ايها الاخوه هذه قصيده قديمه
عندما كنت في إحدى الدول الاوروبيه نما إلى علمي
أن هناك من تكلم في ويعذرب سفرياتي بإن لي أهداف غير طيبه من هذه السفريات
وكان الجواب على شكل رساله لإخي إبن عمي الشاعر مهل معجب ابوزوايد وأنا لازلت
هناك فأتى الرد منه لكن للإسف لم أحتفظ في رده ولطلب مشعل المجالس نشرتها
القصيده :-

ياراكب اللي مثل فرخ القطامي=يوم أقلعت شكمانها يشتعل نار
منه اللهب خمسين مترن تمامي=تقول ماكوكن على الأرض دوار
يسوقها الكبتن لواء من شمامي=من رتبت ملازم مع الجوطيار
خريج دوره من معاهد ميامي=ولد الامريكاني تقل يطلبه ثار
مدربه تدريب قاسي وحامي=ياما تخرج للمهمات بيطار
ساعة ركب فيها وصك الحزامي= فحص محركها ودقه بالأزرار
صك الكبينه وأعلن الأستلامي= قال إستلمت الطائره دون تكرار
وشلّع بها قبل حلول الظلامي=متوجه للشرق ياواق الأخطار
متوجه برسالتي وبسلامي=وأزكا تحيه من ظميري للأخيار
الى وصلت ديار قومن كرامي=نزل خطاب بداخله خمسة أسطار
تعبير من قلبن طواه الهيامي=دارت به الأيام والوقت غدار
ويومن أبو خلف عليّه يحامي=مهل ولد معجب إلى صارماصار
أشكي عليك الحال يابن العمامي=وعندك جميع اللي حصللي من أخبار
مارحت أدور لابسات الزمامي=ولاقريع الكاس في بارخمار
لاوالذي ينشى حقوق الغمامي= مرسي سفينة نوح فى غب الأبحار
المقصد إني من رجالن حشامي=يبو خلف وأخاف من هرج هذار
الخايبين الناقصين الخمامي=المبغضين اللي يبيحون الأسرار
هذا وأنا ماليلتن في منامي=ماشفتكم قدام عيني وحضار
تمت وصلوا كثر عدالانامي= على النبي المصطفى سر وجهار

اخوى
ماجد المطيع
لاهنت على المرور وأشكرك لك الثناء على شخصى
البسيط والحمدلله إن ماأكتب يعجب مثلك وشرواك
تحيتي

الريم الشمالي
اسعدني مرورك وإشادتك والطيّب مرورك
تحيتي

اخوى
ابن مطيع
سعدت بمرورك الكريم ولولاء طلبك مانشرتها
لكن باقي الادراج مالقيت مفاتيحها هههههههههه
أعتز بشهادت مثلك وشرواك يالغالي ولاهنت
تحيتي

برق الوسم
وجهك أبيض يالغالي ولاهنت على المرور والاشاده
تحيتي