مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   الليله الفرحه (http://www.alfredah.net/forum/threads/alfredah2958/)

خلف الفريد 01-07-07 11:50 PM

الليله الفرحه
 
بسم الله الرحمن الرحيم
هذه القصيده القيتها في حفل الاخ /سعود بن محمد بن حديد الفريدي الذي اقامه في قصر مرزوق بن شحاذ العود الفريدي للاحتفالات بالقواره بعد انتخابه عضوا في المجلس البلدي عن بلدته (كبد)


الليله الفرحه لها اشكال والوان=ماباقي الا نشعل العاب ناريه
كن الفراش يحوم في كل الاركان= يفرد جناحينٍ لها الوان سحريه
ياليلةٍ بين الليالي لها شان=يبقى لها في صدر الايام ماريه
شفنا بها كل الجماعه والاخوان=على الشحم والطيب والشاذليه
وغيثٍ على(كبدي) كما رش هتان=ارخى جنوب وحده النافعيه
ليته تعدى يمنا الذود عطشان=على العدود ولا سقينا المطيه1
وانا حضوري ياهل العرف فرحان=وكن القمر ونجوم الافلاك بيديه
جيت ابا اهني فارس بين فرسان=بن حديد سعود واقول حيه
بالعزم اخذها والتنافس كحيلان=حلبة سباق وفاز راع العبيه
من نسل شيخٍ يذبح كبار وسمان=ولا يشتكي من لاذ به مكرهيه
لعل ابو فالح بروضات وجنان=ولا يحرمه ربي شفاعة نبيه
ومدحي ترى مايحط من قدر الاخوان=اللي ادوا المجهود روحه وجيه
ولا احد خسر فيها ولا فيه زعلان=دام الهدف خدمة وطنا سويه
ولاني بناسي وان تناسيت غلطان= اليا مدحنا سعود نمدح خويه
مبروك ابو تركي ولو صرت عجلان=نبيك تحدد ليلة سامريه2
وذي تجربه واللي حصل صار برهان=على الولاء والحب والجاهزيه
الحب لدين الله وشرعه والايمان=ومع طاعة الراعي وحق الرعيه
الجاهزيه شافها بوش وعنان=حزنا على تقدير ميه بميه
في ظل حكمٍ فيه حكمه وميزان=ونهج الشريعه للوطن مرجعيه
الله يثبتهم على الحق سلطان=بأمن وأمان ونعمة سرمديه
ولا يهمنا مايقوله فلان وفلان=حنا نعرف الطيبه والرديه
ولازم نحط بداخل القلب عنوان=بخط عريض وركزوا لي شويه
حب الوطن ماهو كلام على لسان=ولا هو سكوت او قولة ماعليه
لازم نصير لمن بغا الشر عدوان=وترى مع الفتنه تضيع الهويه
واصلاحنا ماهو بتصنيع تايوان=ولا هو من الغرب المنافق هديه
اصلاحنا خطوه بخطوه مع اتقان=مع حرصنا على المبادي حميه
يقودنا نهج الرساله وقرآن=ودستورنا من عند رب البريه
وصلاة ربي عد ما اهتزت اغصان=على نبيٍ عزوته هاشميه

1 يشير الشاعر الى ان مرشحي المجلس من الجماعه في بريده لم يحالفهم الحظ
2 ابو تركي هو المرشح الفائز عن القواره الاخ محمدبن ناصر السعديه والذي فعلا اقام حفله كبيره وشاركت فيها بقصيده سوف ترونها قريبا انشاء الله
ومناسبة هذه القصيده الحفل الذي اقامه الاخ سعود بن محمد بن حديد الفائز عن بلدته كبدفي قصر القواره للاحتفالات

ابن منيديل 02-07-07 12:52 AM

رد: الليله الفرحه
 
الليله الفرحه لها اشكال والوان = ماباقي الا نشعل العاب ناريه

ابو عبدالعزيز
هذي هي فرحتي بقصيدتك الجميلة ايها الرائع



وانا حضوري ياهل العرف فرحان = وكن القمر ونجوم الافلاك بيديه


وهذا البيت يعبر عن مروري على هذه الجزله


ومدحي ترى مايحط من قدر الاخوان = اللي ادوا المجهود روحه وجيه


هذا مااردت قوله ولكن قالها ابو عبدالعزيز
بمدح قصيدته من غير نقص بقصائد ربعي الاخرين والذي بيذلون الجهود لمجالسهم




ولازم نحط بداخل القلب عنوان = بخط عريض وركزوا لي شويه


العنوان هو (( صـــح لســـانـــك وإحــســــاســـك ))



وصلاة ربي عد ما اهتزت اغصان = على نبيٍ عزوته هاشميه


(( اللهم اصلي واسلم على نبينا محمد ))

علي الفريدي 02-07-07 01:40 AM

رد: الليله الفرحه
 
وانا حضوري ياهل العرف فرحان = وكن القمر ونجوم الافلاك بيديه


(( يديه )) متجي مع (( الشاذليه)) ابداااااااااااااااااااا

ارجو ملاحظة وزن القصيدة فهي تحتاج تعديلات كثيرة يمكن الكتابة لها دور ارجو ذلك

مبدع دائما ياخلف لاكن لازم نقول كذا ويش را ي اخوي

احمد بن ضيف الله بن حماد 02-07-07 03:05 AM

رد: الليله الفرحه
 
صح لسانك يا ابو عبد العزيز

وقصيدة جزلة من شاعر جزل

مقبل بن نمران 02-07-07 10:33 AM

رد: الليله الفرحه
 
أبو عبدالعزيز

صح لسانك وإعتلا شأنك

ودمت مميزاً وحاضراً في مواقف ربعك

وحضورك وحضور الشعر في محافل ربعك سمة صادقة نقية تسجل لك

تقبل مروري وشكري وتقديري

دمت بخير ومحبة

خلف الفريد 02-07-07 12:35 PM

رد: الليله الفرحه
 
بسم الله
اخي الحبيب ابن منيديل
وانا اهدي لك القصيده كلها كما اعدك بواحدة خاصة لك لان مرورك على مشاركات اخوتك كمرور السحابة الممطرة على ارض بحاجة للماء وفقك الله ولا عدمنا هذا القلم الوهاج
اخي علي الفريدي
طالما هناك من يتذوق الشعر وينقد ويميز فهذا من نبحث عنه و نستنير بقوله، اما بخصوص جملة(بيديه) فهي للمتكلم وليس للغائب كانني اقول يدي الاثنتين، اما وجود خلل في في وزن القصيده فهذا ممكن ارجو تنبيهي اليه لتداركه!! لك شكري وحبي على المرور والملاحظات
اخي احمد
شكرا لك على الكلمات العطره ولا هنت
اخي مقبل
وهذه شهادة اعتز بها من شاعر فحل ودليل نجاحي (بالفحص) اما كون القصيده مشاركة في مناسبات ربعنا فهذا يابو نمران واجب وكنت من ضمن ربعي اللي شاركوا ايضا بما هو اجزل
لك شكري واجلالي ايها الراس المرفوع

الفريدي 02-07-07 07:18 PM

رد: الليله الفرحه
 
يستاهل ابو مشاري كل خير

وانت ماقصررررررررت يابوعبدالعزيز

ننتظر قصيدتك في ابو تركي امير الشباب محمد ناصر

لكن لاتجيب طاري ( الدوار ) أنتبه ههههخ

أمير العاشقين 02-07-07 08:22 PM

رد: الليله الفرحه
 
ومشكور ابوعبدالعزيز

وقصيدتك في حفل ابو تركي طالبها انا منك من زمان بس الله يهديك الظاهر انك نسيت ... هههههاااي

خلف الفريد 25-07-07 05:30 PM

رد: الليله الفرحه
 
بسم الله

اخوي الكريمين
الفريدي يوسف
امير العاشقين
اسعدني مروركما كما ذكرني بحاجتين
قصيدة ابو تركي
قصيدة في ابوتركي
الاولى سترونها قريبا انشاء الله
والثانيه تحت التحميص
شكرا لمروركما العطر:confused:
ولاهنتما


الساعة الآن 03:31 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52