مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   لاتشتكي يانواف بن هلال ....ورديه (http://www.alfredah.net/forum/threads/alfredah30072/)

خلف الفريد 25-04-11 02:38 PM

لاتشتكي يانواف بن هلال ....ورديه
 
وجدت اليوم قصيدة لذيذة للشاعر المرهف نواف بن هلال بن نومان ...
ولجمالها اهديه واهديكم هذه الابيات :



ياشاعرٍ في شعوره ماهو مزيّف=جيناك وقلوبنا الخضراء مواجيفي
قلبك رهيفٍ وقلب الشايب رهيّف=يالله عسى مايصيب العود تخفيفي
عمره تعدّى عقود وفوقها نيّف=والقلب متعرّضٍ لاعتى الصواديفي
قبلي مبارك حديد وقبله شريّف=وردوا على عدّنا بشتاه والصيفي
وابو زوايد ضعيف الحال ونحيّف=براه حبٍّ توارى بالسراجيفي
لا تشتكي والمواقف كلها تعيّف=لاتطلب العون من ناسٍ مناكيفي
يابس جريد النخل ياخوك مايشيّف=والربع ماعندهم غير السواليفي


ابـن مـطـيـع 25-04-11 02:49 PM

رد: لاتشتكي يانواف بن هلال ....ورديه
 
رائعه جداً يا ابو عبد العزيز بل أنت الأروع
في هذا القصيدة الجميلة ,الورديه
صح السانك ياابن عتاق
لاتتكلم إلا شعراً ما شا الله عليـــــــــك

منصور الوسوس 25-04-11 04:32 PM

رد: لاتشتكي يانواف بن هلال ....ورديه
 
الله .. الله .. الله
صح لسانك ياعندليب المجالس
قصيدة رائعة جدا اكملت فيها جوانب الابداع
تواجد تلك الاسماء اللامعة ابوناصر ..وابوهايف..وابو فيصل يجعلنا ننتظر توافد تلك الشخصيات البارزة في الشعر ..
شكرا لإتحافنا بتواصل ابداعك ابا عبدالعزيز

عبدالله حمد الفريدي 25-04-11 05:14 PM

رد: لاتشتكي يانواف بن هلال ....ورديه
 
دره من درر العندليب لايمل من قرائتها
صح لسانك ابا عبدالعزيز
ولاعدمناك

ذعذاع الشمال 25-04-11 05:25 PM

رد: لاتشتكي يانواف بن هلال ....ورديه
 
مشكور ابو عبد العزيز لاكن القصيده لك والا لنواف ابن نومااان 0

غازى بن عجاب أبوزوايد 25-04-11 11:49 PM

رد: لاتشتكي يانواف بن هلال ....ورديه
 
القدير ابا عبدالعزيز
تجد ردى بمجلس الشعر الخاص
مع تحياتي

شموع التفائل 25-04-11 11:53 PM

رد: لاتشتكي يانواف بن هلال ....ورديه
 
نسجل اعجابنا بطرحك

خلف الفريد 26-04-11 11:32 AM

رد: لاتشتكي يانواف بن هلال ....ورديه
 
الغالين على القلب.....

ابن مطيع
ابو يارا
ابو حمد
الذعذاع
ابو فيصل
الشيخه

تواجدكم وتعليقاتكم مدار املي ونور متصفحي ....
مشاعركم نثرتموها هنا نورا وورودا
شرف لي ان ارى هذا الحب والوفاء ...
صحت ابدانكم لاعدمتكم

***
جوابا لاخي الذعذاع
مقدمة القصيده فيها الجواب
وهو مجاراة لقصيدة نواف (الفراق)

أبو وسيم 26-04-11 12:15 PM

رد: لاتشتكي يانواف بن هلال ....ورديه
 
صح لسانك ابو عبدالعزيز على هذه الرديه الورديه

وماقصر ابو فيصل في رده عليها

اطال الله باعماركم جميعا وجعلكم ذخرا لنا وللقبيلة

لك تحياتي

خلف الفريد 27-04-11 11:35 AM

رد: لاتشتكي يانواف بن هلال ....ورديه
 
صح بدنك ابو وسيم لاهنت
اشكرك على مرورك العطر
لاعدمتك


الساعة الآن 06:20 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52