يالريم الشمالي خلي النصايح لين اجي من طرازون وزنقول او حولها .... وكل الشكر لكم على هذه التعليقات والدعابات الرائعه لاعدمتكم وابشروا بالهدايا الطيبه /// هذا ان شفتوني:168: شايبكم |
رد: الى فالح السدحان ..مع التحيه الله يحفظكم من نار الفتن اين ماكنتم وتركيا المسلمين كثرفيها ولله الحمد مساجد منتشره بشكل مفرح ومناضر خلابه اهم شي احرصو على الغه يمشي معها انقلش لكن الريم الله يصلحها دخل موضوع بموضوع |
رد: الى فالح السدحان ..مع التحيه العزيزه شموع اسأل الله ان يجزاك خيرا على هذه الكلمات الطيبه الرائعه ... ولهذا السبب سوف نزورها لتفقد هذه المساجد انا وبعض المشائخ :019: اسعدني مرورك اما الريم فمن عادة الغزيل الصغير انه كثير الحركه ولا تضر حركاته احد وانا يسعدني جميل مشاغباتها حقيقة ... لاعدمتكم |
رد: الى فالح السدحان ..مع التحيه الغالي ابوفيصل نتشرف بالاحتفاء بقدومك بإذن الله الغالي ابوعبدالعزيز جامع ابو أيوب الانصاري ،، يحتاج الى بحث تاريخي مفصل وأنت خير من يقوم بهذا ،،،،،،،، ولاأرى الحذف لضرورة تقبل الرأي الاخر....... |
رد: الى فالح السدحان ..مع التحيه هلا ابو محمد رضي الله عن الصحابي ابو ايوب الانصاري كان مجاهدا واستشهد في تركيا ... ولانني احب هذا الصحابي الجليل اريد الاستزاده عن كيفية استشهاده ولهذا لابد من الوقوف على الطبيعه وقراءة ماكتب عنه هناك وتفقد مسجده ... ارجو التجهيز لرحلتنا المباركه هذه لاهنت لاعدمتك |
رد: الى فالح السدحان ..مع التحيه علينا ابو عبدالعزيز عمال بوفيه اقول اعزم فرصه ماتفوّت مدام الخوي ابو فيصل والمعزب فالح بن محمد بن سدحان والله ونعم بالجميع وصح لسانك ابوعبدالعزيز الابداع لايستغرب من اهله لاعدمناك |
رد: الى فالح السدحان ..مع التحيه ابو حمد اترك الناس الله يهداك هههههههههههههههه الشايب ماعنده الا نية وحده الله يصلحك !!!! مرورك نور وجمال وحبور وصح بدنك وسلمت لاخيك |
رد: الى فالح السدحان ..مع التحيه صح الله السانك ابوعبدالعزيزقصيدة وافيه ويستاااااااااااااااااااهل كل خير فالح السدحان وعساك بالوجود ابو عبد العزيز |
رد: الى فالح السدحان ..مع التحيه المشعل صح بدنك لاهنت مرورك اسعدني وابهجني وانار متصفحي لاعدمتك |
رد: الى فالح السدحان ..مع التحيه مجاراه للاستاذ الشاعر خلف عتاق القلب ياعظم العرب جاه دكاك = مما حصل في شاشة النت ناصيك هيض شجوني يابيض الوجه بحراك =وخلا الشوارد يابن عتاق تاتيك كان انت ناوي رحلة ن يم الاتراك = احسب احسابي وصامل الفعل يدريك |
رد: الى فالح السدحان ..مع التحيه اقتباس: المشاركة الأصلية كتبت بواسطة سعد بن هذيل http://www.alfredah.net/forum/alfred...s/viewpost.gif كان انت ناوي رحلة ن يم الاتراك = احسب احسابي وصامل الفعل يدريك وش قصة الربع كلهم مسافرين تركيا !! . فالح بن سدحان .. أتوقع إنه تبي تكون عندك هجره بسبب توافد الجماعه على تركيا .. . عاد لا تنسانا من الوظايف ... تكفى يا بن عمي . |
رد: الى فالح السدحان ..مع التحيه اقتباس: المشاركة الأصلية كتبت بواسطة سعد بن هذيل http://www.alfredah.net/forum/alfred...s/viewpost.gif مجاراه للاستاذ الشاعر خلف عتاق القلب ياعظم العرب جاه دكاك = مما حصل في شاشة النت ناصيك هيض شجوني يابيض الوجه بحراك =وخلا الشوارد يابن عتاق تاتيك كان انت ناوي رحلة ن يم الاتراك = احسب احسابي وصامل الفعل يدريك يابو فهد حياك حياك حياك=اصمل وتلقاني على الباب اناديك لاتلتفت للي وقف خلف شباك=خل النظر قدام واسرع خطاويك العزم يابن هذيل مع "التحراك"=يجدد الاعمار مافيه تشكيك |
رد: الى فالح السدحان ..مع التحيه اقتباس: المشاركة الأصلية كتبت بواسطة عبدالله بن راشد http://www.alfredah.net/forum/alfred...s/viewpost.gif اقتباس: المشاركة الأصلية كتبت بواسطة سعد بن هذيل http://www.alfredah.net/forum/alfred...s/viewpost.gif كان انت ناوي رحلة ن يم الاتراك = احسب احسابي وصامل الفعل يدريك وش قصة الربع كلهم مسافرين تركيا !! . فالح بن سدحان .. أتوقع إنه تبي تكون عندك هجره بسبب توافد الجماعه على تركيا .. . عاد لا تنسانا من الوظايف ... تكفى يا بن عمي . ياللي مرورك غير ومداخلك غير=مريت لكن مارميت السلامي اما سلفكم وهقوه المداوير=والا منازلنا غدت بالزحامي اللي جذبكم اسم روس المناعير=ونعمين باسم الشامخين الكرامي وعسى السحاب اللي قنوفه مزابير=يضفي على اللي للهماليل ظامي |
رد: الى فالح السدحان ..مع التحيه اقتباس: المشاركة الأصلية كتبت بواسطة خلف الفريد http://www.alfredah.net/forum/alfred...s/viewpost.gif اقتباس: المشاركة الأصلية كتبت بواسطة عبدالله بن راشد http://www.alfredah.net/forum/alfred...s/viewpost.gif اقتباس: المشاركة الأصلية كتبت بواسطة سعد بن هذيل http://www.alfredah.net/forum/alfred...s/viewpost.gif كان انت ناوي رحلة ن يم الاتراك = احسب احسابي وصامل الفعل يدريك وش قصة الربع كلهم مسافرين تركيا !! . فالح بن سدحان .. أتوقع إنه تبي تكون عندك هجره بسبب توافد الجماعه على تركيا .. . عاد لا تنسانا من الوظايف ... تكفى يا بن عمي . ياللي مرورك غير ومداخلك غير=مريت لكن مارميت السلامي اما سلفكم وهقوه المداوير=والا منازلنا غدت بالزحامي اللي جذبكم اسم روس المناعير=ونعمين باسم الشامخين الكرامي وعسى السحاب اللي قنوفه مزابير=يضفي على اللي للهماليل ظامي ماهو جهل والله ماهو بتقصير=طغت محبتكم بليا سلامي الود يطلب بالتحيه من الغير=وأنا غريق الود والموج طامي ما احتاج من ينعت لي الطود و يشير=ولا احتاج من يشرح لقلبك كلامي ولا مر اسم جدي على النت في خير=تسبح بي الأشجان مدري علامي |
رد: الى فالح السدحان ..مع التحيه ماهو جهل والله ماهو بتقصير=طغت محبتكم بليا سلامي الود يطلب بالتحيه من الغير=وأنا غريق الود والموج طامي ما احتاج من ينعت لي الطود و يشير=ولا احتاج من يشرح لقلبك كلامي ولا مر اسم جدي على النت في خير=تسبح بي الأشجان مدري علامي يامن حروفه شرفتني مسايير=علّقتهن بالصدر مثل الوسامي كلامك احلى من حليب المصاغير=والعذر مثل البرق وسط الظلامي وشلون ما اشره يازبون المخاسير=وانته ولد راشد كبير المقامي كليب مات ولا نسي حبه الزير=مع اختلاف ايامنا والاسامي |
| الساعة الآن 10:41 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir